Miqueas 3:11

Ang Biblia 2011

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Cross References

Mga Panultihon 17:23

Ang tawong daotan modawat ug usa ka suborno gikan sa sabakan aron sa pagtuis sa mga pamaagi sa hustisya.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 48:2

Kay sila nagtawag sa ilang kaugalingon sunod sa balaang siyudad, ug nagpabilin diha sa Dios sa Israel; si Yahweh sa mga panon mao ang iyang ngalan.

Isaias 5:23

nga nagpalingkawas sa sad-an tungod sa suborno, ug naghikaw sa matarong sa iyang katungod!

Isaias 56:11

Ang mga iro dako ug kaon, sila dili gayod matagbaw. Ang mga tigbantay sa karnero usab walay panabot; sila misimang ngadto sa kaugalingon nilang mga dalan, ang matag usa sa iyang kaugalingong kaayohan, ang usa ug ang tanan.

Jeremias 23:17

Sila kanunayng nag-ingon ngadto sa mga nagtamay sa pulong sa Ginoo, ‘Maayo kini alang kaninyo,’ ug ngadto sa tanan nga hugot nga nagsunod sa kaugalingon niyang kasingkasing, sila miingon, ‘Walay kadaot nga modangat kaninyo.’ ”

Jeremias 26:7

Ang mga pari ug ang mga propeta ug ang tibuok katawhan nakadungog kang Jeremias nga nagsulti niining mga pulonga didto sa balay sa Ginoo.

Jeremias 5:12

Sila nagsulti ug bakak mahitungod sa Ginoo ug miingon, ‘Wala siyay buhaton, walay kadaot nga modangat kanato o makasinati kita ug espada o gutom.

Jeremias 6:13

“Kay gikan sa labing gamay ngadto sa labing dako kanila, ang matag usa hakog sa dili matarong nga ganansiya; ug gikan sa propeta ngadto sa pari, ang matag usa nanglimbong.

Jeremias 7:4

Ayaw kamo pagsalig niining bakakong mga pulong, ‘Mao kini ang Templo sa Ginoo, ang Templo sa Ginoo, ang Templo sa Ginoo.’

Jeremias 8:10

Busa akong ihatag ang ilang mga asawa ngadto sa lain ug ang ilang mga uma ngadto sa mobuntog kanila, tungod kay gikan sa labing gamay ngadto sa labing dagko ang matag usa hakog sa dili matarong nga ganansiya; gikan sa propeta ngadto sa pari ang matag usa naglimbong.

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Ezequiel 22:27

Ang iyang mga pangulo sa taliwala niya sama sa mga lobo nga nagkuniskunis sa tinukob, nagpaagas ug dugo, nanglaglag sa mga kinabuhi aron sa pag-angkon ug ganansiya pinaagi sa panikas.

Ezequiel 34:2

“Anak sa tawo, pagpropesiya batok sa mga tigbantay sa mga karnero sa Israel, pagpropesiya ug sulti kanila, ngadto sa mga tigbantay sa mga karnero, Mao kini ang giingon sa Ginoong Dios: Alaot kamong mga tigbantay sa mga karnero nga nagpakaon hinuon sa inyong kaugalingon! Dili ba nga ang mga tigbantay sa mga karnero magpasibsib man sa mga karnero?

Oseas 4:18

Ang panon sa mga palahubog naghatag sa ilang kaugalingon ngadto sa pagkamakihilawason, gihigugma nila ang kaulawan labaw sa ilang dungog.

Oseas 4:8

Nagkaon sila diha sa sala sa akong katawhan; sila hangol sa ilang kasal-anan.

Amos 5:14

Pangitaa ninyo ang maayo ug dili ang daotan aron kamo mabuhi; ug sa ingon niana ang Ginoo, ang Dios sa mga panon, mag-uban kaninyo, sumala sa inyong giingon.

Amos 9:10

Ang tanang mga makasasala sa akong katawhan mangamatay pinaagi sa espada, sila nga nag-ingon, ‘Ang daotan dili makaapas o makatagbo kanato.’

Miqueas 3:5

Mao kini ang giingon sa Ginoo mahitungod sa mga propeta nga nagpahisalaag sa akong katawhan, nga nagsinggit, “Pakigdait” sa diha nga aduna silay makaon, apan nagpahayag ug gubat batok kaniya nga walay ikabutang sa ilang mga baba.

Miqueas 7:3

Ang ilang mga kamot anaa sa kadaotan, aron sa pagbuhat niini nga makugihon; ang pangulo ug ang maghuhukom nangayo ug suborno, ug ang tawong gamhanan nagpahayag sa daotang tinguha sa iyang kalag, sa ingon gilangkob nila kini.

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Sofonias 3:4

Ang iyang mga propeta mapatuyangon ug dili kasaligan nga mga tawo; ang iyang mga pari nagpasipala sa unsay balaan, gisupak nila ang Balaod.

Malaquias 1:10

Aduna untay usa kaninyo nga magtak-op sa mga pultahan aron dili kamo maghaling ug kalayo ibabaw sa akong halaran sa walay hinungdan! Wala akoy kahimuot kaninyo, nag-ingon ang Ginoo sa mga panon, ug dili ako modawat ug halad gikan sa inyong kamot.

Malaquias 2:9

ug busa gihimo ko kamo nga tinamay ug ubos sa atubangan sa tanang katawhan, ingon nga kamo wala magtuman sa akong mga pamaagi kondili adunay pagpinig sa mga tawo diha sa inyong pagtudlo.”

Numeros 16:15

Si Moises nasuko pag-ayo ug miingon sa Ginoo, “Ayaw tagda ang ilang halad! Wala ako magkuha bisan usa ka asno gikan kanila o magdaot sa usa kanila.”

Numeros 22:7

Busa ang mga kadagkoan sa Moab ug ang mga kadagkoan sa Midian namiya dala ang mga bayad sa pagpanagna diha sa ilang kamot ug miabot sila kang Balaam ug gisulti nila kaniya ang mga pulong ni Balak.

Mateo 3:9

ug ayaw kamo panghambog sa pag-ingon sa inyong kaugalingon, ‘Si Abraham mao ang among amahan’, kay sultihan ko kamo nga ang Dios makahimo sa pagpabarog ug mga anak alang kang Abraham gikan niining mga bato.

1 Timoteo 3:3

dili palahubog, dili tigpangdapat hinuon lumo, dili palaaway, ug dili mahigugmaon ug salapi.

Tito 1:11

nga kinahanglang pahilomon kay sila nangguba ug tibuok nga mga panimalay pinaagi sa pagpanudlo ug mga butang nga dili angay, aron sa pagpanapi.

1 Pedro 5:2

Atimana ninyo ang panon sa Dios nga anaa diha kaninyo, nga ilalom sa inyong pagbantay, dili ingon nga gipugos kamo kondili sa kinabubut-on sumala sa pagbuot sa Dios gayod, dili alang sa makauulawng pagpanapi kondili inubanan hinuon sa kadasig,

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.

1 Samuel 8:3

Apan ang iyang mga anak wala mosubay sa iyang mga pamaagi, kondili misimang ngadto sa pagpanapi. Nanawat sila ug suborno ug nagtuis sa hustisya.