Miqueas 1:4

Ang Biblia 2011

Unya ang mga bukid matunaw sa ilalom niya, ug ang mga walog mabahin, sama sa talo sa atubangan sa kalayo, sama sa katubigan nga ibubo sa kimba nga dapit.

Cross References

Salmo 46:6

Ang mga nasod nagkaguliyang, ang mga gingharian nangatay-og; iyang gipalanog ang iyang tingog, ang yuta natunaw.

Salmo 68:2

Ingon nga ang aso mapalid, papahawaa sila; ingon nga ang talo matunaw atubangan sa kalayo, wagtanga ang mga daotan gikan sa atubangan sa Dios.

Salmo 97:5

Ang kabukiran natunaw sama sa talo diha sa atubangan sa Ginoo, atubangan sa Ginoo sa tibuok nga yuta.

Amos 9:5

Ang Ginoong Dios sa mga panon, siya nga mihikap sa yuta ug kini natunaw, ug ang tanan nga nagpuyo niini nagsubo, ug ang tanan niini motubo sama sa Nilo, ug mohubas pag-usab sama sa Nilo sa Ehipto;

Nahum 1:5

Ang kabukiran milinog sa iyang atubangan, ug ang kabungtoran nangatunaw; ang yuta nalaglag diha sa iyang atubangan, ang kalibotan ug ang tanan nga nagpuyo niini.

Habacuc 3:10

Ang kabukiran nakakita kanimo, ug nangurog; ang nagbul-og nga tubig mibaha; ang kahiladman nagpagula sa iyang tingog, kini nagbayaw sa iyang mga kamot ngadto sa itaas.

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Zacarias 14:4

Nianang adlawa, ang iyang mga tiil motindog diha sa Bukid sa mga Olibo nga anaa atbang sa Jerusalem sa silangan, ug ang Bukid sa mga Olibo mapikas gikan sa silangan ug ngadto sa kasadpan pinaagi sa dako kaayong walog, nga tungod niana ang katunga sa bukid mosibog ngadto sa amihanan ug ang laing katunga ngadto sa habagatan.

Gipadayag 20:11

Unya nakita nako ang usa ka dakong trono nga puti ug ang naglingkod niini, gikan sa iyang atubangan mipahawa ang yuta ug ang langit, ug walay dapit nga nakaplagan alang kanila.

Mga Maghuhukom 5:4

“Ginoo, sa diha nga ikaw mibiya sa Seir, sa diha nga ikaw naglakaw sa kapatagan sa Edom, ang yuta mikurog, ug ang kalangitan nagpaulan, Oo, ang mga panganod nagpatulo ug tubig.