Miqueas 5:6

Ang Biblia 2011

sila maghari sa yuta sa Asiria pinaagi sa espada, ug sa yuta ni Nimrod pinaagi sa gilanit nga espada; ug sila magluwas kanato gikan sa mga Asirianhon sa diha nga moabot na siya sa atong yuta, ug motunob sa atong utlanan.

Cross References

2 Mga Hari 15:29

Sa mga adlaw ni Peka nga hari sa Israel, si Tiglath-pileser nga hari sa Asiria, miabot ug mikuha sa Ijon, sa Abel-bet-Maaca, sa Janoa, sa Kedes, sa Hasor, sa Gilead, sa Galilea ug sa tibuok yuta sa Neftali. Ug gidala niya ang katawhan ingon nga bihag ngadto sa Asiria.

1 Cronicas 1:10

Si Cus maoy amahan ni Nimrod; siya ang unang bantogan dinhi sa yuta.

2 Cronicas 33:11

Busa gidala sa Ginoo ngadto kanila ang mga tigmando sa kasundalohan sa hari sa Asiria nga midakop kang Manases pinaagi sa mga kaw-it, ug migapos kaniya pinaagi sa mga posas nga bronsi ug gidala siya ngadto sa Babilonia.

Job 29:22

Human ako mosulti wala na sila mosulti pag-usab, ug ang akong pulong nahulog diha kanila.

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Salmo 72:6

Mahisama unta siya sa ulan nga mangatagak sa balili nga gigalab, sama sa taligsik nga nagpatubig sa yuta!

Isaias 14:2

Ug ang mga katawhan mokuha kanila, ug modala kanila ngadto sa ilang dapit, ug ang balay sa Israel manag-iya kanila sa yuta sa Ginoo ingon nga mga ulipon nga lalaki ug mga ulipon nga babaye. Sila mobihag sa nagbihag kanila ug magmando sa nagdaogdaog kanila.

Isaias 14:25

nga pamatyon nako ang Asirianhon diha sa akong yuta, ug ibabaw sa akong kabukiran tumban nako siya; ang iyang yugo matangtang gikan kanila ug ang iyang palas-anon makuha gikan sa ilang mga abaga.”

Isaias 33:1

Alaot ikaw nga tiglaglag, nga ang imong kaugalingon wala malaglag, ug ikaw nga mabudhion, nga kanimo walay nagbudhi! Sa diha nga ikaw mohunong sa pagpanglaglag, ikaw laglagon; ug sa diha nga moundang na ikaw sa pagbudhi, ikaw budhian.

Isaias 37:36

Unya ang anghel sa Ginoo migula ug mipatay sa 185,000 diha sa kampo sa mga Asirianhon, ug sa pagbangon sa mga tawo sayo sa pagkabuntag, nakita nila nga kining tanan mga patayng lawas.

Isaias 37:37

Busa si Senakerib nga hari sa Asiria mibiya, ug mipauli ug mipuyo didto sa Ninibe.

Isaias 6:13

Bisan pa ug adunay ikanapulo nga bahin nga mahibilin niini, kini ut-oton pag-usab, sama sa mga dagkong kahoy nga mahibilin ang tuod kon kini putlon.” Ang balaan nga binhi mao ang tuod niini.

Jeremias 14:22

Aduna ba diha sa mga diosdios sa mga nasod nga makapadala ug ulan? O makahatag ba ang langit ug ulan? Dili ba ikaw man, O Ginoo nga among Dios? Among gibutang ang among paglaom kanimo, kay ikaw man maoy nagbuhat niining tanang mga butang.

Nahum 2:11

Hain man ang lungib sa mga liyon, ang puy-anan sa gagmayng mga liyon, nga dad-an sa liyon sa iyang tinukob, diin atua usab ang iyang mga itoy nga walay makatugaw?

Sofonias 2:13

Ug iyang tuy-oron ang iyang kamot batok sa amihanan, ug laglagon ang Asiria; ug himoon niya nga biniyaan ang Ninibe, uga nga dapit sama sa kamingawan.

Sofonias 3:12

Ipabilin nako sa imong taliwala ang katawhan nga mapaubsanon ug ubos. Sila modangop sa ngalan sa Ginoo,

Lucas 1:71

nga kita luwason gikan sa atong mga kaaway ug gikan sa kamot sa tanang nagdumot kanato,

Lucas 1:74

aron sa pagtugot kanato, ingon nga mga linuwas gikan sa kamot sa atong mga kaaway, sa pag-alagad kaniya sa walay kahadlok,

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Deuteronomio 32:2

Hinaot pa nga ang akong mga pagtudlo mangahulog sama sa ulan, ang akong pulong motulo sama sa yamog, sama sa talisik ibabaw sa linghod nga sagbot, ug sama sa mga habohabo ibabaw sa tanom.