Mga Maghuhukom 6:4

Ang Biblia 2011

Sila magkampo batok kanila ug pasipad-an nila ang mga abot sa uma hangtod sa kasilinganan sa Gaza ug walay gisalin nga kabuhian sa Israel, ug walay karnero o baka o asno.

Cross References

Levitico 26:16

ako usab magbuhat kaninyo niini. Ako magpadala kaninyo ug kalisang, makamatay nga sakit ug hilanat nga makadaot sa mga mata ug kaguol nga ikamatay. Ug walay kapuslanan ang inyong pagpugas sa binhi kay ang inyong mga kaaway maoy mokaon niini.

Deuteronomio 28:51

ug magkaon sa bunga sa inyong kahayopan ug sa bunga sa inyong yuta, hangtod nga kamo malaglag. Ug dili siya magbilin kaninyo ug trigo, bino o lana, sa abot sa inyong mga baka o sa nati sa inyong mga karnero, hangtod nga kamo malaglag nila.

Miqueas 6:15

Magpugas ikaw, apan dili makaani; ikaw magpuga sa mga olibo, apan dili ikaw makadihog sa imong kaugalingon ug lana; ikaw magpuga sa paras, apan dili makainom ug bino.

Deuteronomio 28:33

Ang nasod nga wala ninyo mailhi maoy magkaon sa abot sa inyong yuta ug sa tanan ninyong hinagoan, ug daogdaogon kamo ug paantoson sa kanunay,

Mga Panultihon 28:3

Ang usa ka tawo nga kabos nga magdaogdaog sa kabos sama sa nagbunok nga ulan nga dili magbilin ug pagkaon.

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Genesis 10:19

Ug ang kayutaan sa mga Canaanhon nagsukad sa Sidon, padulong sa Gerar, ngadto sa Gaza, ngadto sa Sodoma, sa Gomora, sa Adma, ug sa Zeboim, hangtod sa Lasa.

Abdias 1:5

Kon ang mga kawatan moanha kanimo, kon ang mga tulisan sa kagabhion— pagkaalaot nimo!— dili ba mangawat sila ug igo lamang alang kanila? Kon ang mga tigpupo sa paras moanha kanimo, dili ba magbilin man sila ug hagdawonon nga mga ubas?

Mga Maghuhukom 6:3

Kay sa diha nga ang nga Israelinhon magpugas, ang mga Midianhon ug ang mga Amalekanhon ug ang katawhan sa silangan moabot ug mosulong kanila.

Jeremias 5:17

Ilang hutdon pagkaon ang imong abot ug ang imong pagkaon; ilang hutdon pagkaon ang imong mga anak nga lalaki ug ang imong mga anak nga babaye; ilang hutdon pagkaon ang imong panon sa karnero ug ang imong panon sa mga baka; ilang hutdon pagkaon ang imong kaparasan ug ang imong mga kahoy nga igos; ang imong kinutaang mga siyudad nga imong gisaligan ilang lumpagon pinaagi sa espada.”