Miqueas 5:14

Ang Biblia 2011

ug ibton nako ang imong mga Asera gikan kanimo ug laglagon nako ang imong mga siyudad.

Cross References

2 Mga Hari 17:10

Alang sa ilang kaugalingon nagpatindog sila ug mga haligi nga bato ug mga Asera sa ibabaw sa matag habog nga bungtod ug ilalom sa matag lunhaw nga kahoy.

Salmo 149:7

aron sa pagpanimalos sa mga nasod, ug sa pagsilot sa mga katawhan,

Salmo 149:9

aron sa pagpahamtang kanila sa hukom nga nasulat! Kini himaya alang sa tanan niyang mga matinumanon. Dayega ang Ginoo!

Exodo 34:13

Kinahanglang gub-on ninyo ang ilang mga halaran ug dugmokon ang ilang mga haligi ug putlon ang ilang mga Ashera.

Isaias 17:8

dili sila motahod sa mga halaran, ang buhat sa ilang mga kamot, ug dili sila motan-aw niadtong gihimo sa ilang kaugalingong mga tudlo, ang mga Asera o ang mga halaran sa insenso.

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Jeremias 12:17

Apan kon adunay nasod nga dili mamati, ibton gayod nako kini ug laglagon, nag-ingon ang Ginoo.”

Mga Pagbangotan 2:2

Ang Ginoo milaglag nga walay kukaluoy sa tanang puluy-anan ni Jacob; sa iyang kasuko, gipangguba niya ang mga salipdanan sa anak nga babaye ni Juda; iyang gipukan ngadto sa yuta diha sa kaulawan ang gingharian ug ang mga pangulo niini.

Nahum 1:14

Ang Ginoo naghatag ug sugo mahitungod kanimo, “Dili na gayod magpadayon ang imong ngalan; gikan sa balay sa imong mga dios akong puohon ang larawan nga kinulit ug ang larawan nga tinunaw. Akong himoon ang imong lubnganan kay ikaw daotan.”