Miqueas 3:2

Ang Biblia 2011

kamo nga nagdumot sa maayo ug nahigugma sa daotan, nga naglaksi sa panit gikan sa akong katawhan, ug sa ilang unod gikan sa ilang mga bukog;

Cross References

1 Mga Hari 21:20

Si Ahab miingon kang Elias, “Nakaplagan ba nimo ako, O akong kaaway?” Ug siya mitubag, “Nakaplagan ko ikaw, tungod kay gibaligya nimo ang imong kaugalingon sa pagbuhat niadtong daotan diha sa panan-aw sa Ginoo.

2 Cronicas 19:2

Apan si Jehu nga anak ni Hanani nga propeta migula sa pagsugat kaniya, ug miingon kang Hari Jehosafat, “Motabang ba ikaw sa daotan ug mahigugma kanila nga nagdumot sa Ginoo? Tungod niini ang kaligutgot migula batok kanimo gikan sa Ginoo.

Salmo 15:4

sa iyang mga mata gitamay ang tawo nga dunot ug kasingkasing, apan nagtahod siya sa mga may kahadlok sa Ginoo; mobarog sa iyang panumpa bisan kini makasakit kaniya;

Salmo 53:4

Wala bay kahibalo ang mga tigbuhat sa kasal-anan, nga nagkaon sa akong katawhan sama sa ilang pagkaon ug pan, ug wala magsangpit sa Dios?

Mga Panultihon 28:4

Kadtong nagsalikway sa Balaod nagdayeg sa daotan, apan kadtong nagtuman sa Balaod nakigbisog batok kanila.

Isaias 3:15

Unsay buot ninyong ipasabot sa inyong pagdugmok sa akong katawhan pinaagi sa paggaling sa nawong sa mga kabos?” nag-ingon ang Ginoong Dios sa mga panon.

Isaias 5:20

Alaot kadtong magtawag sa daotan nga maayo, ug sa maayo nga daotan, nagbutang sa kangitngit ingon nga kahayag, ug sa kahayag ingon nga kangitngit, ug nagbutang sa pait ingon nga tam-is, ug sa tam-is ingon nga pait!

Isaias 57:12

Ako magsugilon mahitungod sa imong pagkamatarong ug sa imong mga buhat, apan kini dili makatabang kanimo.

Ezequiel 11:7

Busa mao kini ang giingon sa Ginoong Dios: Ang inyong mga pinatay nga inyong gibutang sa taliwala niini, sila unod, ug kining siyudara mao ang kawa, apan kamo pagawason gikan niini.

Ezequiel 22:27

Ang iyang mga pangulo sa taliwala niya sama sa mga lobo nga nagkuniskunis sa tinukob, nagpaagas ug dugo, nanglaglag sa mga kinabuhi aron sa pag-angkon ug ganansiya pinaagi sa panikas.

Ezequiel 24:4

ibutang niini ang mga hiniwa nga unod, ang tanang maayong bahin, ang paa ug ang abaga; pun-a kini sa pinili nga mga bukog.

Ezequiel 34:3

Gikaon ninyo ang tambok ug nagbisti kamo sa balhibo sa karnero, inyong gipamatay ang mga pinatambok, apan kamo wala magpasibsib sa mga karnero.

Amos 4:1

“Pamatia kining pulonga, kamong mga baka sa Basan, nga anaa sa bukid sa Samaria, nga nagdaogdaog sa mga kabos, nga nagduot sa mga nanginahanglan, nga nag-ingon sa ilang mga bana, ‘Pagdala aron makainom kita!’

Amos 5:15

Dumti ang daotan ug higugmaa ang maayo, ug ipahamtang ang hustisya diha sa ganghaan; basin na lamang ug ang Ginoo, ang Dios sa mga panon, mapuno sa kaluoy sa mga salin ni Jose.

Miqueas 2:8

Apan nakigbatok kamo sa akong katawhan ingon nga kaaway; gilangkat ninyo ang kupo gikan kanila nga malinawon, gikan niadtong mga tawo nga adunay pagsalig nga walay hunahuna sa gubat.

Miqueas 7:2

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Miqueas 7:3

Ang ilang mga kamot anaa sa kadaotan, aron sa pagbuhat niini nga makugihon; ang pangulo ug ang maghuhukom nangayo ug suborno, ug ang tawong gamhanan nagpahayag sa daotang tinguha sa iyang kalag, sa ingon gilangkob nila kini.

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Lucas 19:14

Apan ang iyang mga katagilungsod nagdumot kaniya, ug siya ilang gipasundan ug mga tawo aron sa pag-ingon, ‘Dili kami buot nga maoy maghari kanamo kining tawhana.’

Juan 18:40

Ug sila naninggit pag-usab nga miingon, “Dili kanang tawhana, kondili si Barabas!” Apan kini si Barabas usa ka tulisan.

Juan 7:7

Ang kalibotan dili makadumot kaninyo apan kini nagdumot kanako kay nagpamatuod man ako mahitungod niini nga ang mga buhat niini daotan.

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

2 Timoteo 3:3

walay pagbati, walay kaluoy, tigbutangbutang, mapatuyangon, bangis, madinumtanon sa maayo,