Mga Maghuhukom 8:10

Ang Biblia 2011

Unya si Zeba ug si Zalmuna didto na sa Karkor uban sa ilang kasundalohan, mga 15,000 ka tawo, ang tanan nga nahibilin sa tanan nga kasundalohan sa katawhan sa silangan, kay didto napukan ang 120,000 ka tawo nga milanit sa espada.

Cross References

2 Mga Hari 3:26

Ug sa pagkakita sa hari sa Moab nga lupigon siya sa maong gubat, gidala niya uban kaniya ug pito ka gatos ka tawo nga may dalang espada aron sa pagsulong sa hari sa Edom, apan napakyas sila.

2 Cronicas 13:17

Si Abias ug ang iyang katawhan mipatay kanila sa usa ka dakong pagpamatay, busa dihay nangapukan sa Israel nga lima ka gatos ka libo ka piniling tawo.

2 Cronicas 28:6

Kay si Peka nga anak ni Remalias nakapatay didto sa Juda ug 120,000 sa usa ka adlaw, silang tanan mga tawong isog, tungod kay ilang gitalikdan ang Ginoo, ang Dios sa ilang mga katigulangan.

2 Cronicas 28:8

Ang katawhan sa Israel mibihag ug duha ka gatos ka libo sa ilang mga kadugo, mga babaye, mga anak nga lalaki ug mga anak nga babaye; nanguha usab sila ug daghang inilog gikan kanila ug gidala ang mga inilog ngadto sa Samaria.

Isaias 37:36

Unya ang anghel sa Ginoo migula ug mipatay sa 185,000 diha sa kampo sa mga Asirianhon, ug sa pagbangon sa mga tawo sayo sa pagkabuntag, nakita nila nga kining tanan mga patayng lawas.

Isaias 9:4

Kay ang yugo sa iyang palas-anon, ug ang sangayan sa iyang abaga, ang bunal sa nagdaogdaog kaniya, imong gibali sama kaniadto sa panahon sa Midian.

Mga Maghuhukom 20:15

Ug ang mga kaliwat ni Benjamin nagtigom niadtong adlawa gikan sa ilang mga siyudad, 26,000 ka tawo nga nagdala ug espada, gawas sa mga nagpuyo sa Gibea nga nagtigom ug pito ka gatos ka tawo nga pinili.

Mga Maghuhukom 20:17

Ug ang mga tawo sa Israel, walay labot sa kaliwat ni Benjamin, nagtigom ug upat ka gatos ka libo ka tawo nga nagdala ug espada, kining tanan mga tawo nga manggugubat.

Mga Maghuhukom 20:2

Ug ang mga pangulo sa tanang katawhan, sa tanang mga banay sa Israel, nagpakita sa ilang kaugalingon diha sa pundok sa katawhan sa Dios, 400,000 ka tawo nga naglakaw nga nagdala ug espada.

Mga Maghuhukom 20:25

Ug sa ikaduhang adlaw, ang Benjamin migula batok kanila gikan sa Gibea ug gipukan ngadto sa yuta ang 18,000 ka tawo sa katawhan sa Israel. Kini silang tanan mga tawo nga nagdala ug espada.

Mga Maghuhukom 20:35

Ug gibuntog sa Ginoo ang Benjamin atubangan sa Israel, ug gilaglag sa katawhan sa Israel ang 25,100 ka tawo sa Benjamin niadtong adlawa. Kini silang tanan mga tawo nga nagdala ug espada.

Mga Maghuhukom 20:46

Busa ang tanan nga nangapukan sa Benjamin niadtong adlawa 25,000 ka tawo nga nagdala ug espada. Ang tanan kanila mga tawo nga isog.

Mga Maghuhukom 6:5

Kay sila moabot uban sa ilang mga baka ug sa ilang mga tolda, moabot sama sa mga dulon ang gidaghanon. Sila ug ang ilang mga kamilyo dili maihap, mao nga nalaglag nila ang yuta sa ilang pagsulod.

Mga Maghuhukom 7:12

Ug ang mga Midianhon ug mga Amalekanhon ug ang tanan nga katawhan sa silangan nagpahiluna sa walog nga sama sa mga dulon ang gidaghanon. Ug ang ilang mga kamilyo dili maihap, sama sa balas nga anaa sa baybayon ang gidaghanon.

Mga Maghuhukom 7:13

Sa diha nga miabot si Gideon, didtoy usa ka tawo nga nagsugilon ug usa ka damgo ngadto sa iyang kauban, ug siya miingon, “Pamati, ako nagdamgo ug usa ka damgo, ug nakita nako ang usa ka pan nga sebada nga naligid ngadto sa kampo sa Midian, ug naabot ngadto sa tolda ug nabangga niini, mao nga ang tolda natumba ug nalintuwad kini, ug ang tolda nahapla.”

Mga Maghuhukom 7:22

Sa dihang gipatingog nila ang tulo ka gatos ka trumpeta, ang Ginoo nagbutang sa matag espada sa mga tawo batok sa iyang isigkatawo ug batok sa tibuok kasundalohan. Ug ang panon mikagiw hangtod sa Bet-sita ngadto sa Zerera, hangtod sa utlanan sa Abel-mehola duol sa Tabat.

Mga Maghuhukom 8:11

Ug si Gideon mitungas agi sa mga nagpuyo sa tolda, silangan sa Noba ug Jogbeha, ug gisulong ang kasundalohan kay ang panon wala makabantay.