Miqueas 6:9

Ang Biblia 2011

Ang tingog sa Ginoo nagtuaw ngadto sa siyudad— ug kaalam ang pagkahadlok sa imong ngalan, “Pamati, O banay ug katilingban sa siyudad!

Cross References

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

Job 10:2

Akong ingnon ang Dios, Ayaw ako hukmi; ipahibalo kanako kon ngano nga nakigbatok ikaw kanako.

Job 23:14

Kay iyang hingpiton ang iyang gitagana alang kanako; ug daghan ang ingon nianang mga butanga anaa sa iyang hunahuna.

Job 5:17

“Bulahan ang tawo nga gibadlong sa Dios; busa ayaw tamaya ang mga pagpanton sa Labing Gamhanan.

Salmo 107:43

Si bisan kinsa nga maalamon, papaminawa niining mga butanga; papamalandonga sila sa gugmang walay paglubad sa Ginoo.

Salmo 48:10

Sumala sa imong ngalan, O Dios, ang pagdayeg usab kanimo miabot ngadto sa mga kinatumyan sa yuta. Ang imong tuong kamot napuno sa pagkamatarong;

Salmo 83:18

Pailha sila nga ikaw lamang, nga ang ngalan si Yahweh, mao ang Labing Halangdon ibabaw sa tibuok nga yuta.

Salmo 9:16

Ang Ginoo nagpaila sa iyang kaugalingon, nagpahamtang siya ug paghukom; ang daotan nalit-ag sa buhat sa iyang kaugalingong mga kamot. Higgaion. Selah

Mga Panultihon 22:3

Ang usa ka maalamon nga tawo makakita sa daotan ug magtago sa iyang kaugalingon; apan ang yano mopadayon ug mag-antos tungod niini.

Isaias 26:11

O Ginoo, ang imong kamot gibayaw, apan wala sila makakita niini. Pakit-a sila sa imong mainitong tinguha alang sa imong katawhan, ug maulawan sila. Ipaut-ot sila sa kalayo alang sa imong mga kaaway.

Isaias 27:10

Kay ang siyudad nga lig-on magmingaw, usa ka puluy-anan nga biniyaan ug sinalikway, sama sa kamingawan; didto ang nating baka manibsib, ug didto siya maglubog, ug magkaon sa mga sanga niini.

Isaias 30:27

Tan-awa, ang ngalan sa Ginoo maggikan sa layo, magdilaab uban ang iyang kasuko, ug diha sa baga nga aso nga mag-utbo; ang iyang mga ngabil puno sa kasilag, ug ang iyang dila sama sa kalayo nga maglamoy;

Isaias 66:6

“Pamatia ang kagubot gikan sa siyudad! Usa ka tingog gikan sa templo! Ang tingog sa Ginoo nga nagpahamtang sa balos ngadto sa iyang mga kaaway!

Isaias 9:13

Ang katawhan wala modangop niadtong mihampak kanila, o mangita sa Ginoo sa mga panon.

Jeremias 26:18

“Si Mikeas nga taga-Moreset nagpropesiya sa mga adlaw ni Hesekias nga hari sa Juda ug misulti sa tibuok katawhan sa Juda, ‘Mao kini ang giingon sa Ginoo sa mga panon, Ang Zion darohon sama sa uma; ang Jerusalem mahimong tinapok nga mga ginuba, ug ang bukid sa balay mahimong kakahoyan.’

Jeremias 26:6

himoon nako kining balaya nga sama sa Silo, ug himoon nako kining siyudara nga tinunglo sa tanang mga nasod sa yuta.’ ”

Jeremias 47:7

Unsaon ba niini paghilom, nga ang Ginoo man ang nagsugo? Batok sa Askelon ug batok sa kabaybayonan gitudlo niya kini.”

Ezequiel 7:9

Ang akong mata dili maglaktaw o maluoy silotan kamo nako sumala sa inyong mga pamaagi samtang ang inyong mga dulumtanan anaa sa inyong taliwala. Unya kamo makaila nga ako, ang Ginoo, mao ang naghampak.

Oseas 13:16

Ang Samaria magpas-an sa iyang sala kay siya misukol sa iyang Dios; sila mangapukan pinaagi sa espada, ang ilang mga bata dugmokon, ug ang ilang mga babaye nga mabdos yasyasan.

Oseas 14:9

Si bisan kinsa nga maalamon makasabot niining mga butanga, si bisan kinsa nga may panabot makahibalo niini. Kay ang mga dalan sa Ginoo matarong ug ang matarong maglakaw subay niini apan ang mga malapason mahisukamod diha niini.

Amos 2:5

Busa magpadala ako ug kalayo ngadto sa Juda ug kini maglamoy sa mga salipdanan sa Jerusalem.”

Amos 6:1

“Alaot kadtong anaa sa kasayon diha sa Zion, ug kadtong mibati ug kasigurohan diha sa bukid sa Samaria, ang mga inilang tawo nga una taliwala sa mga nasod, nga kanila miadto ang banay sa Israel!

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Miqueas 6:10

Malimtan ba nako ang mga bahandi sa kadaotan diha sa balay sa daotan, ug ang diyotayng taksanan nga dulumtanan?

Miqueas 6:8

Gipakita na niya kanimo, O tawo, kon unsa ang maayo; unsa ba ang gikinahanglan sa Ginoo kanimo kondili ang pagbuhat sa hustisya ug ang gugmang walay paglubad ug ang paglakaw nga mapaubsanon uban sa imong Dios?

Sofonias 3:2

Siya dili mamati ug sulti, dili modawat ug pagbadlong, wala siya mosalig sa Ginoo, wala siya moduol sa iyang Dios.

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.