Mga Maghuhukom 4:7

Ang Biblia 2011

Ug akong kuhaon si Sisera nga pangulo sa kasundalohan ni Jabin aron mosugat kanimo diha sa suba sa Kison uban ang iyang mga karwahi ug mga panon sa kasundalohan. Ug ihatag nako siya nganha sa imong kamot.’ ”

Cross References

1 Mga Hari 18:40

Ug si Elias miingon kanila, “Dakpa ang mga propeta ni Baal ayaw paikyasa ang bisan usa kanila.” Ug gidakop nila sila ug gidala sila ni Elias ngadto sa sapa sa Kison ug gipamatay sila didto.

Exodo 14:17

Ug akong pagahion ang kasingkasing sa mga Ehiptohanon, ug sila mogukod kanila ug ako himayaon ibabaw sa Paraon ug sa tibuok niya nga kasundalohan ug sa iyang mga karwahi ug sa iyang mga tigpangabayo.

Exodo 14:4

Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.

Exodo 14:8

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Exodo 21:13

Apan kon wala niya kini atangi ug ang Dios mao ang nagtugyan sa tawo ngadto sa iyang kamot, magtudlo ako kanimo ug dapit nga iyang kadangpan.

Josue 10:8

Ug ang Ginoo miingon kang Josue, “Ayaw kahadlok kanila kay gihatag ko na sila sa imong mga kamot. Walay usa kanila nga makabarog sa imong atubangan.”

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.

Josue 11:6

Ang Ginoo miingon kang Josue, “Ayaw kahadlok kanila kay ugma niining taknaa ihatag nako silang tanan nga patay sa atubangan sa Israel. Piangi ang ilang mga kabayo ug sunoga sa kalayo ang ilang mga karwahi.”

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

Mga Maghuhukom 4:14

Ug si Debora miingon kang Barak, “Tindog kay kini mao ang adlaw nga ang Ginoo magtugyan kang Sisera nganha sa imong kamot. Wala ba ang Ginoo mag-una kanimo?” Busa si Barak milugsong gikan sa bukid sa Tabor uban ang napulo ka libo ka tawo nga nagsunod kaniya.

Mga Maghuhukom 4:8

Ug si Barak miingon kaniya, “Kon ikaw mouban kanako, moadto ako apan kon ikaw dili mouban kanako, dili ako moadto.”

Mga Maghuhukom 5:21

Ang sulog sa Kison mianod kanila, ang naghasmag nga sulog, ang sulog sa Kison. Lakaw, akong kalag, uban ang kalig-on!

1 Samuel 24:10

Niining adlawa ang imong mata nakakita kon giunsa sa Ginoo pagtugyan kanimo sa akong kamot didto sa langob, ug ang uban nag-awhag kanako sa pagpatay kanimo, apan ako nagpalingkawas kanimo ug ako miingon, ‘Dili nako bakyawon ang akong kamot batok sa akong agalon kay siya mao ang dinihogan sa Ginoo.’

1 Samuel 24:18

Ug ikaw nagpadayag niining adlawa kon unsa ang pagkamaayo nimo kanako, nga sa ingon wala nimo ako patya sa diha nga ang Ginoo nagtugyan kanako nganha sa imong kamot.