Miqueas 2:2

Ang Biblia 2011

Gikaibgan nila ang mga kaumahan ug giilog kini; ug ang mga balay ug gisakmit kini; ilang gidaogdaog ang usa ka tawo ug giilog ang iyang balay, ang tawo ug ang iyang panulundon.

Cross References

1 Mga Hari 21:1

Unya nahitabo nga si Nabot nga Jesreelhanon may usa ka parasan nga didto sa Jesreel tupad sa palasyo ni Ahab nga hari sa Samaria.

2 Mga Hari 9:26

‘Ingon nga nakita gayod nako kagahapon ang dugo ni Nabot ug ang dugo sa iyang mga anak nga lalaki, nag-ingon ang Ginoo, ako manimalos kanimo niining lunaa.’ Busa karon kuhaa ug ilabay siya ngadto sa yuta; sumala sa pulong sa Ginoo.”

Job 31:38

“Kon ang akong yuta nagsinggit batok kanako, ug ang mga tudling niini magdungan sa paghilak;

Exodo 20:17

“Ayaw kaibog sa balay sa imong isigkatawo. Ayaw kaibog sa asawa sa imong isigkatawo o sa iyang sulugoon nga lalaki o sa iyang sulugoon nga babaye o sa iyang baka o sa iyang asno o sa bisan unsang butang nga iya sa imong isigkatawo.”

Isaias 3:14

Ang Ginoo maghukom sa mga kadagkoan ug sa mga pangulo sa iyang katawhan, “Kamo mao ang naglamoy sa parasan, ang inilog sa mga kabos anaa sa inyong mga balay.

Isaias 5:8

Alaot kamong nagtigom ug mga balay, ug nagdugang ug mga uma, hangtod nga wala nay dapit, ug kamo gihimo nga magpuyo nga mag-inusara taliwala sa yuta!

Jeremias 22:17

Apan ikaw adunay mga mata ug kasingkasing alang lamang sa pagpanikas, sa pagpaagas ug dugo sa walay sala, ug sa pagdaogdaog ug sa kapintas.”

Ezequiel 18:12

nanglupig sa kabos ug nanginahanglan, nangawat, wala mag-uli sa garantiya sa utang, miyahat sa iyang mga mata ngadto sa mga diosdios, nagbuhat sa mga dulumtanan,

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Ezequiel 22:13

“Tungod niini, tan-awa, gihapak nako ang akong kamot nganha sa ganansiya nga imong tinikasan, ug nganha sa dugo nga anaa sa imong taliwala.

Ezequiel 33:26

Kamo nagsalig sa inyong espada, kamo nagbuhat sa dulumtanan ug naghugaw kamong tanan sa asawa sa inyong isigkatawo; manag-iya ba diay kamo sa yuta?

Ezequiel 45:9

“Mao kini ang giingon sa Ginoong Dios: Igo na, O mga pangulo sa Israel! Biyai ang kabangis ug ang pagpanglupig, ug ipahamtang ang hustisya ug ang pagkamatarong. Hunonga ang pagpangilog ninyo sa kabtangan sa akong katawhan, nag-ingon ang Ginoong Dios.

Ezequiel 46:18

Ang pangulo dili makakuha gikan sa panulundon sa katawhan aron sa pagpapahawa kanila gikan sa ilang napanag-iya. Siya maghatag ug panulundon sa iyang mga anak nga lalaki gikan sa iyang kaugalingon nga katigayonan aron walay usa sa akong katawhan nga mapahawa gikan sa iyang katigayonan.”

Ezequiel 8:17

Unya siya miingon kanako, “Nakita ba nimo kini, anak sa tawo? Gamay ba lamang nga butang alang sa balay sa Juda ang pagbuhat sa mga dulumtanan nga ilang gibuhat dinhi, nga gipuno man nila sa kabangis ang yuta ug naghagit pa gayod kanako sa pagkasuko? Tan-awa, ilang gibutang sa ilang ilong ang sanga.

Amos 2:7

sila nga nagyatak sa ulo sa mga kabos ngadto sa abog sa yuta ug nagsalikway sa dalan sa mga sinakit; ang usa ka tawo ug ang iyang amahan misulod ngadto sa usa ra ka babaye, nga tungod niana ang akong balaan nga ngalan napanamastamasan;

Amos 4:1

“Pamatia kining pulonga, kamong mga baka sa Basan, nga anaa sa bukid sa Samaria, nga nagdaogdaog sa mga kabos, nga nagduot sa mga nanginahanglan, nga nag-ingon sa ilang mga bana, ‘Pagdala aron makainom kita!’

Amos 8:4

Pamatia kini, kamo nga nagyatak sa mga nanginahanglan, ug nagdala sa mga kabos sa yuta ngadto sa kataposan,

Miqueas 3:9

Pamatia kini, kamo nga mga pangulo sa balay ni Jacob ug mga tigmando sa balay ni Israel, nga nagsalikway sa hustisya ug nagtuis sa tibuok nga buhat sa kaangayan,

Miqueas 6:12

Ang imong mga tawo nga adunahan napuno sa kabangis; ang imong mga lumulupyo nagsulti ug bakak, ug ang ilang dila limbongan sulod sa ilang baba.

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

1 Timoteo 6:10

Kay ang paghigugma sa salapi mao ang gamot sa tanang pagkadaotan ug tungod sa maong pangibog may mga tawo nga nahisalaag gikan sa pagtuo ug ilang giduslak ang ilang kaugalingon sa daghang kasakit.