Miqueas 7:10

Ang Biblia 2011

Unya ang akong kaaway makakita niini, ug ang kaulaw magtabon kaniya nga nag-ingon kanako, “Hain man ang Ginoo nga imong Dios?” Ang akong mga mata magpasigarbo batok kaniya; karon siya tamakan sama sa lapok sa kadalanan.

Cross References

2 Samuel 22:43

Gidugmok nako sila sama sa abog sa yuta, giyatakyatakan ug gitumban nako sila sama sa lapok sa kadalanan.

Salmo 109:29

Magbisti unta ug kaulawan ang mga nakigbatok kanako; maputos unta sila sa ilang kaugalingong kaulaw sama sa usa ka kupo!

Salmo 115:2

Busa nganong nag-ingon man ang mga nasod, “Hain man ang ilang Dios?”

Salmo 18:42

Gidugmok nako sila sama sa abog sa atubangan sa hangin; giyabyab nako sila sama sa lapok sa kadalanan.

Salmo 35:26

Himoa nga mabutang sila sa kaulawan ug sa kagubot, sila nga nangalipay sa akong katalagman! Himoa nga magsul-ob sila sa kaulawan ug pagkawalay dungog, kadtong nagpadako sa ilang kaugalingon batok kanako!

Salmo 42:10

Sama sa usa ka makamatay nga samad sa akong lawas, ang akong mga kaaway nagtamay kanako, samtang nagpadayon sila sa pag-ingon kanako, “Hain man ang imong Dios?”

Salmo 42:3

Ang akong mga luha mao ang akong pagkaon sa adlaw ug sa gabii, samtang ang mga tawo kanunay nga nag-ingon kanako, “Hain man ang imong Dios?”

Salmo 58:10

Ang matarong maglipay sa dihang makita niya ang panimalos; manghugas siya sa iyang mga tiil diha sa dugo sa mga daotan.

Salmo 79:10

Nganong mag-ingon man ang mga nasod, “Hain ba ang ilang Dios?” Itugot nga ang pagbalos sa dugo sa imong mga alagad nga ilang gipaagas mahibaloan sa mga nasod atubangan sa among mga mata!

Salmo 92:12

Ang matarong molambo sama sa palmera, ug motubo sama sa cedro sa Lebanon.

Isaias 26:11

O Ginoo, ang imong kamot gibayaw, apan wala sila makakita niini. Pakit-a sila sa imong mainitong tinguha alang sa imong katawhan, ug maulawan sila. Ipaut-ot sila sa kalayo alang sa imong mga kaaway.

Isaias 41:25

Ako nag-aghat sa usa nga gikan sa amihanan, ug siya miabot na, gikan sa silangan sa adlaw ug siya magtawag sa akong ngalan; ug siya magyatak sa ibabaw sa mga tigmando ingon sa minasang lapok, ug ingon sa magkukulon nga nagyatak sa kulonon.

Jeremias 49:15

Kay tan-awa, ako maghimo kanimo nga gamay taliwala sa mga nasod, tinamay taliwala sa mga tawo.

Jeremias 51:24

“Panimaslan nako ang Babilonia ug ang tanang nagpuyo sa Caldea atubangan gayod sa inyong mga mata tungod sa tanang kadaotan nga ilang gihimo didto sa Zion, nag-ingon ang Ginoo.

Jeremias 51:51

‘Kita naulawan kay kita nakadungog ug pagsaway; ang kaulawan mitabon sa atong mga nawong, kay ang mga langyaw miadto sa mga balaang dapit sa balay sa Ginoo.’

Ezequiel 7:18

Sila magtapis ug sako, ug ang kalisang motabon kanila. Ang kaulaw anaa sa tanang mga nawong, ang pagkaupaw anaa sa tanan nilang mga ulo.

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Joel 2:17

Pahilaka ang mga pari, ug ang mga alagad sa Ginoo, taliwala sa agianan sa templo ug sa halaran ug ipaingon kanila, “Sayloi ang imong katawhan, O Ginoo, ug ayaw himoa nga talamayon ang imong panulondon, pagya diha sa mga nasod. Ngano nga moingon man sila sa taliwala sa mga katawhan, ‘Hain man ang ilang Dios?’ ”

Abdias 1:10

Tungod sa pagpanglupig nga gihimo ngadto sa imong igsoon nga si Jacob, ang kaulaw magtabon kanimo, ug ikaw laglagon sa dayon.

Abdias 1:12

Apan wala unta ikaw magmaya tungod sa adlaw sa kaalaotan sa imong igsoon, ug wala unta ikaw maglipay sa adlaw sa pagkalaglag sa katawhan sa Juda; wala unta ikaw magpasigarbo sa adlaw sa kalisdanan.

Miqueas 4:11

Karon daghang mga nasod ang nagtigom batok kanimo, nga nag-ingon, “Hugawan nato siya, ug sud-ongon sa atong mga mata ang Zion.”

Miqueas 7:8

Ayaw paglipay batok kanako, O akong kaaway; sa diha nga ako mapukan, mobangon ako; sa diha nga ako molingkod sa kangitngit, ang Ginoo mao ang kahayag alang kanako.

Sofonias 3:15

Gikuha sa Ginoo ang mga hukom batok kanimo, iyang giabog ang imong mga kaaway. Ang Hari sa Israel, ang Ginoo, anaa sa imong taliwala; dili na ikaw angay nga mahadlok sa daotan.

Zacarias 10:5

Sila mahisama sa mga kusgang tawo sa panggubatan, magyatak sa mga kaaway diha sa lapok sa kadalanan; sila makig-away kay ang Ginoo nag-uban man kanila, ug palibogon nila ang nga tigpangabayo.

Malaquias 1:5

Ang inyong kaugalingong mga mata makakita niini ug moingon kamo, “Gamhanan ang Ginoo bisan pa sa unahan sa utlanan sa Israel!”

Malaquias 4:3

Ug tamakan ninyo ang mga daotan kay sila mangahimong abo sa ilalom sa mga lapalapa sa inyong mga tiil, sa adlaw nga akong himoon kini, nag-ingon ang Ginoo sa mga panon.

Mateo 27:43

Nagsalig siya sa Dios, ipaluwas siya sa Dios karon, kon nangandoy man siya kaniya kay nag-ingon siya, ‘Ako ang Anak sa Dios.’ ”

Josue 7:9

Kay ang mga Canaanhon ug ang tanang mga nagpuyo sa yuta makadungog niini ug maglibot unya kanamo ug papason ang among ngalan gikan sa yuta. Ug unsa na may imong buhaton sa imong gamhanan nga ngalan?”

Gipadayag 18:20

Paglipay kamo tungod kaniya, O kalangitan, O mga balaan ug mga apostoles ug mga propeta, kay alang kaninyo gipakanaog na sa Dios ang hukom batok kaniya!”