Miqueas 1:13

Ang Biblia 2011

Kamong mga lumulupyo sa Lakis, ihigot ninyo ang mga tulin nga kabayo ngadto sa mga karwahi; ikaw mao ang sinugdan sa sala sa anak nga babaye sa Zion, kay diha kanimo nakaplagan ang mga kalapasan sa Israel.

Cross References

Genesis 19:17

Ug sa napagawas na sila sa mga anghel, miingon sila, “Dagan alang sa imong kinabuhi. Ayaw paglingilingi sa imong kilid, ayaw paghunong bisan diin sa walog. Palayo paingon sa kabukiran aron dili ikaw masunog.”

1 Mga Hari 14:16

Iyang isalikway ang Israel tungod sa mga sala ni Jeroboam nga iyang nahimo ug nakaangin sa Israel sa pagpakasala.”

1 Mga Hari 16:31

Ug ingon ug usa lamang ka gaan nga butang alang kaniya ang paglakaw diha sa mga sala ni Jeroboam nga anak ni Nebat; iyang gipangasawa si Jesebel nga anak ni Etbaal nga hari sa mga Sidonhanon ug miadto ug nag-alagad kang Baal ug nagsimba kaniya.

1 Mga Hari 4:28

Sebada usab ug dagami alang sa mga kabayo ug sa mga tulin nga mga kabayo ang gidala nila ngadto sa dapit diin kini gikinahanglan, ang matag usa sumala sa iyang katungdanan.

2 Mga Hari 14:19

Ug naghimo sila ug usa ka laraw batok kaniya didto sa Jerusalem, ug siya mikagiw ngadto sa Lakis, apan gipasundan nila siya ngadto sa Lakis ug gipatay didto.

2 Mga Hari 18:17

Ug ang hari sa Asiria nagpadala sa Tartan sa Rabsaris ug sa Rabsakes uban sa usa ka dakong panon sa kasundalohan gikan sa Lakis ngadto kang Hari Hesekias didto sa Jerusalem. Ug sila mitungas ug miadto sa Jerusalem. Ug sa pag-abot nila, nangadto ug nanindog sila duol sa agianan sa tubig nga paingon sa dalan sa Uma sa Tiglaba.

2 Mga Hari 8:18

Ug naglakaw siya diha sa dalan sa mga hari sa Israel, sumala sa gihimo sa panimalay ni Ahab, kay ang anak ni Ahab mao ang iyang asawa, ug siya naghimo ug daotan diha sa panan-aw sa Ginoo.

2 Cronicas 11:9

ang Adoraim, ang Lakis, ang Aseka,

2 Cronicas 32:9

Human niini, si Senakerib nga hari sa Asiria nga mipalibot sa Lakis uban sa tanan niyang kasundalohan, mipadala sa iyang mga sulugoon ngadto sa Jerusalem ngadto kang Hesekias nga hari sa Juda ug ngadto sa tibuok katawhan sa Juda nga diha sa Jerusalem, nga nag-ingon,

Job 39:10

Makagaid ba ikaw sa baka diha sa tudling pinaagi ug mga pisi, o modaro ba siya sa mga walog sunod kanimo?

Exodo 32:21

Unya si Moises miingon kang Aaron, “Unsa bay gibuhat niining katawhan kanimo nga nagdala man ikaw ug usa ka dakong sala nganha kanila?”

Isaias 10:31

Mikagiw ang Madmena, ang mga nagpuyo sa Gebim nangagiw aron maluwas.

Isaias 36:2

Ug gipaadto sa hari sa Asiria ang Rabsakes gikan sa Lakis ngadto kang Hari Hesekias didto sa Jerusalem uban ang usa ka dakong panon sa kasundalohan. Ug siya mitindog duol sa sandayong sa ibabaw nga linaw diha sa dalan paingon sa Patag sa Tiglaba.

Isaias 37:8

Ang Rabsakes mipauli, ug nakaplagan niya ang hari sa Asiria nga nakiggubat batok sa Libna, kay siya nakadungog nga ang hari nakagikan na sa Lakis.

Jeremias 3:8

Nakita niya nga alang sa tanang pagpanapaw niadtong maluibon nga Israel, gipalakaw ko siya uban sa sulat sa pakigbulag. Apan ang iyang malinglahong igsoon nga Juda wala mahadlok, hinuon siya usab miadto ug nagkighilawas.

Jeremias 34:7

sa diha nga ang mga sundalo sa hari sa Babilonia nakig-away batok sa Jerusalem, ug batok sa tanang mga siyudad sa Juda nga nahibilin, sa Lakis ug sa Aseka, kay kini mao lamang ang mga kinutaan nga siyudad sa Juda nga nahibilin.

Jeremias 4:29

Ang tanang siyudad mokagiw tungod sa kasaba sa mga tigkabayo ug sa mga tigpana; sila moadto sa mga kalibonan; sila mokatkat sa kapangpangan; ang tanang siyudad biyaan, ug walay tawo nga magpuyo didto.

Ezequiel 23:11

“Ang iyang igsoon nga babaye nga si Oholiba nakakita niini, apan bisan pa niana siya labaw pa ka daotan diha sa iyang pagpakabuang ug sa iyang pagkamakihilawason, labaw pa ka daotan kay sa iyang igsoon nga babaye.

Miqueas 1:5

Kining tanan tungod sa kalapasan ni Jacob, ug tungod sa kasal-anan sa balay ni Israel. Unsa ba ang kalapasan ni Jacob? Dili ba ang Samaria? Ug unsa ba ang sala sa balay ni Juda? Dili ba ang Jerusalem?

Josue 10:3

Busa si Adonisedek nga hari sa Jerusalem nagpasugo ngadto kang Hoham nga hari sa Hebron, ngadto kang Piram nga hari sa Jarmut, ngadto kang Jafia nga hari sa Lakis, ug kang Debir nga hari sa Eglon, nga nag-ingon,

Josue 15:39

ang Lakis, ang Boscat, ang Eglon,

Gipadayag 2:14

Apan aduna akoy pipila ka butang batok kanimo: anaa diha kanimo ang pipila nga nagsunod sa gitudlo ni Balaam nga mao ang nagtudlo kang Balak sa pagbutang ug kapandolan sa atubangan sa mga anak ni Israel, pinaagi sa pagdani kanila sa pagkaon sa mga hinalad ngadto sa mga larawan ug sa paghimo ug salawayong pakighilawas.

Gipadayag 2:20

Apan aduna akoy butang nga batok kanimo, imo lamang gipasagdan ang babaye nga si Jezebel nga nag-ingon nga siya propeta ug nga nagtudlo ug nagpahisalaag sa akong mga sulugoon sa paghimo ug salawayong pakighilawas ug sa pagkaon sa mga hinalad ngadto sa mga larawan.