Mga Maghuhukom 7:25

Ang Biblia 2011

Ug nabihag nila ang duha ka pangulo sa Midian, si Oreb ug si Zeeb, ug ilang gipatay si Oreb didto sa bato sa Oreb, ug si Zeeb ilang gipatay didto sa pug-anan sa bino ni Zeeb, ug gigukod nila ang Midian. Ug ilang gidala ang mga ulo ni Oreb ug ni Zeeb ngadto kang Gideon sa tabok sa Jordan.

Cross References

Salmo 83:10

nga nangamatay didto sa Endor, nga nangahimong pundok sa kinalibang alang sa yuta.

Isaias 10:26

Ug ang Ginoo sa mga panon magbunal sa usa ka latigo ngadto kanila, sama sa iyang paghampak sa Midian duol sa bato sa Oreb, ug ang iyang bunal iyang gibakyaw ibabaw sa dagat, ug iya kining bakyawon sama sa iyang gihimo didto sa Ehipto.

Isaias 9:4

Kay ang yugo sa iyang palas-anon, ug ang sangayan sa iyang abaga, ang bunal sa nagdaogdaog kaniya, imong gibali sama kaniadto sa panahon sa Midian.

Habacuc 3:7

Nakita nako ang mga balongbalong sa Cusan nga diha sa kasakitan; nangurog ang mga tabil sa yuta sa Midian.

Josue 7:26

Ug gitapokan nila ug daghang mga bato ang ibabaw niya ug nagpabilin kini hangtod niining adlawa. Unya ang Ginoo mibiya sa kabangis sa iyang kasuko. Tungod niana, hangtod niining adlawa, ang ngalan niadtong dapita gitawag ug Ang Walog sa Acor.