Mga Maghuhukom 3:9

Ang Biblia 2011

Apan sa diha nga ang katawhan sa Israel nagpakitabang sa Ginoo, ang Ginoo nagpatungha ug usa ka manluluwas alang sa katawhan sa Israel nga miluwas kanila, nga mao si Otniel nga anak ni Kenes nga manghod ni Caleb.

Cross References

Nehemias 9:27

Busa ikaw nagtugyan kanila ngadto sa kamot sa ilang mga kaaway nga nagpaantos kanila ug sa panahon sa ilang pag-antos, sila mituaw nganha kanimo ug ikaw namati gikan sa langit. Ug sumala sa imong dakong kaluoy ikaw mihatag kanila ug mga manluluwas nga miluwas kanila gikan sa kamot sa ilang mga kaaway.

Salmo 22:5

Nganha kanimo sila nagpakitabang, ug naluwas; kanimo sila misalig ug wala sila maulawi.

Salmo 78:34

Sa diha nga gipamatay niya sila, sila nangita kaniya; naghinulsol sila ug nagtinguha sa pagpangita sa Dios,

Josue 15:17

Ug si Otniel nga anak ni Kenas nga igsoon ni Caleb miilog niini, ug gihatag ni Caleb ngadto kaniya ang iyang anak nga si Acsa ingon nga iyang asawa.

Mga Maghuhukom 1:13

Ug si Otniel nga anak ni Kenas, nga manghod ni Caleb mikuha niini. Ug gihatag ni Caleb kaniya si Acsa nga iyang anak aron ipaasawa.

Mga Maghuhukom 10:10

Unya ang katawhan sa Israel mituaw ngadto sa Ginoo nga nag-ingon “Kami nakasala batok kanimo tungod kay gisalikway namo ang among Dios ug nag-alagad sa mga Baal.”

Mga Maghuhukom 2:16

Unya ang Ginoo nagpatungha ug mga maghuhukom nga nagluwas kanila gikan sa gahom niadtong mga nanulis kanila.

Mga Maghuhukom 2:18

Sa diha nga ang Ginoo nagpatungha ug mga maghuhukom alang kanila, ang Ginoo nag-uban sa maghuhukom, ug siya nagluwas kanila gikan sa kamot sa ilang mga kaaway sa tanang mga adlaw sa maghuhukom, kay ang Ginoo natandog sa pagkaluoy kanila tungod sa ilang mga pag-agulo tungod sa mga nagdaogdaog ug nagpaantos kanila.

Mga Maghuhukom 3:15

Apan sa diha nga ang katawhan sa Israel nagpakitabang sa Ginoo, ang Ginoo nagpatungha kanila ug usa ka manluluwas, si Ehud nga anak ni Gera sa kaliwat ni Benjamin, usa ka tawo nga walhon. Ang katawhan sa Israel nagpadala ug buhis pinaagi kaniya ngadto kang Eglon nga hari sa Moab.

Mga Maghuhukom 3:8

Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Mga Maghuhukom 4:3

Unya ang katawhan sa Israel nagpakitabang sa Ginoo, kay si Jabin adunay siyam ka gatos ka karwahi nga puthaw ug iyang gidaogdaog sa hilabihan gayod ang katawhan sa Israel sulod sa 20 ka tuig.

Mga Maghuhukom 6:7

Sa diha nga ang katawhan sa Israel mituaw ngadto sa Ginoo tungod sa mga Midianhon,

1 Samuel 12:10

Unya sila mituaw ngadto sa Ginoo ug miingon, ‘Kami nakasala tungod kay among gitalikdan ang Ginoo ug nag-alagad sa mga Baal ug sa Astarot, apan karon luwasa kami gikan sa kamot sa among mga kaaway ug kami mag-alagad kanimo.’