Mga Maghuhukom 7:22

Ang Biblia 2011

Sa dihang gipatingog nila ang tulo ka gatos ka trumpeta, ang Ginoo nagbutang sa matag espada sa mga tawo batok sa iyang isigkatawo ug batok sa tibuok kasundalohan. Ug ang panon mikagiw hangtod sa Bet-sita ngadto sa Zerera, hangtod sa utlanan sa Abel-mehola duol sa Tabat.

Cross References

1 Mga Hari 19:16

ug si Jehu nga anak ni Nimsi dihogi aron mahimong hari sa Israel ug si Eliseo nga anak ni Safat sa Abel-mehula dihogi aron mahimong propeta puli kanimo.

1 Mga Hari 4:12

si Baana nga anak ni Ahilud sa Taanac, sa Megido ug sa tibuok Bet-sean nga tupad sa Zaretan, ubos sa Jesreel, ug gikan sa Bet-sean ngadto sa Abel-mehola, hangtod sa laing bahin sa Jokmeam;

2 Cronicas 20:23

Kay ang katawhan sa Amon ug sa Moab mialsa batok sa mga nagpuyo sa bukid sa Seir, gilaglag sila sa hingpit, ug sa diha nga nalaglag na nila ang mga nagpuyo sa Seir, nagtabangay sila sa paglaglag sa usa ug usa.

Salmo 83:9

Buhata kanila ang imong gibuhat sa Midian, ingon sa kang Sisera ug kang Jabin didto sa suba sa Kison,

Isaias 19:2

Hagiton nako ang mga Ehiptohanon batok sa mga Ehiptohanon, ug sila mag-away, ang matag tawo batok sa iyang igsoon, ug ang matag tawo batok sa iyang silingan, siyudad batok sa siyudad, gingharian batok sa gingharian;

Isaias 9:3

Imong gipadaghan ang nasod, imong gipatubo ang kalipay niini; sila nangalipay sa imong atubangan sama sa kalipay sa pag-ani, sama sa mga tawo nga nangalipay sa ilang pagbahin sa inilog.

Isaias 9:4

Kay ang yugo sa iyang palas-anon, ug ang sangayan sa iyang abaga, ang bunal sa nagdaogdaog kaniya, imong gibali sama kaniadto sa panahon sa Midian.

Ezequiel 38:21

Ako magtawag sa espada batok kaniya ngadto sa tanan nakong kabukiran, nag-ingon ang Ginoong Dios, ang espada sa matag tawo mahimong batok sa iyang igsoon.

Habacuc 3:14

Gipalagbasan nimo sa imong mga bangkaw ang ulo sa iyang mga manggugubat, nga mianhi sama sa alimpulos aron sa pagkatag kanako, naglipay nga daw molamoy sa kabos diha sa tago.

Hageo 2:22

ug gub-on ang trono sa mga gingharian. Hapit na nako lumpagon ang kusog sa mga gingharian sa mga nasod ug pukanon ang mga karwahi ug ang mga nagsakay niini, ug ang mga kabayo ug ang ilang mga tigkabayo mangapukan, ang matag usa pinaagi sa espada sa iyang kauban.

Zacarias 14:13

Ug nianang adlawa ang usa ka dakong kaguliyang gikan sa Ginoo modangat kanila, nga tungod niana ang matag usa magkupot sa kamot sa iyang isigkatawo, ug ang kamot sa usa ibakyaw batok sa kamot sa usa.

2 Mga Taga-Corinto 4:7

Ug aduna kami niining maong bahandi nga sinulod diha sa mga sudlanan nga yuta, aron sa pagpadayag nga ang labawng gahom iya sa Dios ug dili gikan kanamo.

Josue 3:16

ang mga tubig nga mibaha gikan sa ibabaw mihunong ug mitingob sa usa ka pundok sa layo, didto sa Adam, ang lungsod nga tupad sa Zaretan ug kadtong mga nagbaha padulong sa dagat sa Araba, ang Dagat nga Asin, naputol sa hingpit ug ang mga tawo nanabok atbang sa Jerico.

Josue 6:16

Ug sa ikapitong higayon, sa pagpatingog sa mga pari sa mga trumpeta, si Josue miingon sa katawhan, “Paninggit kamo kay ang Ginoo naghatag kaninyo sa siyudad.

Josue 6:20

Busa ang katawhan naninggit ug ang mga trumpeta gipatingog. Sa pagkadungog sa katawhan sa tingog sa trumpeta, ang katawhan misinggit sa kusog nga tingog ug ang paril natumpag nga nahapla. Unya ang mga tawo misulod sa siyudad, ang matag tawo lahos sa iyang giatubang ug ilang gikuha ang siyudad.

Josue 6:4

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

1 Samuel 18:19

Apan niadtong panahona sa dihang si Merab nga anak ni Saul ihatag na unta ngadto kang David, gihatag siya kang Adriel nga taga-Mehola aron ipaasawa.