Miqueas 1:7

Ang Biblia 2011

Ang tanan niyang mga kinulit nga larawan dugmokon, ang tanan niya nga suhol sunogon sa kalayo, ug ang tanan niyang mga diosdios akong wagtangon; kay siya nagtigom kanila gikan sa suhol sa usa ka babayeng nagbaligya ug dungog, ug sila mobalik ngadto sa suhol sa usa ka babayeng nagbaligya ug dungog.

Cross References

2 Cronicas 31:1

Sa dihang natapos kining tanan, ang tibuok Israel nga mitambong nanggula ngadto sa mga siyudad sa Juda ug gipangdugmok ang mga haligi ug gipamutol ang mga Asera, ug gigun-ob ang mga habog nga dapit ug ang mga halaran sa tibuok Juda ug Benjamin, ug sa Efraim ug sa Manases, hangtod nga nagun-ob nila kining tanan. Unya ang tanang katawhan sa Israel namalik sa ilang mga siyudad, ang matag tawo ngadto sa iyang kaugalingong kabtangan.

Isaias 2:18

Ang mga diosdos mangahanaw sa hingpit.

Isaias 23:17

Human sa 70 ka tuig, ang Ginoo moduaw sa Tiro ug kini mobalik sa iyang pagpasuhol ug makighilawas uban sa tanang mga gingharian sa kalibotan ibabaw sa yuta.

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Ezequiel 6:6

Bisan diin kamo magpuyo, ang mga siyudad gun-obon ug ang habog nga mga dapit mahimong biniyaan aron ang inyong mga halaran lumpagon ug pukanon ug ang inyong mga diosdios dugmokon ug gub-on, ang inyong halaran sa insenso pukanon ug ang inyong mga buhat puohon.

Oseas 2:12

Akong laglagon ang iyang kaparasan ug ang iyang mga kahoy nga igera nga mahitungod niini siya nag-ingon, ‘Kini mao ang akong suhol nga gihatag kanako sa akong mga hinigugma.’ Himoon nako kini nga kalasangan ug ang mga mananap sa kapatagan molamoy kanila.

Oseas 2:14

“Busa, tan-awa, danihon nako siya, ug dad-on ngadto sa kamingawan, ug sultihan nako siya diha sa kalumo.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Oseas 8:5

Gisalibay ang imong nating baka, O Samaria. Ang akong kasilag nagdilaab batok kanila. Kanus-a ba sila maputli?

Oseas 8:6

Kay kini gikan sa Israel, usa ka tigbuhat naghimo niini, dili ang Dios Ang nating baka sa Samaria dugmokon.

Joel 3:3

ug nagparipa alang sa akong katawhan, ug ang usa ka bata nga lalaki gibaylo alang sa usa ka babayeng nagbaligya ug dungog, ug nagbaligya ug usa ka dalaga alang sa bino, ug giinom kini.

Levitico 26:30

Ug gub-on nako ang inyong mga habog nga dapit ug tumpagon nako ang inyong mga halaran sa insenso ug ibutang nako ang inyong mga lawas nga patay ibabaw sa patay nga lawas sa inyong mga diosdios ug ang akong kalag magdumot kaninyo.

Deuteronomio 23:18

Ayaw ninyo dad-a ang bayad sa babayeng nagbaligya sa iyang dungog o suhol sa lalaking nagbaligya sa iyang dungog ngadto sa balay sa Ginoo nga inyong Dios agig bayad sa bisan unsa nga panaad kay kining duha dulumtanan alang sa Ginoo nga inyong Dios.

Deuteronomio 9:21

Ug gikuha nako ang inyong sala, ang nating baka nga inyong gibuhat, ug gisunog kini sa kalayo, ug gidugmok ug gipinopino hangtod nga kini sama ka pino sa abog ug gisalibay nako ang abog niini ngadto sa sapa nga nagdagayday gikan sa bukid.

Gipadayag 18:3

kay ang tanang kanasoran nanginom sa bino sa iyang pagkamakihilawason, ug ang mga hari sa yuta nakapakighilawas kaniya, ug ang mga tigpatigayon sa yuta nangadato tungod sa kadato sa iyang pagkamapatuyangon.”

Gipadayag 18:9

Ug ang mga hari sa kalibotan nga nakapakighilawas kaniya ug nakig-uban kaniya sa pagpatuyang manghilak ug magbakho tungod kaniya inigkakita nila sa aso sa iyang pagkasunog,

1 Samuel 5:4

Apan sa ilang pagbangon sayo sa pagkasunod buntag, si Dagon natumba na usab sa atubangan sa sudlanan sa kasabotan sa Ginoo, ug ang ulo ni Dagon ug ang duha niini ka kamot nangaputol nga didto na nahimutang sa tugkaran ug ang lawas ni Dagon mao ray nahibilin kaniya.