Miqueas 4:2

Ang Biblia 2011

ug daghang mga nasod moadto ug moingon, “Dali kamo, ug mangadto kita sa bukid sa Ginoo, ngadto sa balay sa Dios ni Jacob; aron siya magtudlo kanato sa iyang mga pamaagi, ug kita maglakaw sa iyang mga agianan.” Kay gikan sa Zion mogula ang Balaod, ug ang pulong sa Ginoo gikan sa Jerusalem.

Cross References

Salmo 110:2

Ang magpadala sa imong gamhanang sitro ipadala sa Ginoo gikan sa Zion. Paghari sa taliwala sa imong mga kaaway!

Salmo 119:1

Bulahan sila nga ang dalan hingpit, nga naglakaw diha sa Balaod sa Ginoo.

Salmo 119:171

Ang akong mga ngabil naglitok ug pagdayeg kay ikaw nagtudlo man kanako sa imong mga lagda.

Salmo 122:1

Nalipay ako sa pag-ingon nila kanako, “Mangadto kita sa balay ni Ginoo!”

Salmo 25:12

Kinsa ba ang tawo nga may kahadlok sa Ginoo? Kaniya itudlo niya ang dalan nga iyang pilion.

Isaias 2:3

Daghang mga katawhan ang mangadto ug mag-ingon, “Dali kamo, mangadto kita sa bukid sa Ginoo, ngadto sa balay sa Dios ni Jacob, aron tudloan niya kita sa iyang mga dalan, ug manglakaw kita sa iyang mga agianan.” Kay gikan sa Zion mogula ang balaod ug ang pulong sa Ginoo gikan sa Jerusalem.

Isaias 54:13

Ang tanan nimo nga mga anak tudloan sa Ginoo, ug dako ang kauswagan sa imong mga anak.

Isaias 56:7

kini akong dad-on ngadto sa akong bukid nga balaan, ug himoon nako sila nga malipayon diha sa akong balay nga ampoanan; ang ilang mga halad nga sinunog ug ang ilang mga halad nga inihaw dawaton nako sa ibabaw sa akong halaran, kay ang akong balay tawgon nga usa ka balay nga ampoanan alang sa tanang mga katawhan.

Jeremias 31:6

Kay moabot ang usa ka adlaw nga ang mga tigbantay magtawag diha sa kabungtoran sa Efraim, ‘Panindog kamo ug mangadto kita sa Zion, ngadto sa Ginoo nga atong Dios.’ ”

Jeremias 42:3

aron ang Ginoo nga imong Dios magpakita kanamo sa dalan nga among laktan ug sa butang nga among buhaton.”

Oseas 6:3

Hibaloan nato, ug padayonon nato ang pag-ila sa Ginoo, ang iyang paggula siguro gayod sama sa kaadlawon, siya moanhi kanato sama sa ulan, sama sa ulahing ulan nga nagbisibis sa yuta.”

Zacarias 14:16

Unya ang tanan nga wala mamatay gikan sa tanang mga nasod nga miadto batok sa Jerusalem moadto matag tuig aron pagsimba sa Hari, ang Ginoo sa mga panon, paghimo sa Kasaulogan sa Balongbalong.

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Zacarias 9:10

Gub-on nako ang karwahi nga gikan sa Efraim ug ang kabayo alang sa gubat nga gikan sa Jerusalem; ug pamunggoon nako ang pana alang sa gubat, ug siya magmando ug kalinaw sa kanasoran; ang iyang paggahom mokaylap gikan sa usa ka dagat ngadto sa laing dagat, ug gikan sa Suba hangtod sa mga kinatumyan sa kalibotan.

Marcos 16:20

Ug nanglakaw sila ug nagwali didto sa tanang dapit ug ang Ginoo nagbuhat uban kanila ug nagpamatuod sa pulong pinaagi sa mga ilhanan nga nag-uban niini. Amen.]

Lucas 24:47

ug nga sa iyang ngalan, ang paghinulsol ug pagpasaylo sa mga sala kinahanglang iwali ngadto sa tanang kanasoran, sugod sa Jerusalem.

Juan 6:45

Nasulat diha sa mga Propeta, ‘Ug silang tanan tudloan sa Dios.’ Ang tanan nga nakadungog ug nakakat-on gikan sa Amahan moari kanako.

Juan 7:17

Kon buot ni bisan kinsa ang pagbuhat sa kabubut-on sa Dios, kinahanglang mahibaloan niya kon ang gitudlo gikan ba sa Dios o nagsulti ba lamang ako gikan sa akong kaugalingon.

Mga Buhat 1:8

Apan makadawat kamo ug gahom sa diha nga mokunsad na kaninyo ang Espiritu Santo ug kamo mao unya ang akong mga saksi sa Jerusalem ug sa tibuok Judea ug Samaria ug hangtod sa kinatumyan sa kalibotan.”

Mga Buhat 13:42

Sa paggula ni Pablo ug ni Bernabe, ang mga tawo mihangyo kanila nga kining mga butanga isugilon unta kanila sa sunod nga adlawng igpapahulay.

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

Deuteronomio 6:1

“Karon mao kini ang kasugoan, ang mga lagda, ug mga tulumanon nga gisugo kanako sa Ginoo nga inyong Dios nga itudlo kaninyo aron buhaton ninyo kini didto sa yuta nga inyong adtoan aron sa pagpanag-iya niini,