Miqueas 6:14

Ang Biblia 2011

Magkaon ikaw, apan dili matagbaw, ug aduna unyay kagutom diha sa imong kinasuloran; ikaw magtipig apan dili makatigom, ug ang imong matigom ihatag nako sa espada.

Cross References

Isaias 30:6

Ang mensahe mahitungod sa mga mananap sa Negeb. Latas sa yuta sa kaguol ug kasakit, diin maggikan ang bayeng liyon ug ang laking liyon, ang malala nga bitin ug ang molupad nga bitin, gidala nila ang ilang mga katigayonan diha sa ibabaw sa abaga sa mga asno, ug ang ilang mga bahandi sa bukobuko sa mga kamilyo, ngadto sa usa ka katawhan nga dili magpulos kanila.

Isaias 65:13

Busa mao kini ang giingon sa Ginoong Dios: “Tan-awa, ang akong mga sulugoon mangaon apan kamo gutomon; ang akong mga sulugoon manginom apan kamo uhawon; ang akong mga sulugoon maglipay, apan kamo pakaulawan;

Isaias 9:20

Mosakmit sila diha sa ilang tuo apan gutom lang gihapon sila, ug sila mokaon diha sa wala, apan dili matagbaw, ang matag usa magkaon sa unod sa iyang silingan,

Jeremias 48:44

Siya nga midagan gikan sa kahadlok mahulog ngadto sa gahong ug siya nga mosaka gikan sa gahong mabitik sa lit-ag. Kay dad-on nako kining mga butanga ngadto sa Moab sa tuig sa pagsilot kanila, nag-ingon ang Ginoo.

Ezequiel 5:12

Ang ikatulo nga bahin kaninyo mangamatay tungod sa kamatay ug mangapuo tungod sa gutom diha sa inyong taliwala, ug ang ikatulo nga bahin mangpukan pinaagi sa espada libot kaninyo, ug ang ikatulo nga bahin patibulaagon ngadto sa tanang dapit, ug laniton nako ang espada sunod kanila.

Oseas 4:10

Sila magkaon apan dili mangabusog; sila magpakighilawas apan dili mosanay; tungod kay ilang gibiyaan ang Ginoo aron sa paglipay sa ilang mga pagpakighilawas.

Levitico 26:26

Kon balion nako ang tinubdan sa pan, magluto ang napulo ka babaye sa inyong pan diha sa usa ka hudno ug ihatag nila kaninyo ang inyong pan nga tinimbang ug mangaon kamo apan dili kamo mangabusog.

Hageo 1:6

Nagpugas kamo ug daghan ug diyotay ra ang naani. Nagkaon kamo apan wala kamo makabaton ug igo, nanginom kamo apan wala kamo matagbaw. Nagbisti kamo sa inyong kaugalingon apan walay usa nga nainitan ug kadtong nagdawat ug suhol nagdawat sa suhol aron ibutang diha sa sudlanan sa salapi nga busloton.

Hageo 2:16

unsa man ang inyong kahimtang? Sa diha nga ang usa miabot sa usa ka pundok sa 20 ka takos, dihay napulo lamang ka takos; sa diha nga ang usa miadto sa sudlanan sa bino aron sa pagkuha ug 50 ka takos, dihay 20 lamang ka takos.