Miqueas 7:11

Ang Biblia 2011

Usa ka adlaw alang sa pagtukod sa imong mga kuta! Nianang adlawa ang utlanan isibog ngadto sa layo.

Cross References

Nehemias 2:17

Unya miingon ako kanila, “Inyong nakita ang kasamok diin anaa kita, ang pagkagun-ob sa Jerusalem ug ang mga ganghaan niini nga nangasunog. Dali, atong tukoron ang paril sa Jerusalem aron dili na kita mag-antos sa kaulawan.”

Nehemias 2:8

ug usab usa ka sulat alang kang Asaf nga tigbantay sa kalasangan sa hari, aron hatagan niya ako ug kahoy nga buhatong mga sagbayan sa mga ganghaan sa kuta sa Templo ug alang sa paril sa siyudad ug alang sa balay nga akong puy-an.” Ug ang hari mihatag kanako sa akong gipangayo kay ang maayong kamot sa akong Dios ania kanako.

Nehemias 4:3

Si Tobias nga Amonihanon diha sa tupad niya, ug siya miingon, “Kanang ilang gitukod, bisan ug usa ka milo ang mosaka niini, tumpagon niini ang ilang paril nga bato!”

Nehemias 4:6

Busa among gitukod ang paril, ug ang tibuok paril nadugtong ngadto sa katungang gitas-on niini kay ang katawhan may tinguha sa pagbuhat.

Isaias 54:11

“O ikaw nga sinakit, gikusokuso sa unos, ug wala hupaya, tan-awa, ibutang nako ang imong mga bato diha sa matahom nga mga bulok, ug ipahiluna nako ang imong mga patukoranan uban sa mga sapiro.

Isaias 54:2

Padakoa ang dapit sa imong tolda, ug ipabukhad ang mga tabil sa imong mga puluy-anan; ayaw pugngi, patas-i ang imong mga pisi, ug lig-ona ang imong mga ugsok.

Isaias 58:12

Ug ang imong karaang mga dapit nga nangaguba tukoron pag-usab; imong pabarogon ang mga patukoranan sa daghan nga mga kaliwatan; ikaw tawgon nga tig-ayo sa nangatumpag, ang tig-ayo sa kadalanan aron puy-an.

Isaias 61:4

Ilang tukoron ang karaang mga guba, patindogon nila ang karaang mga nangalumpag; ayohon nila ang guba nga mga siyudad, ang mga nangagun-ob sa daghang mga kaliwatan.

Daniel 9:25

Busa hibaloi ug sabta, nga gikan sa paggula sa pulong sa pagpasig-uli ug sa pagtukod sa Jerusalem ngadto sa pag-abot sa dinihogan, usa ka pangulo, adunay pito ka pito ka tuig. Ug sa 62 ka pito ka tuig tukoron kini pag-usab uban ang hawan nga dapit ug ang kanal, apan diha sa samok nga panahon.