Miqueas 3:1

Ang Biblia 2011

Ug ako miingon: Pamati, kamo nga mga pangulo ni Jacob ug mga tigmando sa balay ni Israel! Dili ba alang kaninyo ang pagkahibalo sa hustisya?—

Cross References

Nehemias 13:17

Unya ako nakiglalis sa mga kadagkoan sa Juda ug miingon kanila, “Unsa kining daotan nga butang nga inyong gibuhat, nga nagpasipala sa adlaw nga igpapahulay?

Salmo 14:4

Wala ba silay kahibalo, ang tanan nga tigbuhat ug daotan nga naglamoy sa akong katawhan ingon sa pagkaon nila ug pan, ug wala magsangpit sa Ginoo?

Isaias 1:10

Pamatia ang pulong sa Ginoo, kamo nga mga pangulo sa Sodoma! Patalinghugi ninyo ang pagtulun-an sa atong Dios, kamo nga katawhan sa Gomorra!

Isaias 10:2

aron sa paghiklin sa nanginahanglan gikan sa hustisya, ug sa pagsakmit sa katungod sa mga kabos sa akong katawhan, aron ang mga biyuda mahimo nga ilang inilog, ug aron ang mga wala nay amahan mahimo nga ilang tukbonon!

Ezequiel 22:6

“Tan-awa, ang mga pangulo sa Israel nga anaa kanimo, ang matag usa sumala sa ilang gahom, mahiligon sa pagpaagas ug dugo.

Ezequiel 34:2

“Anak sa tawo, pagpropesiya batok sa mga tigbantay sa mga karnero sa Israel, pagpropesiya ug sulti kanila, ngadto sa mga tigbantay sa mga karnero, Mao kini ang giingon sa Ginoong Dios: Alaot kamong mga tigbantay sa mga karnero nga nagpakaon hinuon sa inyong kaugalingon! Dili ba nga ang mga tigbantay sa mga karnero magpasibsib man sa mga karnero?

Ezequiel 34:3

Gikaon ninyo ang tambok ug nagbisti kamo sa balhibo sa karnero, inyong gipamatay ang mga pinatambok, apan kamo wala magpasibsib sa mga karnero.

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’

Oseas 5:1

Pamatia kini, O mga pari! Tagda, O balay sa Israel! Paminawa, O balay sa hari! Kay ang paghukom mahitungod kaninyo; kay kamo nahimong lit-ag sa Mispa, ug pukot nga gibukhad didto sa Tabor.

Amos 4:1

“Pamatia kining pulonga, kamong mga baka sa Basan, nga anaa sa bukid sa Samaria, nga nagdaogdaog sa mga kabos, nga nagduot sa mga nanginahanglan, nga nag-ingon sa ilang mga bana, ‘Pagdala aron makainom kita!’

Amos 6:1

“Alaot kadtong anaa sa kasayon diha sa Zion, ug kadtong mibati ug kasigurohan diha sa bukid sa Samaria, ang mga inilang tawo nga una taliwala sa mga nasod, nga kanila miadto ang banay sa Israel!

Miqueas 2:13

Siya nga magbukas ug agianan mosaka una kanila; sila molapos ug moagi sa ganghaan ug mogula pinaagi niini. Ang ilang hari molabay sa ilang atubangan, ang Ginoo nga nangulo kanila.

1 Mga Taga-Corinto 6:5

Ako nagsulti niini aron sa pagpakaulaw kaninyo. Wala ba diay usa diha kaninyo nga maalamon nga makahimo paghusay tali kaninyo nga managsoong magtutuo?

Deuteronomio 16:18

“Pagtudlo ug mga maghuhukom ug mga pangulo sa tanan ninyong lungsod nga gihatag sa Ginoo nga inyong Dios sumala sa inyong mga banay ug sila maghukom sa katawhan pinaagi sa matarong nga paghukom.