Miqueas 1:5

Ang Biblia 2011

Kining tanan tungod sa kalapasan ni Jacob, ug tungod sa kasal-anan sa balay ni Israel. Unsa ba ang kalapasan ni Jacob? Dili ba ang Samaria? Ug unsa ba ang sala sa balay ni Juda? Dili ba ang Jerusalem?

Cross References

1 Mga Hari 11:7

Unya si Solomon nagtukod ug usa ka habog nga dapit alang kang Camos, ang dulumtanan diha sa Moab, ug alang kang Molec, ang dulumtanan diha sa mga Amonihanon, didto sa bungtod sa silangang dapit sa Jerusalem.

1 Mga Hari 13:32

Kay ang pulong nga iyang gisinggit pinaagi sa pulong sa Ginoo batok sa halaran sa Betel ug batok sa tanang mga balay sa mga habog nga dapit nga anaa sa mga siyudad sa Samaria mahitabo gayod.”

1 Mga Hari 16:24

Ug iyang gipalit ang bungtod sa Samaria gikan kang Semer duha ka talanton nga plata, ug iyang giparilan ang bungtod, ug ginganlan niyag Samaria ang siyudad nga iyang gitukod, sunod sa ngalan ni Semer, ang tag-iya sa bungtod.

2 Cronicas 34:3

Kay sa ikawalo nga tuig sa iyang paghari, samtang batan-on pa siya, siya nag-alagad sa Dios ni David nga iyang amahan ug sa ikanapulo ug duha nga tuig siya nagsugod sa paghinlo sa Juda ug sa Jerusalem sa mga habog nga dapit, sa mga Asera, ug sa mga kinulit ug sa mga tinunaw nga larawan.

2 Cronicas 34:4

Ilang gitumpag ang mga halaran sa mga Baal diha sa iyang atubangan ug gibuak ang mga halaran sa insenso nga diha sa ibabaw niini ug gidugmok ang mga Asera ug ang mga kinulit ug mga tinunaw nga larawan ug gihimo kining abog ug gisabwag kini sa ibabaw sa mga lubnganan niadtong mga naghalad kanila.

Isaias 7:9

Ang ulo sa Efraim mao ang Samaria, ug ang ulo sa Samaria mao ang anak ni Remalias. Kon kamo dili motuo, kamo dili gayod mobarog.’ ”

Jeremias 2:17

Wala ba ikaw magdala niini sa imong kaugalingon pinaagi sa pagbiya sa Ginoo nga imong Dios, sa diha nga siya nagmando kanimo diha sa dalan?

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 23:13

Sa mga propeta sa Samaria, nakita nako ang usa ka dili maayo nga butang: sila nagpropesiya pinaagi sa Baal, ug nagpahisalaag sa akong katawhan nga Israel.

Jeremias 23:14

Apan sa mga propeta sa Jerusalem, nakita nako ang usa ka makalilisang nga butang: sila nanapaw ug nagkinabuhi sa kabakakan; gipalig-on nila ang mga kamot sa mga tigbuhat ug daotan, aron walay mobiya gikan sa iyang pagkadaotan; ang tanan kanila nahimong sama sa Sodoma alang kanako ug ang mga nagpuyo niini sama sa Gomora.”

Jeremias 4:18

Ang imong mga pamaagi ug ang imong mga binuhatan nagdala niini nganha kanimo. Mao kini ang imong kaalaotan, ug pait kini; miabot kini sa imo gayong kasingkasing.”

Jeremias 5:25

Ang inyong mga kasal-anan maoy nakapahanaw niini, ug ang inyong mga sala maoy nakapugong sa kaayohan gikan kaninyo.

Jeremias 6:19

Pamati, O yuta; tan-awa, ako magpadala ug kadaot diha niini nga katawhan, ang bunga sa ilang mga laraw, tungod kay wala sila mamati sa akong mga pulong; ug mahitungod sa akong Balaod, gisalikway nila kini.

Mga Pagbangotan 5:16

Ang purongpurong nahulog gikan sa among ulo; alaot kami, kay kami nakasala!

Ezequiel 16:46

Ug ang imong magulang nga babaye mao ang Samaria, nga nagpuyo uban sa iyang mga anak nga babaye dapit sa amihanan nimo. Ug ang imong manghod nga babaye nga nagpuyo dapit sa habagatan mao ang Sodoma uban sa iyang mga anak nga babaye.

Oseas 7:1

Sa diha nga ipahiuli na nako ang maayong kahimtang sa akong katawhan, sa diha nga ayohon unta nako ang Israel, ang kasal-anan sa Efraim nabutyag, ug ang mga daotang binuhatan sa Samaria; kay sila namakak, ang kawatan nanglungkab, ug ang mga tulisan nanulis sa gawas.

Amos 6:1

“Alaot kadtong anaa sa kasayon diha sa Zion, ug kadtong mibati ug kasigurohan diha sa bukid sa Samaria, ang mga inilang tawo nga una taliwala sa mga nasod, nga kanila miadto ang banay sa Israel!

Amos 7:9

ang habog nga mga dapit ni Isaac mahimong biniyaan, ug ang mga balaang dapit sa Israel mahimong awaaw, ug ako motindog batok sa balay ni Jeroboam uban ang usa ka espada.”

Amos 8:14

Kadtong manumpa pinaagi kang Asima sa Samaria ug mag-ingon, ‘Ingon nga ang imong dios buhi, O Dan,’ ug, ‘Ingon nga ang pamaagi sa Beer-seba buhi,’ sila mangapukan ug dili na gayod makabangon pag-usab.”

Miqueas 1:13

Kamong mga lumulupyo sa Lakis, ihigot ninyo ang mga tulin nga kabayo ngadto sa mga karwahi; ikaw mao ang sinugdan sa sala sa anak nga babaye sa Zion, kay diha kanimo nakaplagan ang mga kalapasan sa Israel.