Miqueas 4:13

Ang Biblia 2011

Tindog ug paggiok, O anak nga babaye sa Zion, kay ang imong sungay himoon nako nga puthaw ug ang imong mga kuko himoon nako nga bronsi; ikaw magdugmok sa daghang mga katawhan, ug maghalad sa ilang nakuha ngadto sa Ginoo, sa ilang katigayonan ngadto sa Ginoo sa tibuok nga yuta.

Cross References

Salmo 24:1

Iya sa Ginoo ang yuta ug ang tanan nga anaa niini, ang kalibotan ug ang mga nagpuyo niini;

Salmo 68:29

Tungod sa imong Templo didto sa Jerusalem, ang mga hari nagdala ug mga gasa nganha kanimo.

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Isaias 18:7

Nianang panahona, mga gasa dad-on ngadto sa Ginoo sa mga panon gikan sa usa ka katawhan nga tag-as ug hinlo, gikan sa usa ka katawhan nga gikahadlokan sa duol ug sa layo, usa ka nasod nga gamhanan ug kanunay nga nagmadaogon, nga ang yuta gibahin sa mga suba, ngadto sa Bukid sa Zion, ang dapit sa ngalan sa Ginoo sa mga panon.

Isaias 21:10

O akong giniok ug pinalid, unsay akong nadungog gikan sa Ginoo sa mga panon, ang Dios sa Israel, akong gipadayag kaninyo.

Isaias 23:18

Ang iyang patigayon ug ang iyang suhol ipahinungod ngadto sa Ginoo; kini dili tigomon o tipigan apan ang iyang patigayon maghatag ug daghang pagkaon ug maayong bisti alang niadtong nagpuyo atubangan sa Ginoo.

Isaias 5:28

ang ilang mga udyong hait, ang tanan nilang mga pana gibingat, ang mga kuko sa ilang mga kabayo sama sa santik, ug ang ilang mga ligid sama sa alimpulos.

Jeremias 51:20

“Ikaw mao ang akong maso ug hinagiban sa gubat: pinaagi kanimo dugmokon nako ang mga nasod; pinaagi kanimo gub-on nako ang mga gingharian;

Jeremias 51:33

Kay mao kini ang giingon sa Ginoo sa mga panon, ang Dios sa Israel: Ang anak nga babaye sa Babilonia sama sa usa ka giokanan sa panahon nga kini giokan; apan sa dili madugay ang panahon sa ting-ani moabot.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Oseas 10:11

Si Efraim usa ka dumagang baka nga bansay na nga mahigugmang mogiok ug gisayloan nako ang iyang maanindot nga liog apan sangonan nako sa yugo si Efraim; si Juda magdaro, si Jacob magdugmok sa yuta.

Miqueas 5:7

Unya ang mga salin ni Jacob anha unya sa taliwala sa daghang mga katawhan sama sa yamog nga gikan sa Ginoo, sama sa taligsik diha sa mga balili, nga wala maglangan alang sa tawo o maghulat alang sa mga anak sa katawhan.

Habacuc 3:12

Gitadlas nimo ang yuta diha sa kapungot, giyatakan nimo ang mga nasod tungod sa kasuko.

Zacarias 12:3

Nianang adlawa himoon nako ang Jerusalem nga usa ka bug-at nga bato alang sa tanang mga katawhan. Ang tanan nga mosakwat niini masamad ug dako, ug ang tanang mga nasod sa yuta magtigom batok kaniya.

Zacarias 12:6

“Nianang adlawa ang mga banay sa Juda himoon nako nga sama sa kulon nga nagdilaab taliwala sa sugnod, sama sa sulo nga nagsiga taliwala sa usa ka bugkos nga dagami ug sila maglamoy sa tanang mga katawhan nga naglibot kanila, dapit sa tuo ug dapit sa wala, samtang ang Jerusalem puy-an gihapon diha sa dapit niini, sa Jerusalem.

Zacarias 4:14

Unya miingon siya, “Kini mao ang duha ka dinihogan nga nagtindog duol sa Ginoo sa tibuok kalibotan.”

Zacarias 6:5

Ug ang anghel mitubag kanako, “Kini mao ang upat ka hangin sa langit nga mopanaw human makapakita sa ilang kaugalingon atubangan sa Ginoo sa tibuok nga yuta.

1 Mga Taga-Corinto 16:2

Sa unang adlaw sa matag semana, ang matag usa kaninyo kinahanglang maggahin ug magtigom sumala sa iyang pag-uswag, aron nga inig-abot nako diha dili na kinahanglan mag-amot pa.

Deuteronomio 33:25

Ang imong mga trangka puthaw ug bronsi; ug sama sa imong mga adlaw mao usab ang imong kusog.

Josue 6:19

Apan ang tanang plata ug bulawan ug ang tanang sudlanan nga bronsi ug puthaw, balaan alang sa Ginoo. Iadto kini sa panudlanan sa Ginoo.”