Miqueas 2:1

Ang Biblia 2011

Alaot kadtong naglaraw ug kadaotan ug nagbuhat sa daotan diha sa ilang mga higdaanan! Sa pagkabuntag, sila magbuhat niini, tungod kay kini anaa sa gahom sa ilang kamot.

Cross References

Genesis 31:29

Ania sa akong gahom ang pagbuhat ug daotan kaninyo apan ang Dios sa inyong amahan nagsulti kanako kagabii ug nag-ingon, ‘Pagmatngon nga dili ikaw magsulti kang Jacob ug maayo o daotan.’

1 Mga Hari 21:7

Ug si Jesebel nga iyang asawa miingon kaniya, “Nagdumala ba ikaw karon sa gingharian sa Israel? Tindog, kaon ug pan ug lipaya ang imong kasingkasing. Akong ihatag kanimo ang parasan ni Nabot nga Jesreelhanon.”

Ester 3:8

Unya si Haman miingon kang Hari Ahasuero, “Adunay usa ka katawhan nga nangakatag sa layong dapit ug nagkatibulaag sa taliwala sa mga katawhan sa tanang lalawigan sa imong gingharian. Ang ilang mga balaod lahi sa ubang katawhan ug wala nila tumana ang mga balaod sa hari, busa dili makaayo sa hari ang pagpasagad kanila.

Ester 5:14

Unya si Zeres nga iyang asawa ug ang tanan niyang mga higala miingon kaniya, “Ipabuhat ang usa ka bitayan nga 50 ka maniko ang gihabogon, ug sa pagkabuntag sultihi ang hari nga ipabitay si Mardoqueo niini; unya lakaw nga malipayon uban sa hari ngadto sa kombira.” Kining tambaga nakapahimuot kang Haman ug iyang gipabuhat ang bitayan.

Ester 9:25

Apan sa pag-abot ni Ester sa atubangan sa hari, siya misugo pinaagi sa mga sulat nga ang iyang laraw nga daotan nga iyang giplano batok sa mga Judio, mosumbalik ra sa iyang ulo, ug nga siya ug ang iyang mga anak nga lalaki bitayon diha sa bitayan.

Job 15:35

Naglaraw sila ug kadaot ug nagmugna ug daotan, ug ang ilang kasingkasing nag-andam ug limbong.”

Job 24:14

Ang mga mamumuno mobarog diha sa kangitngit, aron iyang mapatay ang kabos ug ang nanginahanglan; ug sa gabii siya sama sa usa ka kawatan.

Salmo 36:4

Naglaraw siya ug daotan diha sa iyang higdaanan; nagpahimutang siya diha sa usa ka dalan nga dili maayo; ug wala niya dumti ang daotan.

Salmo 36:5

Ang imong gugmang walay paglubad, O Ginoo, miabot ngadto sa kalangitan, ang imong pagkamatinumanon ngadto sa kapanganoran.

Salmo 58:3

Ang mga daotan nahisalaag sukad pa sa taguangkan; nakasala sila sukad sa ilang pagkahimugso, nagsulti ug bakak.

Mga Panultihon 12:2

Ang usa ka maayong tawo makabaton ug kahimuot gikan sa Ginoo, apan ang tawo nga daotan ug mga laraw iyang silotan.

Mga Panultihon 14:22

Wala ba mangasayop kadtong nagmugna ug daotan? Kadtong nagmugna ug maayo makakita ug pagkamaunongon ug pagkamatinumanon.

Mga Panultihon 3:27

Ayaw ihikaw ang maayo gikan kanila nga may katungod niini kon anaa sa imong gahom ang pagbuhat niini.

Mga Panultihon 4:16

Kay sila dili makatulog gawas kon sila makabuhat ug daotan; ang ilang pagkatulog mawala gawas kon sila makapapandol sa uban.

Isaias 29:20

Kay ang bangis modangat ngadto sa pagkawala, ug ang mabiaybiayon mohunong, ug kadtong tanan nga nag-atang sa pagbuhat ug daotan puohon,

Isaias 3:14

Ang Ginoo maghukom sa mga kadagkoan ug sa mga pangulo sa iyang katawhan, “Kamo mao ang naglamoy sa parasan, ang inilog sa mga kabos anaa sa inyong mga balay.

