Mga Maghuhukom 8:24

Ang Biblia 2011

Ug si Gideon miingon kanila, “Aduna akoy usa ka hangyo kaninyo, ang matag usa kaninyo maghatag kanako ug mga ariyos nga iyang inilog.” (Kay sila may bulawan nga ariyos tungod kay sila mga Ismaelinhon.)

Cross References

Genesis 24:22

Sa diha nga nakahuman na ug pag-inom ang mga kamilyo, ang sulugoon mikuha ug usa ka ariyos nga bulawan nga nagtimbang ug tunga sa siklo ug duha ka pulseras alang sa iyang mga bukton nga nagtimbang ug napulo ka siklo nga bulawan.

Genesis 24:53

Ug ang sulogoon mipagawas sa mga alahas nga plata ug mga alahas nga bulawan ug mga bisti ug kini gihatag kang Rebecca. Mihatag usab siya ug mga mahalong butang ngadto sa igsoon nga lalaki ug sa inahan ni Rebecca.

Genesis 25:12

Kini mao ang mga kaliwat ni Ismael, anak ni Abraham kang Hagar nga Ehiptohanon, ang ulipon nga babaye ni Sarah.

Genesis 25:13

Ug mao kini ang mga ngalan sa mga anak nga lalaki ni Ismael nga ginganlan sumala sa han-ay sa ilang pagkahimugso: si Nebaiot, ang kamagulangan ni Ismael, ug si Kedar, si Abdeel, si Mibsam,

Genesis 35:4

Busa gihatag nila kang Jacob ang tanan nga mga laing dios nga diha kanila ug ang mga ariyos nga diha sa ilang dalunggan ug gitagoan kini ni Jacob sa ilalom sa usa ka dakong kahoy nga didto duol sa Sekem.

Genesis 37:25

Unya nanglingkod sila aron mangaon ug giyahat ang ilang mga mata ug nakita nila ang usa ka panon sa mga Ismaelinhon nga nagpadulong kanila gikan sa Gilead uban ang ilang mga kamilyo nga nagkarga ug mga tagok sa tanom, haplas ug mira nga dad-on nila padulong sa Ehipto.

Genesis 37:28

Unya may milabay nga mga tigpatigayon nga Medianhon ug gikuha ug gibitad nila si Jose gikan sa gahong ug ilang gibaligya si Jose ngadto sa mga Ismaelinhon, balig 20 ka buok plata. Ug ilang gidala si Jose ngadto sa Ehipto.

1 Mga Hari 20:11

Ug ang hari sa Israel mitubag, “Sultihi siya, ‘Ayaw papagarboha sa iyang kaugalingon siya nga nagbakos sa iyang hinagiban ingon kaniya nga naghukas niana.’ ”

Exodo 12:35

Ang katawhan sa Israel nagbuhat usab sumala sa gisulti ni Moises kanila. Nangayo sila sa mga Ehiptohanon ug mga alahas nga plata ug mga alahas nga bulawan ug mga bisti.

Exodo 32:3

Busa ang tanang katawhan nanangtang sa mga ariyos nga bulawan nga diha sa ilang mga dalunggan ug gidala kini ngadto kang Aaron.

Exodo 32:4

Ug iyang gidawat ang bulawan sa ilang mga kamot, ug gikulit niya kini pinaagi sa usa ka kahimanan sa pagkulit ug naghimo ug usa ka nating baka nga tinunaw. Ug sila miingon, “Kini mao ang imong mga dios, O Israel, nga nagkuha kanimo gikan sa yuta sa Ehipto!”

Exodo 32:8

Dali ra silang misimang gikan sa dalan nga akong gisugo kanila, ug nagbuhat sila alang kanila ug usa ka nating baka nga tinunaw ug misimba sila niini. Naghalad sila niini ug miingon, ‘Kini mao ang imong mga dios, O Israel, nga nagkuha kanimo gikan sa yuta sa Ehipto!’ ”

Ezequiel 7:20

Ang matahom nga mga dayandayan nila ilang gipahimutang sa kawang nga himaya ug sila nagbuhat sa ilang mga dulumtanan nga larawan ug sa ilang mga talamayon nga mga butang, busa himoon nako kini nga hugaw alang kanila.

Mga Maghuhukom 8:25

Ug sila mitubag, “Kami sa kinabubut-on mohatag niini.” Ug nagbukhad sila ug panapton ug giitsa didto sa matag usa ang mga ariyos nga iyang inilog.

1 Samuel 25:11

Kuhaon ba nako ang akong pan ug ang akong tubig ug ang akong inihaw nga akong gipatay alang sa akong mga manunupi, ug ihatag ba nako kini sa mga tawo nga wala ako mahibalo kon diin sila gikan?”