Mga Maghuhukom 3:7

Ang Biblia 2011

Ang katawhan sa Israel naghimo ug daotan diha sa panan-aw sa Ginoo, nalimot sa Ginoo nga ilang Dios ug nag-alagad sa mga Baal ug sa mga Asera.

Cross References

1 Mga Hari 16:33

Ug nagbuhat si Ahab ug usa ka Asera. Ug si Ahab naghimo ug labaw pa aron sa paghagit sa kasuko sa Ginoo, ang Dios sa Israel, kay sa tanang hari sa Israel nga una kaniya.

1 Mga Hari 18:19

Busa karon ipaadto ug tigoma ang katawhan sa Israel didto sa bukid sa Carmel ug ang 450 ka propeta ni Baal ug ang 400 ka propeta ni Asera nga anaa magkaon sa lamisa ni Jesebel.”

2 Mga Hari 23:14

Ug iyang gipanugmok ang mga haligi ug gipamutol ang mga Asera ug gipuno ang ilang nga dapit sa mga bukog sa mga tawo.

2 Mga Hari 23:6

Iyang gipagawas ang Asera gikan sa balay sa Ginoo ngadto sa gawas sa Jerusalem, ngadto sa sapa sa Kidron ug gisunog kini didto sa sapa sa Kidron ug gidugmok hangtod nga naabog ug gisaliyab ang abog niini sa ibabaw sa mga lubnganan sa mga anak sa mga tawo nga yano.

2 Cronicas 15:16

Bisan si Maaca nga iyang inahan gipapahawa ni Hari Asa gikan sa pagkarayna tungod kay siya naghimo ug usa ka dulumtanan nga larawan alang kang Asera. Giputol ni Asa ang iyang larawan ug gidugmok kini ug gisunog kini didto sa Sapa sa Kidron.

2 Cronicas 24:18

Ilang gibiyaan ang balay sa Ginoo, ang Dios sa ilang mga katigulangan, ug nag-alagad sa mga Asera ug sa mga diosdios. Ug ang kaligutgot miabot sa Juda ug sa Jerusalem tungod niining ilang sala.

2 Cronicas 33:19

Ang iyang pag-ampo ug kon giunsa sa pagdawat sa Dios sa iyang paghangyo, ug ang tanan niyang sala ug ang iyang kalapasan, ug ang mga dapit diin siya magtukod sa mga habog nga dapit ug gipatindog ang mga Asera ug ang mga larawan sa wala pa siya magpaubos sa iyang kaugalingon, kini nasulat sa Kasaysayan sa mga Propeta.

2 Cronicas 33:3

Kay iyang gitukod pag-usab ang mga habog nga dapit nga gipanglumpag ni Hesekias nga iyang amahan ug siya nagpatindog ug mga halaran alang sa mga Baal ug naghimo ug mga Asera ug nagsimba sa tanang panon sa langit ug nag-alagad kanila.

2 Cronicas 34:3

Kay sa ikawalo nga tuig sa iyang paghari, samtang batan-on pa siya, siya nag-alagad sa Dios ni David nga iyang amahan ug sa ikanapulo ug duha nga tuig siya nagsugod sa paghinlo sa Juda ug sa Jerusalem sa mga habog nga dapit, sa mga Asera, ug sa mga kinulit ug sa mga tinunaw nga larawan.

2 Cronicas 34:7

iyang gitumpag ang mga halaran ug gidugmok ang mga Asera ug ang mga larawan hangtod naabog, ug gipamutol ang mga halaran sa insenso sa tibuok yuta sa Israel, unya mibalik siya ngadto sa Jerusalem.

Salmo 106:35

hinuon misagol sila sa mga nasod, ug nakakat-on sa ilang mga buhat.

Salmo 106:36

Mialagad sila sa ilang mga diosdios, nga nahimong lit-ag alang kanila.

