Miqueas 6:12

Ang Biblia 2011

Ang imong mga tawo nga adunahan napuno sa kabangis; ang imong mga lumulupyo nagsulti ug bakak, ug ang ilang dila limbongan sulod sa ilang baba.

Cross References

Salmo 120:2

“Luwasa ako, O Ginoo, gikan sa mga ngabil nga bakakon, gikan sa dila nga malimbongon.”

Salmo 35:20

Kay wala sila magsulti ug pakigdait, kondili batok sa mga mapaubsanon sa yuta naglaraw sila ug mga malimbongong mga pulong.

Salmo 78:36

Apan giuloulohan nila siya pinaagi sa ilang baba, pinaagi sa ilang dila sila namakak kaniya.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 3:8

Kay ang Jerusalem nalumpag na, ug ang Juda napukan na; kay ang ilang pagpamulong ug ang ilang mga buhat batok sa Ginoo, naghagit sa iyang mahimayaong presensiya.

Isaias 5:7

Kay ang parasan sa Ginoo sa mga panon mao ang balay sa Israel, ug ang mga tawo sa Juda mao ang iyang tanom nga makapahimuot, ug siya nagpaabot sa hustisya apan tan-awa, pagpaagas ug dugo; sa pagkamatarong, apan tan-awa, usa ka pagtuaw!

Jeremias 9:8

Ang ilang dila usa ka udyong nga makamatay; kini nagsulti nga malimbongon; pinaagi sa iyang baba ang matag usa nagsulti nga makigdaiton sa iyang isigkatawo, apan diha sa iyang kasingkasing siya naglaraw ug pagpangatang kaniya.

Oseas 7:1

Sa diha nga ipahiuli na nako ang maayong kahimtang sa akong katawhan, sa diha nga ayohon unta nako ang Israel, ang kasal-anan sa Efraim nabutyag, ug ang mga daotang binuhatan sa Samaria; kay sila namakak, ang kawatan nanglungkab, ug ang mga tulisan nanulis sa gawas.

Oseas 7:13

Alaot sila, kay sila nahisalaag gikan kanako! Ang kalaglagan alang kanila kay sila misupil batok kanako! Lukaton unta nako sila, apan sila nagsulti ug bakak batok kanako.

Amos 2:4

Mao kini ang giingon sa Ginoo, “Tungod sa tulo ka kalapasan sa Juda ug tungod sa upat, dili nako bakwion ang silot; tungod kay gisalikway nila ang balaod sa Ginoo, ug wala magtuman sa iyang mga lagda, apan ang ilang kabakakan nagpahisalaag kanila, nga mao ang gisubay sa ilang mga katigulangan.

Amos 6:4

“Alaot sila nga naghigda sa mga higdaanan nga gidayandayanan ug tango sa elepante, ug naghay-ad sa ilang mga kaugalingon diha sa ilang mga higdaanan, ug nagkaon sa mga nating karnero gikan sa panon ug mga nating baka gikan sa toril;

Sofonias 1:9

Nianang adlawa akong silotan kadtong tanan nga nanglukso sa tugkaran, ug kadtong nagpuno sa balay sa ilang agalon uban ang pagpanglupig ug pagpanglimbong.”

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Mga Buhat 24:9

Ang mga Judio usab nangapil sa pagsumbong nga nagpahayag nga kadtong tanan tinuod.

Roma 3:13

“Ang ilang tutunlan usa ka lubong nga binuksan, ang ilang dila gigamit sa paglimbong.” “Ang kalala sa mga bitin anaa sa ilalom sa ilang mga ngabil.”