Miqueas 2:12

Ang Biblia 2011

Tigomon gayod nako kamong tanan, O Jacob, tigomon nako ang mga salin sa Israel; tigomon nako sila sama sa mga karnero sa toril, sama sa panon sa karnero diha sa ilang sibsibanan, usa ka banha nga panon sa katawhan.

Cross References

Genesis 36:33

Namatay si Bela ug naghari puli sa iyang dapit si Jobab nga anak ni Zera sa Bosra.

1 Cronicas 1:44

Sa pagkamatay ni Bela, si Jobab nga anak ni Zera sa Bosra mao ang naghari puli kaniya.

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 27:12

Nianang adlawa, gikan sa sapa sa Eufrates ngadto sa suba sa Ehipto, ang Ginoo maggiok sa trigo ug kamo tapokon sa tinagsa, O katawhan sa Israel.

Isaias 34:6

Ang Ginoo adunay espada; kini natumog sa dugo, kini nagsinaw tungod sa tambok, sa dugo sa mga nating karnero ug mga kanding, sa tambok sa mga amimislon sa mga laking karnero. Kay ang Ginoo adunay usa ka halad nga inihaw didto sa Bosra, usa ka dakong pag-ihaw didto sa yuta sa Edom.

Isaias 5:17

Unya ang mga nating karnero manibsib ingon nga anaa sa ilang sibsibanan, ug ang mga pinatambok ug mga nating kanding magkaon diha sa mga ginuba.

Jeremias 23:3

Unya tigomon nako ang nahibilin sa akong panon gikan sa tanang mga dapit diin didto giabog ko sila ug dad-on nako sila pagbalik ngadto sa ilang mga toril ug sila magmabungahon ug mosanay.

Jeremias 3:18

Nianang mga adlawa ang balay sa Juda mokuyog sa balay sa Israel ug silang duha mogula gikan sa yuta sa amihanan ngadto sa yuta nga akong gihatag sa inyong mga katigulangan ingon nga usa ka panulundon.

Ezequiel 34:11

“Kay mao kini ang giingon sa Ginoong Dios: Ako, ako gayod magsusi sa akong mga karnero ug mangita kanila.

Ezequiel 34:13

Ug kuhaon nako sila gikan sa mga katawhan ug tigomon sila gikan sa kayutaan ug dad-on nako sila ngadto sa ilang kaugalingong yuta, ug pasibsibon nako sila sa kabukiran sa Israel, duol sa mga tuboran sa tubig ug sa tanang mga gipuy-an nga mga dapit sa yuta.

Ezequiel 34:22

akong luwason ang akong panon ug sila dili na mahimong tukbonon, ug ako maoy maghukom tali sa karnero ug sa mga karnero.

Ezequiel 34:31

Ug kamo akong mga karnero, ang mga karnero sa akong sibsibanan, kamo katawhan, ug ako mao ang inyong Dios, nag-ingon ang Ginoong Dios.”

Ezequiel 36:37

“Mao kini ang giingon sa Ginoong Dios: Ipapangayo usab nako sa balay sa Israel ngari kanako ang pagbuhat niini alang kanila, nga padaghanon nako sila sama sa usa ka panon.

Ezequiel 37:21

ingna sila, Mao kini ang gisulti sa Ginoong Dios: Tan-awa, kuhaon nako ang katawhan sa Israel gikan sa taliwala sa mga nasod diin sila miadto, ug tigomon nako sila gikan sa tanang bahin, ug panad-on nako sila ngadto sa ilang kaugalingong yuta.

Oseas 1:11

Ang katawhan sa Juda ug ang katawhan sa Israel tigomon ug sila magtudlo ug usa ka pangulo alang kanila ug manungas gikan sa yuta kay dako ang adlaw ni Jesreel.

Amos 1:12

Busa magpadala ako ug kalayo ngadto sa Teman, ug kini maglamoy sa mga kuta sa Bosra.”

Miqueas 2:13

Siya nga magbukas ug agianan mosaka una kanila; sila molapos ug moagi sa ganghaan ug mogula pinaagi niini. Ang ilang hari molabay sa ilang atubangan, ang Ginoo nga nangulo kanila.

Miqueas 4:8

Ug ikaw, O tore sa panon, ang bungtod sa anak nga babaye sa Zion, kanimo moabot kini, ang kanhing gingharian mahibalik gayod, ang gingharian sa anak nga babaye sa Jerusalem.

Miqueas 5:7

Unya ang mga salin ni Jacob anha unya sa taliwala sa daghang mga katawhan sama sa yamog nga gikan sa Ginoo, sama sa taligsik diha sa mga balili, nga wala maglangan alang sa tawo o maghulat alang sa mga anak sa katawhan.

Miqueas 5:8

Ug ang mga salin ni Jacob anha unya sa taliwala sa mga nasod, sa taliwala sa daghang mga katawhan, sama sa usa ka liyon taliwala sa mga mananap sa kalasangan, sama sa batan-on nga liyon taliwala sa mga panon sa karnero, nga kon mosulod kini, moyatak ug mokuniskunis, ug walay makaluwas.

Miqueas 7:14

Bantayi ang imong katawhan pinaagi sa imong sungkod, ang panon sa imong panulundon, nga nagpuyo nga nag-inusara diha sa kalasangan taliwala sa tanaman; pasibsiba sila didto sa Basan ug sa Gilead sama sa kanhing mga adlaw.

Miqueas 7:18

Kinsa ba ang Dios nga sama kanimo, nga nagpasaylo sa kasal-anan ug mopalabay lamang sa mga kalapasan sa salin sa iyang panulundon? Siya wala maghupot sa iyang kasuko hangtod sa kahangtoran, kay siya malipay diha sa gugmang walay paglubad.

Sofonias 3:20

Nianang panahona dad-on ko kamo sa inyong pinuy-anan, sa panahon nga tigomon ko kamo. Kay kamo himoon nako nga bantogan ug dinayeg taliwala sa tanang mga katawhan sa yuta, sa diha nga ipahiuli nako ang inyong maayong kahimtang sa atubangan sa inyong mga mata, nag-ingon ang Ginoo.