Mga Maghuhukom 8:2

Ang Biblia 2011

Ug siya miingon kanila, “Unsa bay akong nabuhat karon nga ikatandi kaninyo? Dili ba nga ang nahagdaw sa mga paras ni Ephraim labaw pang maayo kay sa abot sa paras ni Abieser?

Cross References

Levitico 19:9

“Sa dihang mag-ani kamo sa abot sa inyong yuta, ayaw ninyo hutda hangtod sa daplin sa inyong uma, ayaw usab hagdawi ang inyong gianihan.

Numeros 26:30

Kini mao ang mga kaliwat ni Gilead: sa kang Jeser, ang panimalay sa mga Jeserhanon; sa kang Helek, mao ang panimalay sa mga Helekhanon;

Mga Maghuhukom 6:11

Unya ang anghel sa Ginoo miabot ug milingkod sa ilalom sa dakong kahoy didto sa Opra nga iya ni Joas nga kaliwat ni Abieser, samtang ang anak nga lalaki ni Joas nga si Gideon naggiok ug trigo didto sa pug-anan sa bino aron sa pagtago niini gikan sa mga Midianhon.

Mga Maghuhukom 6:34

Apan ang espiritu sa Ginoo mikunsad kang Gideon ug iyang gipatingog ang trumpeta ug ang mga kaliwat ni Abieser gitawag aron sa pagsunod kaniya.

Mga Maghuhukom 8:1

Unya ang mga tawo sa Efraim miingon kaniya, “Unsa man kining imong gibuhat kanamo nga wala man ikaw motawag kanamo sa diha nga ikaw miadto sa pagpakig-away sa Midian?” Ug ilang gikasab-an siya sa hilabihan gayod.

Mga Maghuhukom 8:3

Gitugyan sa Dios nganha sa inyong kamot ang mga pangulo sa Midian, si Oreb ug si Zeeb. Unsa may akong mabuhat nga ikatandi kaninyo?” Unya ang ilang kasuko kaniya napuypoy sa pag-ingon niya niini.