Mga Maghuhukom 7:3

Ang Biblia 2011

Busa karon, isulti ngadto sa mga igdulungog sa katawhan nga mag-ingon, ‘Si bisan kinsa ang nahadlok pag-ayo ug nangurog, papaulia siya ug papahawaa gikan sa bukid sa Gilead.’ ” 22,000 ang mipauli ug 10,000 ka libo ang mipabilin.

Cross References

Mateo 13:21

Apan siya mismo walay gamot ug molahutay lamang sa makadiyot, ug sa dihang moabot ang kasakitan o pagpanglutos tungod sa pulong, matumba dayon siya.

Mateo 20:16

Sa ingon niana, ang mga naulahi mauna, ug ang mga nauna maulahi”

Deuteronomio 20:8

Ug ang mga pangulo sa mga sundalo mosulti pa ug dugang sa katawhan ug moingon, ‘Kinsa bang tawhana nga hadlokan ug luya ug kasingkasing? Papaulia siya sa iyang balay kay tingali unya ug matunaw ang kasingkasing sa iyang mga igsoon sama sa iyang kasingkasing.’

Gipadayag 17:14

Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Mga Maghuhukom 6:35

Ug nagpadala siya ug mga sinugo sa tibuok Manases, ug sila usab gipatawag aron sa pagsunod kaniya. Ug nagpadala siya ug mga sinugo ngadto sa Aser, sa Zabulon ug sa Neftali ug sila miadto aron pagpakigkita kanila.