Miqueas 5:5

Ang Biblia 2011

Ug kini mahimong pakigdait, sa diha nga ang Asirianhon moabot sa atong yuta ug motunob sa atong yuta, aron kita magpatindog batok kaniya ug pito ka tigbantay sa karnero, ug walo ka pangulo sa mga tawo;

Cross References

Job 5:19

Siya magluwas kanimo gikan sa unom ka kasamok; sa ikapito walay daotan nga makadapat kanimo.

Salmo 72:7

Sa iyang mga adlaw molambo unta ang mga matarong, ug ang pakigdait modagaya, hangtod nga ang bulan mahanaw na!

Mga Panultihon 30:18

Tulo ka butang nga katingalahan kaayo alang kanako; upat ang wala nako masabti:

Mga Panultihon 30:29

Tulo ka butang ang matahom diha sa ilang paglakaw, upat ang matahom diha sa ilang pagpanaw:

Mga Panultihon 6:16

Adunay unom ka butang nga gidumtan sa Ginoo, pito ang dulumtanan niya:

Ecclesiastes 11:2

Hatagi ug bahin ang pito, bisan ang walo, kay ikaw wala masayod kon unsa ang kadaot nga mahitabo ibabaw sa yuta.

Isaias 14:25

nga pamatyon nako ang Asirianhon diha sa akong yuta, ug ibabaw sa akong kabukiran tumban nako siya; ang iyang yugo matangtang gikan kanila ug ang iyang palas-anon makuha gikan sa ilang mga abaga.”

Isaias 44:28

nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”

Isaias 59:19

Tungod niini sila mahadlok sa ngalan sa Ginoo gikan sa kasadpan, ug sa iyang himaya gikan sa sidlakan; kay siya moanhi sama sa magbaha nga suba, nga gihuyop sa hangin sa Ginoo.

Isaias 65:8

Mao kini ang giingon sa Ginoo: “Ingon nga ang bag-ong bino makaplagan diha sa pungpong, ug sila miingon, ‘Ayaw kini laglaga, kay adunay panalangin diha niini,’ ako usab magbuhat niini tungod ug alang sa akong mga sulugoon, ug dili nako laglagon silang tanan.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Jeremias 33:15

Nianang mga adlawa ug nianang panahona, patunghaon nako ang usa ka matarong nga Sanga alang kang David, ug siya magpahamtang ug hustisya ug pagkamatarong diha sa yuta.

Amos 1:3

Mao kini ang giingon sa Ginoo, “Tungod sa tulo ka kalapasan sa Damasco, ug tungod sa upat, dili nako bakwion ang silot; tungod kay gigiokan nila ang Gilead uban sa mga galamiton nga puthaw alang sa paggiok.

Amos 1:6

Mao kini ang giingon sa Ginoo, “Tungod sa tulo ka kalapasan sa Gaza ug tungod sa upat, dili nako bakwion ang silot; tungod kay ilang gibihag ang tibuok nga katawhan, aron sa pagtugyan kanila ngadto sa Edom.

Zacarias 10:11

Latason niya ang dagat sa kalisdanan, ug dag-on ang mga balod sa dagat, ug ang tanang kahiladman sa Nilo mangahubas. Ang garbo sa Asiria hugnoon, ug ang sitro sa Ehipto mahanaw.

Zacarias 10:3

“Ang akong kasuko misilaob batok sa mga tigbantay, ug akong silotan ang mga pangulo; kay ang Ginoo sa mga panon nag-atiman sa iyang panon sa karnero, ang balay sa Juda, ug himoon nako sila nga sama sa iyang maayo nga mga kabayo sa gubat.

Zacarias 12:6

“Nianang adlawa ang mga banay sa Juda himoon nako nga sama sa kulon nga nagdilaab taliwala sa sugnod, sama sa sulo nga nagsiga taliwala sa usa ka bugkos nga dagami ug sila maglamoy sa tanang mga katawhan nga naglibot kanila, dapit sa tuo ug dapit sa wala, samtang ang Jerusalem puy-an gihapon diha sa dapit niini, sa Jerusalem.

Zacarias 9:10

Gub-on nako ang karwahi nga gikan sa Efraim ug ang kabayo alang sa gubat nga gikan sa Jerusalem; ug pamunggoon nako ang pana alang sa gubat, ug siya magmando ug kalinaw sa kanasoran; ang iyang paggahom mokaylap gikan sa usa ka dagat ngadto sa laing dagat, ug gikan sa Suba hangtod sa mga kinatumyan sa kalibotan.

Zacarias 9:13

Kay gibawog nako ang Juda ingon nga akong pana, gihimo nako nga udyong ang Efraim. Bakyawon nako ang imong mga anak, O Zion, batok sa imong mga anak, O Gresya, ug buhaton ko ikaw nga sama sa espada sa manggugubat.

Lucas 2:14

“Himaya ngadto sa Dios sa kahitas-an, ug sa yuta panagdait sa mga tawo nga iyang gikahimut-an.”

Juan 14:27

Ang kalinaw ibilin nako kaninyo, ang akong kalinaw ihatag nako kaninyo. Ihatag nako kini kaninyo, dili sama sa paghatag sa kalibotan. Ayaw kamo kaguol diha sa inyong kasingkasing, ayaw kamo pagtalaw.

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

Gipadayag 17:14

Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”

Gipadayag 19:14

Ug ang mga panon sa kasundalohan sa langit nga nagbisti ug pino nga lino, puti nga pagkahinlo, nagsunod kaniya, nagsakay ug mga puting kabayo.