Miqueas 4:4

Ang Biblia 2011

apan sila manglingkod, ang matag tawo ilalom sa iyang paras, ug ilalom sa iyang kahoy nga igera, ug walay makapahadlok kanila; kay ang baba sa Ginoo sa mga panon nagsulti niini.

Cross References

1 Mga Hari 4:25

Ug ang Juda ug Israel nagpuyo nga layo sa kakuyaw, gikan sa Dan ngadto sa Beer-seba, ang matag tawo ilalom sa iyang paras ug ilalom sa iyang kahoy nga igera, sa tanang mga adlaw ni Solomon.

1 Mga Hari 5:5

Busa ako nagtinguha sa pagtukod ug usa ka balay alang sa ngalan sa Ginoo nga akong Dios, sumala sa gisulti sa Ginoo kang David nga akong amahan, ‘Ang imong anak nga akong ibutang sa trono puli kanimo mao ang magtukod sa balay alang sa akong ngalan.’

Job 11:19

Ikaw maghigda ug walay maghadlok kanimo; daghan ang manghangyo sa imong kaayo.

Salmo 72:3

Ang kabukiran magdala unta ug pakigdait sa katawhan, ug ang kabungtoran, diha sa pagkamatarong!

Mga Panultihon 3:25

Ayaw kalisang sa kalit nga kahadlok, o sa pagkalaglag sa daotan sa diha nga kini moabot;

Isaias 1:20

Apan kon kamo magdumili ug mosupil, lamyon kamo pinaagi sa espada kay ang baba sa Ginoo nagsulti.”

Isaias 17:2

Ang iyang mga siyudad biyaan sa dayon; sila mahimong alang sa mga panon, nga manglubog, ug walay makapahadlok kanila.

Isaias 22:25

Nianang adlawa, nag-ingon ang Ginoo sa mga panon, matangtang ang lansang nga gilansang sa usa ka dapit nga lig-on ug kini putlon ug mahulog, ug ang kabug-aton nga anaa niini mahanaw, kay ang Ginoo maoy nagsulti niini.”

Isaias 26:16

O Ginoo, diha sa kaguol midangop sila kanimo, nagbubo sila ug pag-ampo sa diha nga ang imong kastigo anaa ibabaw kanila.

Isaias 32:17

Ug ang sangpotanan sa pagkamatarong mao ang pakigdait, ug ang sangpotanan sa pagkamatarong kalinaw ug pagsalig hangtod sa kahangtoran.

Isaias 36:16

Ayaw pamati kang Hesekias; kay mao kini ang giingon sa hari sa Asiria: Paghimo kamo sa inyong pakigdait uban kanako, ug duol kamo kanako; unya ang matag usa kaninyo magkaon sa iyang kaugalingong paras ug ang matag usa sa iyang kahoy nga igera, ug ang matag usa kaninyo mag-inom sa tubig sa iyang kaugalingong atabay,

Isaias 40:5

Unya ang himaya sa Ginoo ipadayag, ug ang tanang tawo makakita niini, kay ang baba sa Ginoo nagsulti niini.”

Isaias 54:14

Sa pagkamatarong ikaw tukoron; ikaw ipahilayo gikan sa pagdaogdaog, kay ikaw dili mahadlok, ug gikan sa kalisang, kay kini dili magpaduol kanimo.

Isaias 58:14

ikaw maglipay sa imong kaugalingon diha sa Ginoo, ug pasak-on ko ikaw sa habog nga mga dapit sa yuta ug pakan-on ko ikaw uban sa kabilin ni Jacob nga imong amahan, kay ang baba sa Ginoo nagsulti.”

Jeremias 23:4

Ug ako magbutang ug mga tigbantay kanila nga mag-atiman kanila ug dili na sila mahadlok pa o malisang o adunay mawala, nag-ingon ang Ginoo.

Jeremias 30:10

“Busa ayaw kahadlok, O Jacob nga akong alagad, nag-ingon ang Ginoo, ayaw kalisang, O Israel; kay tan-awa, luwason nako ikaw gikan sa layo, ug ang imong kaliwatan gikan sa yuta sa ilang pagkabihag. Si Jacob mobalik ug makabaton ug kalinaw ug kahusay, ug walay maghadlok kaniya.

Ezequiel 34:25

“Ako magbuhat uban kanila ug usa ka kasabotan sa pakigdait ug puohon nako ang mga bangis nga mananap gikan sa yuta ug sila magpuyo nga layo sa kakuyaw diha sa kamingawan ug mangatulog diha sa kalasangan.

Ezequiel 34:28

Ug sila dili na mahimong tukbonon sa mga nasod o tukbon sila sa mga mananap sa yuta. Magpuyo sila nga layo sa kakuyaw, ug walay maghadlok kanila.

Ezequiel 38:11

Ug ikaw moingon, ‘Mosulong ako batok sa kayutaan sa mga balangay nga dili kinutaan. Asdangon nako ang malinawong katawhan nga nagpuyo layo sa kakuyaw, silang tanan nga nagpuyo nga walay mga kuta ug walay mga trangka o mga ganghaan,’

Ezequiel 39:26

Sila malimot sa ilang kaulawan, ug sa tanan nilang mga pagbudhi nga ilang gihimo batok kanako, sa diha nga magpuyo sila nga layo sa kakuyaw diha sa ilang yuta, ug walay maghadlok kanila,

Levitico 26:6

Maghatag ako ug pakigdait diha sa yuta ug manghigda kamo ug walay bisan usa nga makapahadlok kaninyo ug kuhaon ko ang daotan nga mga mananap gikan sa inyong yuta ug dili motadlas sa inyong kayutaan ang espada.

Miqueas 5:3

Busa pasagdan niya sila hangtod sa panahon nga kadtong nagbati manganak; unya ang uban sa iyang kaigsoonan mobalik ngadto sa katawhan sa Israel.

Sofonias 3:13

kadtong salin sa Israel; sila dili magbuhat ug sayop o mosulti ug mga bakak, o ang malimbongon nga dila makaplagan pa diha sa ilang baba. Sila manibsib ug manghigda, ug walay bisan kinsa nga maghadlok kanila.

Zacarias 3:10

Nianang adlawa, nag-ingon ang Ginoo sa mga panon, ang tanan kaninyo magdapit sa iyang isigkatawo ilalom sa iyang kaparasan ug ilalom sa kahoyng igera.”