Mga Maghuhukom 4:9

Ang Biblia 2011

Si Debora miingon, “Mouban gayod ako kanimo, bisan pa ug ang dalan nga imong agian dili maghatod sa imong kadungganan, kay ang Ginoo magbaligya kang Sisera ngadto sa kamot sa usa ka babaye.” Unya si Debora mitindog ug mikuyog kang Barak ngadto sa Kedes.

Cross References

2 Cronicas 26:18

Sila misukol kang Hari Uzias ug miingon kaniya, “Dili alang kanimo, Uzias, ang pagsunog sa insenso alang sa Ginoo kondili sa mga pari nga mga kaliwat ni Aaron, nga gigahin aron sa pagsunog sa insenso. Gula gikan sa balaan nga puluy-anan, kay ikaw nakalapas ug dili kana makahatag kanimo ug kadungganan gikan sa Ginoong Dios.”

Mga Maghuhukom 2:14

Busa ang kasuko sa Ginoo misilaob batok sa Israel ug gihatag niya sila ngadto sa mga tulisan nga nanulis kanila ug gibaligya niya sila ngadto sa gahom sa ilang mga kaaway nga naglibot, aron dili na sila makasugakod sa ilang mga kaaway.

Mga Maghuhukom 4:8

Ug si Barak miingon kaniya, “Kon ikaw mouban kanako, moadto ako apan kon ikaw dili mouban kanako, dili ako moadto.”

Mga Maghuhukom 9:53

Ug dihay usa ka babaye nga mihulog ug usa ka bato nga galingan ngadto sa ulo ni Abimelek, ug nabuak ang iyang bagolbagol.

Mga Maghuhukom 9:54

Dihadiha gitawag niya ang batan-ong lalaki nga tigdala sa iyang hinagiban ug miingon, “Ibta ang imong espada ug patya ako kay tingali unya ug ang mga tawo mosulti mahitungod kanako, ‘Usa ka babaye ang nagpatay kaniya.’ ” Ug ang iyang batan-ong lalaki midunggab kaniya ug namatay siya.

1 Samuel 2:30

Busa ang Ginoo, ang Dios sa Israel nagpahayag, ‘Akong gisaad nga ang imong panimalay ug ang panimalay sa imong amahan mosulod ug mogawas sa akong atubangan hangtod sa kahangtoran,’ apan karon ang Ginoo nagpahayag, ‘Ipalayo kana kanako, kay sila nga nagpasidungog kanako akong pasidunggan, ug sila nga nagtamay kanako tamayon.