Mga Maghuhukom 3:8

Ang Biblia 2011

Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Cross References

Genesis 24:10

Unya ang ulipon mikuha ug napulo ka kamilyo sa iyang agalon ug milakaw. Nagdala siya sa tanang matang sa mga piniling gasa gikan sa bahandi sa iyang agalon. Ug migikan siya ug miadto sa Mesopotamia, ngadto sa lungsod ni Nahor.

Salmo 106:41

gitugyan niya sila ngadto sa gahom sa mga nasod, nga tungod niana ang mga nagdumot kanila naggahom ibabaw kanila.

Salmo 129:1

“Sa makadaghan gisakit nila ako sukad pa sa akong pagkabatan-on,” —pasultia ang Israel karon—

Salmo 44:12

Gibaligya nimo ang imong katawhan sa gamay nga bili, wala mangayo ug taas nga bili alang kanila.

Salmo 6:1

O Ginoo, ayaw ako ug badlonga diha sa imong kapungot, o kastigoha diha sa imong kaligutgot.

Salmo 85:3

Gipasibog nimo ang tanan nimong kaligutgot, milingiw ikaw gikan sa kabangis sa imong kapungot.

Exodo 22:24

Ug ang akong kapungot mosilaob ug patyon ko kamo pinaagi sa espada, ug ang inyong mga asawa mangahimong biyuda ug ang inyong mga anak mahimong walay mga amahan.

Isaias 50:1

Mao kini ang giingon sa Ginoo, “Hain man ang sulat sa pakigbulag sa imong inahan, nga pinaagi niini siya akong gibiyaan? O kinsa sa akong mga gikautangan ang gibaligyaan nako kaninyo? Tan-awa, tungod sa inyong mga kasal-anan nabaligya kamo, ug tungod sa inyong mga paglapas gibiyaan ang inyong inahan.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Habacuc 3:7

Nakita nako ang mga balongbalong sa Cusan nga diha sa kasakitan; nangurog ang mga tabil sa yuta sa Midian.

Roma 7:14

Kay kita nahibalo nga ang Balaod espirituhanon apan ako unodnon, gibaligya ilalom sa sala.

Deuteronomio 29:20

Ang Ginoo dili mopasaylo kaniya kondili ang kapungot sa Ginoo ug ang iyang pangabubho magdilaab batok sa maong tawo ug ang tanang tunglo nga gisulat niining basahon maanaa sa ibabaw niya ug papason sa Ginoo ang iyang ngalan gikan sa ubos sa langit.

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Mga Maghuhukom 2:14

Busa ang kasuko sa Ginoo misilaob batok sa Israel ug gihatag niya sila ngadto sa mga tulisan nga nanulis kanila ug gibaligya niya sila ngadto sa gahom sa ilang mga kaaway nga naglibot, aron dili na sila makasugakod sa ilang mga kaaway.

Mga Maghuhukom 2:20

Busa ang kasuko sa Ginoo misilaob batok sa Israel ug siya miingon, “Tungod kay kining nasora nakalapas sa akong kasabotan nga akong gisugo sa ilang katigulangan ug wala mamati sa akong tingog,

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

Mga Maghuhukom 3:7

Ang katawhan sa Israel naghimo ug daotan diha sa panan-aw sa Ginoo, nalimot sa Ginoo nga ilang Dios ug nag-alagad sa mga Baal ug sa mga Asera.

Mga Maghuhukom 3:9

Apan sa diha nga ang katawhan sa Israel nagpakitabang sa Ginoo, ang Ginoo nagpatungha ug usa ka manluluwas alang sa katawhan sa Israel nga miluwas kanila, nga mao si Otniel nga anak ni Kenes nga manghod ni Caleb.

Mga Maghuhukom 4:9

Si Debora miingon, “Mouban gayod ako kanimo, bisan pa ug ang dalan nga imong agian dili maghatod sa imong kadungganan, kay ang Ginoo magbaligya kang Sisera ngadto sa kamot sa usa ka babaye.” Unya si Debora mitindog ug mikuyog kang Barak ngadto sa Kedes.

1 Samuel 12:9

Apan sila nalimot sa Ginoo nga ilang Dios ug siya nagbaligya kanila ngadto sa kamot ni Sisera nga tigmando sa kasundalohan sa Hasor ug ngadto sa kamot sa mga Filistihanon ug ngadto sa kamot sa hari sa Moab, ug sila nakig-away batok kanila.