Isaias 32:7

Ang mga galamiton sa mga hakog daotan; naghimo siya ug daotan nga mga laraw aron sa paglaglag sa kabos pinaagi sa bakak nga mga pulong, bisan ug ang hangyo sa mga nanginahanglan matarong.

Isaias 5:8

Alaot kamong nagtigom ug mga balay, ug nagdugang ug mga uma, hangtod nga wala nay dapit, ug kamo gihimo nga magpuyo nga mag-inusara taliwala sa yuta!

Isaias 59:3

Kay ang inyong mga kamot nahugawan sa dugo, ug ang inyong mga tudlo nahugawan sa kasal-anan; ang inyong mga ngabil nagsulti ug bakak, ang inyong dila naglitok ug mga kangil-aran.

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Ezequiel 11:2

Ug siya miingon kanako, “Anak sa tawo, mao kini ang mga tawo nga nagmugna ug kasal-anan, ug naghatag ug daotang tambag niining siyudara.

Ezequiel 33:26

Kamo nagsalig sa inyong espada, kamo nagbuhat sa dulumtanan ug naghugaw kamong tanan sa asawa sa inyong isigkatawo; manag-iya ba diay kamo sa yuta?

Ezequiel 38:10

“Mao kini ang gisulti sa Ginoong Dios: Nianang adlawa, mga hunahuna mosantop sa imong kaisipan, ug ikaw maglaraw ug usa ka daotang buhat.

Ezequiel 46:18

Ang pangulo dili makakuha gikan sa panulundon sa katawhan aron sa pagpapahawa kanila gikan sa ilang napanag-iya. Siya maghatag ug panulundon sa iyang mga anak nga lalaki gikan sa iyang kaugalingon nga katigayonan aron walay usa sa akong katawhan nga mapahawa gikan sa iyang katigayonan.”

Miqueas 6:12

Ang imong mga tawo nga adunahan napuno sa kabangis; ang imong mga lumulupyo nagsulti ug bakak, ug ang ilang dila limbongan sulod sa ilang baba.

Nahum 1:11

May usa nga migula gikan kanimo nga naglaraw ug daotan batok sa Ginoo, ug nagtambag sa kadaotan.

Zacarias 7:10

Ayaw daogdaoga ang biyuda, ang wala nay amahan, ang dumuduong o ang kabos; ug walay bisan kinsa kaninyo nga maghunahuna ug daotan batok sa iyang igsoon sulod sa iyang kasingkasing.”

Marcos 15:1

Dihadiha, sa pag-abot na sa kabuntagon, ang mga pangulong pari nakigsabot uban sa mga kadagkoan ug sa mga eskriba ug sa tibuok Sanhedrin. Ug gigapos nila si Jesus ug gidala ug gitugyan ngadto kang Pilato.

Lucas 20:19

Unya ang mga eskriba ug mga pangulong pari misulay sa pagdakop kang Jesus niadto gayong tungora, kay nakasabot man sila nga iyang gisugilon ang maong sambingay batok kanila, apan nahadlok sila sa mga tawo.

Juan 19:11

Si Jesus mitubag kaniya, “Wala ka untay kagahom ibabaw kanako kon wala pa ikaw hatagi niini gikan sa kahitas-an, busa ang nagtugyan kanako nganha kanimo dako pa ug sala.”

Mga Buhat 23:12

Sa pagkabuntag na, ang mga Judio naghimo ug usa ka laraw, ug ubos sa panumpa nagsinaaray nga dili sila mangaon ug manginom hangtod nga ilang mapatay si Pablo.

Mga Buhat 23:15

Busa kamo, uban sa Sanhedrin, pahibaloa ninyo karon ang komandante nga kinahanglan iyang ipadala si Pablo nganha kaninyo nga kunohay magpakisayod pa kamo ug dugang pa gayod sa iyang kaso. Ug kami andam sa pagpatay kaniya sa dili pa siya makaduol.”

Roma 1:30

madumtanon sila sa Dios, mayubiton, mapahitas-on, tigpanghambog, tigmugna ug daotan, masupilon sa mga ginikanan,

Deuteronomio 28:32

Ang inyong mga anak nga lalaki ug ang inyong mga anak nga babaye itugyan ngadto sa laing katawhan samtang ang inyong mga mata magtan-aw ug mangaluya tungod sa paghandom kanila sa tibuok nga adlaw ug dili mahimo sa gahom sa inyong mga kamot ang pagsanta niini.