Miqueas 4:5

Ang Biblia 2011

Kay ang tanang mga katawhan maglakaw, ang matag usa sa ngalan sa iyang dios, apan kita maglakaw diha sa ngalan sa Ginoo nga atong Dios hangtod sa kahangtoran.

Cross References

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

2 Mga Hari 17:29

Apan ang matag nasod nagpadayon sa paghimo ug mga dios alang sa ilang kaugalingon ug gibutang kini sa mga templo sa mga habog nga dapit nga gibuhat sa mga Samarianhon, matag nasod diha sa mga siyudad diin sila nagpuyo.

2 Mga Hari 17:34

Hangtod niining adlawa sila nagbuhat sumala sa nabatasan kaniadto. Wala sila mahadlok sa Ginoo, wala usab sila magtuman sa mga lagda o sa mga tulumanon o sa balaod o sa kasugoan nga gisugo sa Ginoo sa mga anak ni Jacob nga iyang ginganlan ug Israel.

Salmo 20:6

Karon ako nahibalo nga ang Ginoo magluwas sa iyang dinihogan; siya magtubag kaniya gikan sa iyang balaan nga langit uban sa kusganong kadaogan pinaagi sa iyang tuong kamot.

Salmo 48:14

nga kini mao ang Dios, atong Dios hangtod sa kahangtoran. Siya mao ang atong magmamando hangtod sa kahangtoran.

Salmo 71:16

Moanha ako uban sa mga gamhanang buhat sa Ginoong Dios, magdayeg ako sa imong pagkamatarong, sa imoha lamang.

Isaias 2:5

O balay ni Jacob, dali kamo, ug manglakaw kita diha sa kahayag sa Ginoo.

Isaias 26:13

O Ginoo nga among Dios, laing mga ginoo gawas kanimo ang naghari ibabaw kanamo, apan ang imong ngalan lamang ang among ilhon.

Isaias 26:8

Diha sa dalan sa imong mga paghukom, O Ginoo, kami naghulat kanimo; ang imong ngalan nga halandomon mao ang tinguha sa among kalag.

Jeremias 32:40

Buhaton nako uban kanila ang walay kataposang kasabotan, nga dili ako mobiya sa pagbuhat ug maayo kanila ug akong ibutang ang pagkahadlok kanako diha sa ilang mga kasingkasing, aron dili sila mobiya kanako.

Zacarias 10:12

Ug lig-onon nako sila diha sa Ginoo ug sila maglakaw diha sa iyang ngalan,” nag-ingon ang Ginoo.

Mga Buhat 14:16

Sa miaging mga kaliwatan iyang gitugotan ang tanang kanasoran sa paglakaw diha sa ilang kaugalingong mga dalan.

Deuteronomio 27:10

Busa tumana ninyo ang tingog sa Ginoo nga inyong Dios, magtuman sa iyang mga sugo ug sa iyang mga lagda nga akong gisugo kaninyo niining adlawa.”

Mga Taga-Colosas 2:6

Busa ingon nga inyong gidawat kaniadto si Cristo Jesus nga Ginoo, pagkinabuhi kamo diha kaniya,

Mga Taga-Colosas 3:17

Ug bisan unsay inyong buhaton, sa pulong o sa buhat, buhata ang tanan sa ngalan sa Ginoong Jesus, uban sa pagpasalamat ngadto sa Dios nga Amahan pinaagi kaniya.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”