Mga Maghuhukom 4:19

Ang Biblia 2011

Ug si Sisera miingon kaniya, “Palihog hatagi ako ug diyotayng tubig nga mainom kay giuhaw ako.” Ug giablihan ni Jael ang panit nga sudlanan ug gatas ug gipainom siya ug gitabonan siya.

Cross References

Genesis 24:43

tan-awa, nagtindog ako dinhi duol sa tuboran sa tubig, hinaot unta nga ang batan-ong babaye nga moanhi aron sa pagkalos ug tubig, ug nga kaniya moingon ako, “Palihog hatagi ako ug diyotay nga tubig nga mainom gikan sa imong banga,”

1 Mga Hari 17:10

Busa siya mitindog ug miadto sa Zarefat ug sa pag-abot niya sa ganghaan sa siyudad, dihay usa ka biyuda nga nangahoy ug gitawag niya siya ug giingnan, “Dad-i ako ug diyotay nga tubig sa usa ka sudlanan aron akong imnon.”

Isaias 41:17

Sa diha nga ang kabos ug nanginahanglan mangita ug tubig, ug walay tubig, ug ang ilang dila maughan tungod sa kauhaw, ako, ang Ginoo, magtubag kanila, ako, ang Dios sa Israel, dili motalikod kanila.

Juan 4:7

Unya dihay usa ka babayeng Samarianhon nga miadto aron sa pagkalos ug tubig. Ug si Jesus miingon kaniya, “Paimna ako.”

Mga Maghuhukom 4:18

Ug si Jael migula aron sa pagsugat kang Sisera ug miingon kaniya, “Sulod ngari, akong agalon, sulod ngari kanako; ayaw kahadlok.” Busa si Sisera misulod sa iyang tolda ug gitabonan siya ni Jael ug panapton.

Mga Maghuhukom 4:20

Si Sisera miingon kaniya, “Tindog diha sa pultahan sa tolda ug kon adunay moanhi ug mangutana kanimo, ‘Ania bay tawo dinhi?’ ingna, ‘Wala.’ ”

Mga Maghuhukom 5:24

“Mahimong labing bulahan sa tanang mga babaye si Jael, ang asawa ni Heber nga Kenihanon, labing bulahan sa mga babaye nga nagpuyo sa mga tolda.