Miqueas 6:3

Ang Biblia 2011

“O akong katawhan, unsay akong nabuhat kanimo? Diin man ako makapalaay kanimo? Tubaga ako!

Cross References

Salmo 50:7

“Pamati, O akong katawhan, ug ako mosulti, O Israel, ako magpamatuod batok kanimo. Ako mao ang Dios, ang imong Dios.

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Salmo 81:13

O mamati unta kanako ang akong katawhan, aron ang Israel maglakaw diha sa akong mga dalan!

Salmo 81:8

Pamati, O akong katawhan, samtang magpasidaan ako kaninyo! O Israel, kon ikaw mamati lamang unta kanako!

Isaias 5:4

Unsa pay angay nakong buhaton sa akong parasan nga wala nako buhata diha niini? Sa nagpaabot ako nga kini mamunga ug paras, ngano nga namunga man kini ug paras nga ihalas?

Jeremias 2:31

O kaliwatan, pamatia ang pulong sa Ginoo. Kamingawan ba ako alang sa Israel, o usa ba ka yuta sa hilabihan nga kangitngit? Nganong nag-ingon man ang akong katawhan, ‘Kami gawasnon, dili na kami moduol kanimo’?

Jeremias 2:5

Mao kini ang gisulti sa Ginoo: “Unsay sayop nga nakita sa inyong mga katigulangan kanako, nga mipalayo man sila gikan kanako, ug misunod sa kakawangan, ug nangahimong kawang?

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.