Miqueas 2:3

Ang Biblia 2011

Busa mao kini ang giingon sa Ginoo: Tan-awa, batok niining panimalaya gimugna nako ang kadaot, nga gikan niini dili kamo makaibot sa inyong mga liog; ug kamo dili makalakaw nga mapahitas-on, kay kini usa ka panahon nga daotan.

Cross References

Isaias 29:20

Kay ang bangis modangat ngadto sa pagkawala, ug ang mabiaybiayon mohunong, ug kadtong tanan nga nag-atang sa pagbuhat ug daotan puohon,

Isaias 3:16

Ang Ginoo miingon, Tungod kay ang mga anak nga babaye sa Zion mapahitas-on, ug manglakaw nga pinatikig ang mga liog, ug ang mga mata mapatuyangon, magkiaykiay sa ilang paglakaw ug magpakagilkil sa ilang mga tiil;

Isaias 5:19

nga nag-ingon, “Padalia siya, papaspasa siya sa iyang buhat, aron amo kining makita; ug ipatuman ang tuyo sa Balaan sa Israel, ug paanhia kini aron amo kining masayran!”

Jeremias 18:11

Busa karon, isulti sa mga tawo sa Juda, ug sa mga nagpuyo sa Jerusalem: ‘Mao kini ang giingon sa Ginoo: Tan-awa, nag-umol ako ug daotan batok kaninyo, ug naghunahuna ug usa ka laraw batok kaninyo. Pamalik kamo, ang matag usa gikan sa iyang pamaagi nga daotan ug usba ninyo ang inyong mga pamaagi ug ang inyong mga buhat.’

Jeremias 27:12

Ngadto kang Zedekias nga hari sa Juda, ako nagsulti sa samang paagi: “Pasangoni ninyo ang inyong mga liog sa yugo sa hari sa Babilonia ug alagari siya ug ang iyang katawhan, ug mangabuhi kamo.

Jeremias 34:17

Busa mao kini ang giingon sa Ginoo: Wala kamo motuman kanako pinaagi sa pagsangyaw sa kagawasan, ang matag usa ngadto sa iyang igsoon, ug sa iyang isigkatawo. Tan-awa, ako nagsangyaw kaninyo ug usa ka kagawasan ngadto sa espada, sa kamatay ug sa gutom, nag-ingon ang Ginoo. Himoon ko kamo nga kalisangan sa tanang mga gingharian sa yuta.

Jeremias 36:23

Sa diha nga nabasa ni Jehudi ang tulo o upat ka tudling, giputol kini sa hari pinaagi sa kutsilyo, ug gisugba sa kalayo nga diha sa bagahan, hangtod nga ang tibuok linukot nga basahon nahurot sa kalayo nga diha sa bagahan.

Jeremias 43:2

si Asarias nga anak ni Hosaias ug si Johanan nga anak ni Karea, ug ang tanan nga mga mapahitas-ong tawo, miingon kang Jeremias, “Bakak ang imong gisulti. Ang Ginoo nga among Dios wala magpadala kanimo sa pag-ingon, ‘Ayaw kamo pag-adto sa Ehipto aron sa pagpuyo didto.’

Jeremias 8:3

Ang kamatayon maoy palabihon kay sa kinabuhi sa tanang mga salin nga nahibilin niining daotang panimalay sa tanang mga dapit diin didto giabog nako sila, nag-ingon ang Ginoo sa mga panon.

Mga Pagbangotan 1:14

“Ang akong mga kalapasan nahigot ngadto sa yugo; pinaagi sa iyang kamot kini gidugtong; gibutang kini sa akong liog, iyang gipahuyang ang akong kusog; ang Ginoo mitugyan kanako ngadto sa mga kamot niadtong dili ako makasukol.

Mga Pagbangotan 2:17

Gihimo na sa Ginoo ang iyang gilaraw, nagtuman sa iyang bahad; ingon nga iyang gitakda sa dugayng panahon, siya nangguba nga walay kukaluoy; iyang gihimo nga maglipay ang kaaway batok kanimo, ug gipasidunggan ang gahom sa imong mga kaaway.

Mga Pagbangotan 5:5

Tungod sa yugo sa among liog, naglisod kami paglakaw; Kami gikapoy ug walay pahulay.

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Amos 2:14

Ang pagdagan mawala gikan sa tawong tulin, ug ang kusgan dili makahawid sa iyang kusog o ang gamhanan makaluwas sa iyang kinabuhi;

Amos 3:1

Pamatia kining pulong nga gisulti sa Ginoo batok kaninyo, O katawhan sa Israel, batok sa tibuok nga panimalay nga akong gikuha gikan sa yuta sa Ehipto:

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Amos 5:13

Busa ang maalamon magpakahilom lamang nianang panahona, kay kana daotan nga panahon.

Miqueas 2:1

Alaot kadtong naglaraw ug kadaotan ug nagbuhat sa daotan diha sa ilang mga higdaanan! Sa pagkabuntag, sila magbuhat niini, tungod kay kini anaa sa gahom sa ilang kamot.

Roma 16:4

Gitahan nila ang ilang mga kinabuhi ngadto sa katalagman alang sa akong kinabuhi, ug kanila nagpasalamat dili lamang ako kondili ang tanan usab nga mga iglesia sa mga Gentil.

Mga Taga-Efeso 5:16

magpahimulos sa panahon kay ang mga adlaw karon daotan man.

Deuteronomio 28:48

busa mag-alagad kamo sa inyong mga kaaway nga ipadala sa Ginoo batok kaninyo, sa kagutom, sa kauhaw, sa kahubo ug sa pagkakulang sa tanang butang. Ug siya magbutang ug yugo nga puthaw sa inyong liog hangtod nga kamo iyang malaglag.

Santiago 2:13

Kay ang hukom walay kaluoy alang sa tawo nga wala magpakita ug kaluoy, apan ang kaluoy modaog batok sa hukom.