Salmo 106:7

Ang among katigulangan, sa dihang didto sila sa Ehipto, wala makasabot sa kahibulongan nimong mga buhat; wala sila mahinumdom sa kadagaya sa imong gugmang walay paglubad, kondili nagmasukihon batok sa Labing Halangdon, didto sa Dagat nga Pula.

Exodo 34:13

Kinahanglang gub-on ninyo ang ilang mga halaran ug dugmokon ang ilang mga haligi ug putlon ang ilang mga Ashera.

Jeremias 23:27

nga naghunahuna sa paghimo sa akong katawhan nga malimot sa akong ngalan pinaagi sa ilang mga damgo nga ilang gisulti sa matag usa, ingon nga ang ilang mga katigulangan nangalimot sa akong ngalan tungod sa Baal?

Deuteronomio 16:21

“Ayaw pag-ugbok ug bisan unsang kahoy ingon nga Asera tupad sa inyong buhaton nga halaran sa Ginoo nga inyong Dios nga inyong buhaton.

Deuteronomio 4:9

“Pagmatngon lamang ug ampingi pag-ayo ang inyong kalag kay tingali unya ug malimot kamo sa mga butang nga nakita sa inyong mga mata, ug tingali unya ug mobulag sila sa inyong kasingkasing sa tanang mga adlaw sa inyong kinabuhi. Ipahibalo kini sa imong mga anak ug sa mga anak sa imong mga anak

Deuteronomio 8:11

“Pagmatngon kamo kay tingali unya ug malimot kamo sa Ginoo nga inyong Dios pinaagi sa dili pagtuman sa iyang mga sugo ug sa iyang mga tulumanon ug sa iyang mga lagda nga akong gisugo kaninyo niining adlawa.

Deuteronomio 8:14

unya ang inyong kasingkasing magmapahitas-on ug malimot kamo sa Ginoo nga inyong Dios nga nagkuha kaninyo gikan sa yuta sa Ehipto, gikan sa balay sa kaulipnan,

Deuteronomio 8:18

Apan hinumdomi ang Ginoo nga inyong Dios kay siya mao ang naghatag ug gahom sa pagbaton sa mga bahandi, aron mapamatud-an niya ang iyang kasabotan nga gipanumpa niya sa inyong katigulangan sama niining adlawa.

Mga Maghuhukom 3:12

Ang katawhan sa Israel naghimo pag-usab ug daotan diha sa panan-aw sa Ginoo. Ug ang Ginoo naglig-on kang Eglon nga hari sa Moab batok sa Israel tungod kay naghimo sila ug daotan diha sa panan-aw sa Ginoo.

Mga Maghuhukom 3:8

Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Mga Maghuhukom 6:25

Niadtong gabhiona ang Ginoo miingon kaniya, “Dad-a ang torong baka sa imong amahan, ang ikaduha nga torong baka nga pito ka tuig ang panuigon ug tumpaga ang halaran ni Baal nga anaa sa imong amahan ug putla ang Asera nga anaa tupad niini.

Mga Maghuhukom 8:33

Sa diha nga si Gideon namatay na, ang katawhan sa Israel mibalik na usab ug misimba sa mga Baal ug gihimo si Baal-berit nga ilang dios.

Mga Maghuhukom 8:34

Ug ang katawhan sa Israel wala mahinumdom sa Ginoo nga ilang Dios nga nagluwas kanila gikan sa kamot sa tanan nilang mga kaaway sa bisan diin nga dapit.

1 Samuel 12:10

Unya sila mituaw ngadto sa Ginoo ug miingon, ‘Kami nakasala tungod kay among gitalikdan ang Ginoo ug nag-alagad sa mga Baal ug sa Astarot, apan karon luwasa kami gikan sa kamot sa among mga kaaway ug kami mag-alagad kanimo.’

1 Samuel 12:9

Apan sila nalimot sa Ginoo nga ilang Dios ug siya nagbaligya kanila ngadto sa kamot ni Sisera nga tigmando sa kasundalohan sa Hasor ug ngadto sa kamot sa mga Filistihanon ug ngadto sa kamot sa hari sa Moab, ug sila nakig-away batok kanila.