Miqueas 3:5

Ang Biblia 2011

Mao kini ang giingon sa Ginoo mahitungod sa mga propeta nga nagpahisalaag sa akong katawhan, nga nagsinggit, “Pakigdait” sa diha nga aduna silay makaon, apan nagpahayag ug gubat batok kaniya nga walay ikabutang sa ilang mga baba.

Cross References

Mga Panultihon 28:21

Ang pagpakita ug pagdapig dili maayo, apan alang sa usa ka buok pan ang tawo maghimo ug sayop.

Isaias 3:12

Ang akong katawhan, mga bata ang magdaogdaog kanila, ug ang mga babaye magmando kanila. O akong katawhan, ang inyong mga pangulo maoy magpahisalaag kaninyo, ug magpalibog sa inyong mga agianan.

Jeremias 23:27

nga naghunahuna sa paghimo sa akong katawhan nga malimot sa akong ngalan pinaagi sa ilang mga damgo nga ilang gisulti sa matag usa, ingon nga ang ilang mga katigulangan nangalimot sa akong ngalan tungod sa Baal?

Jeremias 23:32

Tan-awa, ako batok niadtong nagpropesiya sa mga damgo nga bakak, nag-ingon ang Ginoo, ug nagsulti kanila ug nagpahisalaag sa akong katawhan pinaagi sa ilang kabakakan ug sa ilang pagkadanghag bisan ug wala ako magpadala kanila o magsugo kanila, busa wala sila magpulos niining katawhan, nag-ingon ang Ginoo.

Jeremias 6:14

Giayo nila ug diyotay ang samad sa akong katawhan, nga nag-ingon, ‘Pakigdait, pakigdait’ bisan ug walay pakigdait.

Jeremias 6:4

“Pangandam kamo sa gubat batok kaniya; panindog ug mosulong kita sa kaudtohon!” “Alaot kita! kay ang adlaw sumasalop, ang mga landong sa kagabhion mikaylap na!”

Mga Pagbangotan 2:14

Ang imong mga propeta nakakita alang kanimo ug mga bakak ug malimbongon nga mga panan-awon; wala nila ibutyag ang imong sala aron sa pagpahiuli sa imong kahimtang, apan nakakita alang kanimo ug mga mensahe nga bakak ug malimbongon.

Ezequiel 13:9

Ang akong kamot mobatok sa mga propeta nga nakakita sa mga panan-awon nga bakak, ug nga nagtagnatagna diha sa kabakakan, sila dili mahiuban sa pundok sa akong katawhan o masulat diha sa listahan sa balay sa Israel o makasulod sa yuta sa Israel. Ug kamo makaila nga ako mao ang Ginoong Dios.

Oseas 4:5

Ikaw mahisukamod sa adlawan, ang propeta usab mahisukamod uban kanimo sa kagabhion, ug laglagon nako ang imong inahan.

Joel 3:9

Ipahibalo ninyo kini taliwala sa mga nasod: Pangandam alang sa gubat, aghata ang kusgan nga mga tawo. Paduola ang tanang mga tawo sa panggubatan, patungasa sila.

Miqueas 2:11

Kon ang usa ka tawo magsuroysuroy nga magsulti ug walay hinungdan ug mga bakak, nga nag-ingon, “Ako magsangyaw kanimo mahitungod sa bino ug sa ilimnon,” siya mahimo nga tigsangyaw niini nga katawhan!

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Malaquias 2:8

Apan kamo mitipas gikan sa dalan. Kamo ang nag-angin sa daghan sa pagkapandol pinaagi sa inyong gitudlo. Inyong gibulingan ang kasabotan ni Levi, nag-ingon ang Ginoo sa mga panon,

Mateo 15:14

Pasagdi ninyo sila! Mga giya sila nga buta ug kon ang buta mogiya ug buta, silang duha mangahulog sa gahong.”

Mateo 7:15

“Pagbantay kamo sa mga mini nga propeta nga moanha kaninyo nga magsul-ob ug bisti sa karnero apan sa sulod sila mga lobo nga manunukob.

Roma 16:18

Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot.