Miqueas 1:6

Ang Biblia 2011

Busa buhaton nako ang Samaria nga tinapok sa kapatagan, usa ka dapit nga tamnan sa mga paras; ug ligiron nako ang mga bato niini ngadto sa walog, ug ipadayag ang iyang mga patukoranan.

Cross References

2 Samuel 17:13

Kon mosibog siya ngadto sa usa ka siyudad, ang tibuok nga Israel magdala ug mga pisi ngadto sa maong siyudad, ug kita magguyod niini ngadto sa suba, hangtod nga walay bisan usa ka gamay nga bato nga makaplagan didto.”

2 Mga Hari 18:10

Ug human sa tulo ka tuig iya kining nailog. Sa ikaunom nga tuig ni Hesekias nga maoy ikasiyam nga tuig ni Hosea, nga hari sa Israel, nailog ang Samaria.

2 Mga Hari 18:9

Sa ikaupat nga tuig ni Hari Hesekias nga mao ang ikapito nga tuig ni Hosea nga anak ni Ela nga hari sa Israel, si Salmaneser nga hari sa Asiria misulong sa Samaria ug gilibotan kini.

2 Mga Hari 19:25

“Wala ba ikaw makadungog nga dugay na nako kining gilaraw? Dugay na nakong gilaraw ang nahitabo karon, nga imong panggub-on ang kinutaang mga siyudad,

Isaias 17:1

Ang mensahe mahitungod sa Damasco. Tan-awa, ang Damasco mohunong ingon nga usa ka siyudad, ug mahimong usa ka pundok sa ginuba.

Isaias 25:12

Ang habog nga mga paril sa imong mga kuta iyang pukanon, ipaubos ug lumpagon ngadto sa yuta, ngadto sa abog.

Isaias 25:2

Kay imong gihimo nga usa ka tinapok ang usa ka siyudad, ang kinutaang siyudad nagun-ob; ang dangpanan sa mga langyaw dili na usa ka siyudad, kini dili na gayod matukod pag-usab.

Jeremias 31:5

Magtanom ikaw pag-usab ug mga paras ibabaw sa mga bukid sa Samaria; ang mga tigtanom magtanom, ug magpahimulos sa bunga niini.

Jeremias 51:25

“Ako batok kanimo, O malaglagong bukid, nag-ingon ang Ginoo, nga naglaglag sa tibuok nga yuta; akong ituy-od ang akong kamot batok kanimo ug ipaligid ko ikaw gikan sa mga kabatoan, ug himoon ko ikaw nga usa ka bukid nga sunog.

Jeremias 51:37

ug ang Babilonia mahimong usa ka tinapok sa mga ginuba, usa ka puluy-anan sa mga iro nga ihalas, usa ka kalisangan ug usa ka talamayon nga walay nagpuyo.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Mga Pagbangotan 4:1

Naunsa nga milubad man ang bulawan, ang lunsayng bulawan nausab! Ang balaan nga mga bato nangakatag sa ulohan sa matag dalan.

Ezequiel 13:14

Busa gub-on nako ang paril nga inyong gibulitan ug tumpagon nako kini ngadto sa yuta, sa pagkaagi nga ang patukoranan niini madayag. Sa diha nga kini mapukan, kamo mangalaglag taliwala niini, ug kamo makaila nga ako mao ang Ginoo.

Oseas 13:16

Ang Samaria magpas-an sa iyang sala kay siya misukol sa iyang Dios; sila mangapukan pinaagi sa espada, ang ilang mga bata dugmokon, ug ang ilang mga babaye nga mabdos yasyasan.

Amos 5:11

Busa kay giyatakan man ninyo ang mga kabos, ug nagpahamtang kaniya ug tubo sa trigo, nakatukod kamo ug mga balay nga hinimo gikan sa sinapsap nga bato, apan kamo dili makapuyo niini; nagtanom kamo ug mga matahom nga kaparasan apan kamo dili makainom sa bino niini.

Amos 6:8

Ang Ginoong Dios nanumpa sa iyang kaugalingon, nag-ingon ang Ginoo, ang Dios sa mga panon, “Ako nagdumot sa garbo ni Jacob, ug nagdumot sa iyang mga salipdanan; ug itugyan nako ang siyudad ug ang tanan nga anaa niini.”

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Habacuc 3:13

Mipanaw ikaw alang sa kaluwasan sa imong katawhan, alang sa kaluwasan sa imong dinihogan. Gigupok nimo ang ulo sa balay sa daotan, gipabuy-od nga walay bisti, gikan sa paa ngadto sa liog. Selah

Mateo 24:2

Apan siya mitubag kanila, “Dili ba nakita man ninyo kining tanan? Sa pagkatinuod, sultihan ko kamo, nga dinhi walay bato nga pinatong sa laing bato nga dili tumpagon.”