Mga Maghuhukom 9:5

Ang Biblia 2011

Unya miadto siya sa balay sa iyang amahan sa Opra ug gipatay ang iyang mga igsoon nga mga anak ni Jerubaal, 70 ka tawo ibabaw sa usa ka bato. Apan si Jotam nga kamanghoran nga anak nga lalaki ni Jerubaal nahibilin kay siya mitago man.

Cross References

1 Mga Hari 1:12

Busa karon, dali dayon, ako maghatag ug tambag kanimo aron maluwas nimo ang imong kaugalingong kinabuhi ug ang kinabuhi sa imong anak nga si Solomon.

1 Mga Hari 1:21

Basin hinuon ug mahitabo nga sa diha nga ang akong agalong hari mopahulay uban sa iyang katigulangan, nga ako ug ang akong anak nga si Solomon isipon nga mga malapason.”

2 Mga Hari 10:17

Ug sa pag-abot niya sa Samaria, iyang gipatay ang tanan nga nahibilin sa mga kaliwat ni Ahab sa Samaria, hangtod nga napuo gayod sila, sumala sa pulong sa Ginoo nga iyang gipamulong kang Elias.

2 Mga Hari 10:7

Sa pag-abot sa sulat kanila, ilang gikuha ang mga anak sa hari, ug gipamatay sila, kadtong 70 ka tawo ug gibutang ang ilang mga ulo sa mga bukag ug gipadala sila ngadto kaniya sa Jesreel.

2 Mga Hari 11:3

Siya diha uban kaniya nga gitagoan sulod sa unom ka tuig diha sa balay sa Ginoo samtang si Atalia nagmando sa yuta.

2 Cronicas 21:4

Sa diha nga nakasukad na si Jehoram diha sa gingharian sa iyang amahan ug nalig-on na, iyang gipatay ang tanan niyang igsoon pinaagi sa espada ug ang pipila ka pangulo sa Israel.

Mateo 2:16

Unya sa pagkakita ni Herodes nga gilansisan lang diay siya sa mga mago, nasuko siya pag-ayo, ug iyang gipaadtoan ug gipapatay ang tanang mga bata nga lalaki sa Betlehem ug sa tanang kasikbit niini, nga may kagulangon nga duha ka tuig ngadto sa ubos, sumala sa panahon nga iyang nasayran gikan sa mga mago.

Mateo 2:20

“Bangon, dad-a ang bata ug ang iyang inahan uban kanimo, ug lakaw ngadto sa yuta sa Israel kay patay na ang mga nagtinguha sa kinabuhi sa bata.”

Mga Maghuhukom 6:11

Unya ang anghel sa Ginoo miabot ug milingkod sa ilalom sa dakong kahoy didto sa Opra nga iya ni Joas nga kaliwat ni Abieser, samtang ang anak nga lalaki ni Joas nga si Gideon naggiok ug trigo didto sa pug-anan sa bino aron sa pagtago niini gikan sa mga Midianhon.

Mga Maghuhukom 6:24

Unya si Gideon naghimo ug usa ka halaran didto alang sa Ginoo ug gitawag kini, Ang Ginoo mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.

Mga Maghuhukom 8:30

Si Gideon adunay 70 ka anak nga lalaki nga iyang kaugalingon kay siya daghan man ug asawa.

Mga Maghuhukom 9:18

Apan kamo misukol batok sa balay sa akong amahan niining adlawa ug mipatay sa iyang mga anak nga lalaki, 70 ka tawo ibabaw sa usa ka bato ug naghimo kang Abimelek nga anak sa iyang sulugoon nga babaye ingon nga hari ibabaw sa mga tawo sa Sekem, tungod kay siya inyong kadugo.

Mga Maghuhukom 9:2

“Isulti diha sa mga igdulungog sa tanang mga tawo sa Sekem, ‘Unsa may labing maayo alang kaninyo, nga ang tanang 70 sa mga anak nga lalaki ni Jerubaal maghari kaninyo, o usa ra ka tawo ang maghari kaninyo?’ Hinumdomi usab nga ako inyong bukog ug inyong unod.”

Mga Maghuhukom 9:6

Ug ang tanang tawo sa Sekem nagtigom sa ilang kaugalingon ug ang tibuok Bet-milo, ug sila miadto ug mihimo kang Abimelek nga hari tupad sa dakong kahoy sa haligi didto sa Sekem.