Miqueas 4:1

Ang Biblia 2011

Apan sa ulahing mga adlaw mahitabo nga ang bukid sa balay sa Ginoo himoon nga labing habog sa kabukiran, ug bayawon ibabaw sa kabungtoran; ug ang mga katawhan magbaha ngadto niini,

Cross References

Genesis 49:1

Unya gitawag ni Jacob ang iyang mga anak ug giingnan, “Pagtigom kamo aron sultihan ko kamo sa inyong dangatan sa umaabot nga mga adlaw.

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Salmo 22:27

Ang tanang mga kinatumyan sa yuta mahinumdom ug modangop ngadto sa Ginoo; ug ang tanang mga kabanayan sa mga kanasoran magsimba sa atubangan niya.

Salmo 48:1

Gamhanan ang Ginoo ug dalaygon gayod kaayo diha sa siyudad sa atong Dios! Ang iyang bungtod nga balaan,

Salmo 86:9

Ang tanang mga nasod nga imong gibuhat moduol ug mosimba sa atubangan nimo, O Ginoo, ug maghimaya sila sa imong ngalan.

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Isaias 43:6

Ako moingon sa amihanan, “Buhii sila”, ug sa habagatan, “Ayaw pugngi;” dad-a ang akong mga anak nga lalaki gikan sa layo, ug ang akong mga anak nga babaye gikan sa kinatumyan sa yuta,

Isaias 49:6

siya miingon, “Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob, ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”

Isaias 54:2

Padakoa ang dapit sa imong tolda, ug ipabukhad ang mga tabil sa imong mga puluy-anan; ayaw pugngi, patas-i ang imong mga pisi, ug lig-ona ang imong mga ugsok.

Isaias 56:7

kini akong dad-on ngadto sa akong bukid nga balaan, ug himoon nako sila nga malipayon diha sa akong balay nga ampoanan; ang ilang mga halad nga sinunog ug ang ilang mga halad nga inihaw dawaton nako sa ibabaw sa akong halaran, kay ang akong balay tawgon nga usa ka balay nga ampoanan alang sa tanang mga katawhan.

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Jeremias 26:18

“Si Mikeas nga taga-Moreset nagpropesiya sa mga adlaw ni Hesekias nga hari sa Juda ug misulti sa tibuok katawhan sa Juda, ‘Mao kini ang giingon sa Ginoo sa mga panon, Ang Zion darohon sama sa uma; ang Jerusalem mahimong tinapok nga mga ginuba, ug ang bukid sa balay mahimong kakahoyan.’

Jeremias 3:17

Nianang panahona ang Jerusalem tawgon nga trono sa Ginoo, ug ang tanang mga nasod tigomon ngadto niini, ngadto sa atubangan sa Ginoo, sa Jerusalem, ug dili na sila magmapugsanon sa pagsunod sa ilang daotang kasingkasing.

Jeremias 31:12

Busa sila manganhi ug sa kusog nga tingog mag-awit diha sa bungtod sa Zion, ug sila magsidlak tungod sa kaayo sa Ginoo, tungod sa trigo, sa bino ug sa lana, ug sa nati sa panon sa karnero ug sa baka; ang ilang kinabuhi mahisama sa usa ka tanaman nga binuboan ug tubig, ug sila dili na gayod magsubo pa.

Jeremias 48:47

Apan ibalik nako ang maayong kahimtang sa Moab sa ulahing mga adlaw, nag-ingon ang Ginoo.” Mao kini ang hukom alang sa Moab.

Ezequiel 38:16

Ikaw motungas batok sa akong katawhan nga Israel, sama sa usa ka panganod nga motabon sa yuta. Sa ulahing mga adlaw, dad-on ko ikaw batok sa akong yuta, aron ang mga nasod makaila kanako, sa diha nga pinaagi kanimo, O Gog, pamatud-an ang akong pagkabalaan diha sa ilang mga mata.

Ezequiel 40:2

Gidala niya ako, diha sa mga panan-awon sa Dios, ngadto sa yuta sa Israel, ug gipahimutang ako sa usa ka habog kaayo nga bukid, diin didto adunay daw dagway sa usa ka siyudad dapit sa habagatan.

Ezequiel 43:12

Mao kini ang balaod sa Templo: ang tibuok dapit nga naglibot ibabaw sa bukid labing balaan. Mao kini ang balaod sa Templo.

Daniel 10:14

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Daniel 2:35

Unya ang puthaw, ang yutang kulonon, ang bronsi, ang plata ug ang bulawan, nagdungan pagkadugmok ug nangahimong sama sa tahop sa giokanan sa panahon sa ting-init, ug gipadpad kini sa hangin nga wala nay makita nga agi niini. Apan ang bato nga naghapak sa larawan nahimong usa ka dakong bukid ug gilukop ang tibuok kalibotan.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Daniel 7:18

Apan ang mga balaan sa Labing Halangdon makadawat sa gingharian ug makabaton sa gingharian hangtod sa kahangtoran, hangtod gayod sa kahangtoran.”

Daniel 7:22

hangtod nga ang gikan sa kakaraanan miabot ug ang hukom gihatag alang sa mga balaan sa Labing Halangdon ug miabot ang panahon nga ang mga balaan nakadawat sa gingharian.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Oseas 3:5

Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Zacarias 14:10

Ang tibuok nga yuta mahimong patag gikan sa Geba hangtod sa Rimon sa habagatan sa Jerusalem, apan ang Jerusalem magpabilin nga habog diha sa nahimutangan niini, gikan sa Ganghaan ni Benjamin ngadto sa dapit sa unang ganghaan, ngadto sa Eskina nga Ganghaan, ug gikan sa Tore ni Hananel ngadto sa mga pigsanan sa ubas sa hari.

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Zacarias 8:3

Mao kini ang giingon sa Ginoo: Mobalik ako sa Zion, ug mopuyo taliwala sa Jerusalem, ug ang Jerusalem tawgon nga matinumanong siyudad, ug ang bukid sa Ginoo sa mga panon, ang balaan nga bukid.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Mga Buhat 2:17

‘Ug mahitabo sa kataposang mga adlaw, nag-ingon ang Dios, nga ako magbubo sa akong Espiritu ngadto sa tanang katawhan, ug ang inyong mga anak nga lalaki ug mga anak nga babaye magpropesiya, ug ang inyong mga batan-ong lalaki makakita ug mga panan-awon, ug ang inyong mga tigulang nga lalaki magdamgo ug mga damgo.

Mga Hebreo 1:2

Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.

2 Pedro 3:3

Una sa tanan kinahanglan nga inyong mahibaloan nga sa ulahing mga adlaw adunay mga mabiaybiayon nga manungha, magkinabuhi sumala sa ilang kaugalingong kahidlaw

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 15:4

Kinsa bay dili mahadlok ug dili maghimaya sa imong ngalan, O Ginoo? Kay ikaw lamang mao ang balaan. Ang tanang kanasoran manganha ug magsimba diha sa imong atubangan, kay ang imong mga hukom gikapadayag na man.”

Gipadayag 20:4

Unya may nakita ako nga mga trono, ug niini naglingkod ang mga gitugyanan sa paghukom. Nakita usab nako ang mga kalag sa mga gipamunggotan sa ulo tungod sa ilang pagpamatuod mahitungod kang Jesus ug tungod sa pulong sa Dios, ug nga wala mosimba sa bangis nga mananap o sa iyang larawan, ug wala modawat sa iyang marka diha sa ilang mga agtang o sa ilang mga kamot. Sila nangabuhi pag-usab ug naghari uban kang Cristo sulod sa usa ka libo ka tuig.