Miqueas 6:2

Ang Biblia 2011

Pamati kamo, mga kabukiran, sa pagpakigbangi sa Ginoo, ug kamo nga malig-ong mga patukoranan sa kalibotan; kay ang Ginoo adunay pagpakigbangi sa iyang katawhan, ug siya makigbisog sa Israel.

Cross References

2 Samuel 22:16

Unya ang mga agianan sa dagat nakita, ang mga patukoranan sa kalibotan nadayag sa pagbadlong sa Ginoo, sa paghuyop sa gininhawa sa iyang ilong.

2 Samuel 22:8

“Unya ang yuta nauyog ug natay-og; ang mga patukoranan sa langit mikurog ug naglinog, tungod kay nasuko siya.

Salmo 104:5

Ikaw nagpahiluna sa mga patukoranan sa yuta, aron dili gayod kini matarog.

Mga Panultihon 8:29

sa diha nga gihatagan niya ang dagat sa utlanan niini, aron ang katubigan dili maglapas sa iyang sugo, sa diha nga iyang gitiman-an ang mga patukoranan sa kalibotan,

Isaias 1:18

“Dali ngari, maghusay kita, nag-ingon ang Ginoo; bisan ug ang inyong mga sala pula kaayo, himoon kining puti kaayo, bisan pa ug kini lutong pula, kini mahimong sama sa puting balhibo sa karnero.

Isaias 3:13

Ang Ginoo nangandam aron sa pagpakigbisog, siya mibarog aron sa paghukom sa iyang katawhan.

Isaias 43:26

Pahinumdomi ako, pakiglantugi, ipahayag ang imong katarongan, aron ikaw mamatud-an nga matarong.

Isaias 5:3

Ug karon, O mga lumulupyo sa Jerusalem ug katawhan sa Juda, paghukom kamo tali kanako ug sa akong parasan.

Jeremias 2:9

“Tungod niini ako nakigbatok kaninyo, nag-ingon ang Ginoo, ug sa mga anak sa inyong mga anak makigbatok ako.

Jeremias 25:31

Ang kaguliyang modangat bisan pa ngadto sa kinatumyan sa yuta, kay ang Ginoo adunay isudya batok sa mga nasod; siya mosulod ngadto sa paghukom sa tanang unod, ug ang mga daotan iyang ibutang sa espada, nag-ingon ang Ginoo.’

Jeremias 31:37

Mao kini ang giingon sa Ginoo, “Kon ang langit sa kahitas-an masukod, ug ang mga patukoranan sa yuta sa kinahiladman masusi, isalikway nako ang tibuok kaliwatan sa Israel tungod sa tanan nilang nabuhat, nag-ingon ang Ginoo.”

Oseas 12:2

Ang Ginoo adunay mulo batok sa Juda, ug magsilot kang Jacob sumala sa iyang mga pamaagi, ug magbalos kaniya sumala sa iyang mga binuhatan.

Oseas 12:3

Diha sa tagoangkan gikuha niya ang iyang igsoong lalaki pinaagi sa kiting, ug sa iyang kusog siya nakigbisog sa Dios.

Oseas 4:1

Pamatia ang pulong sa Ginoo, katawhan sa Israel, kay ang Ginoo adunay pakigbangi sa mga nagpuyo sa yuta. Walay pagkamatinumanon o kaayo o pag-ila sa Dios diha sa yuta.

Miqueas 6:1

Pamati kamo sa gisulti sa Ginoo: Tindog, ipahayag sa kabukiran ang imong sumbong ug ipadungog sa kabungtoran ang imong tingog.

Deuteronomio 32:22

Kay may kalayo nga nahaling sa akong kapungot ug kini nagdilaab hangtod sa kinahiladman sa Sheol, kini naglamoy sa yuta ug sa abot niini ug nagsunog sa mga patukoranan sa kabukiran.

Deuteronomio 4:26

tawgon nako ang langit ug ang yuta aron sa pagsaksi batok kaninyo niining adlawa, nga mangahanaw gayod kamo dayon gikan sa yuta nga inyong tabokon sa Jordan aron sa pagpanag-iya niini. Dili kamo makapuyo niini ug dugay, kondili mangalaglag gayod kamo.