Mga Maghuhukom 7:17

Ang Biblia 2011

Ug siya miingon kanila, “Tan-awa ako ninyo ug buhata usab ninyo ang akong gibuhat. Kon moabot na ako sa daplin sa kampo, buhata ninyo ang akong buhaton.

Cross References

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

1 Mga Taga-Corinto 11:1

Sundog kamo kanako, ingon nga ako nagsundog kang Cristo.

Mga Hebreo 13:7

Hinumdomi ang inyong mga pangulo, sila nga nagsulti kaninyo sa pulong sa Dios. Pamalandongi ninyo ang gisangpotan sa ilang kinabuhi, ug sundoga ninyo ang ilang pagtuo.

1 Pedro 5:3

dili sa pagharihari kanila nga gipiyal kaninyo kondili ingon nga mga panag-ingnan sa panon.

Mga Maghuhukom 7:16

Ug gibahin niya ang tulo ka gatos ka tawo sa tulo ka pundok ug gibutang niya diha sa mga kamot nilang tanan ang mga trumpeta ug ang mga tibod nga walay sulod nga may mga sulo sa sulod sa mga tibod.

Mga Maghuhukom 7:18

Kon akong patingogon ang trumpeta, ako ug ang tanan nga uban kanako, patingoga usab ninyo ang mga trumpeta sa tanang daplin sa kampo ug singgit, ‘Alang sa Ginoo ug kang Gideon.’ ”

Mga Maghuhukom 9:48

Ug si Abimelek miadto sa Bukid sa Zalmon, siya ug ang tanang mga tawo nga uban kaniya. Ug si Abimelek nagkuha ug usa ka wasay ug nagputol ug usa ka bugkos nga kahoy, ug gikuha niya kini ug gipas-an. Ug siya miingon sa katawhan nga didto uban kaniya, “Unsay inyong nakita nga akong gibuhat, pagdali kamo sa pagbuhat sama sa akong gibuhat.”