Mga Maghuhukom 3:5

Ang Biblia 2011

Busa ang katawhan sa Israel mipuyo uban sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Cross References

Genesis 13:7

Ug dihay panagbingkil sa mga tigbantay sa kahayopan ni Abram ug sa mga tigbantay sa kahayopan ni Lot. Niadtong panahona, ang mga Canaanhon ug ang mga Perisihanon nagpuyo niadtong yutaa.

1 Mga Hari 9:20

Ug ang tanang katawhan nga nahibilin sa mga Amorihanon, sa mga Hitihanon, mga Perisihanon, mga Hibihanon ug sa mga Jebusehanon, nga dili sakop sa katawhan sa Israel,

Nehemias 9:8

Ug nakita nimo ang iyang kasingkasing nga matinumanon sa imong atubangan ug naghimo ikaw ug usa ka kasabotan uban kaniya sa paghatag sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Jebusihanon ug sa mga Gergasihanon ngadto sa iyang mga kaliwat ug imong gituman ang imong mga saad kay ikaw matarong.

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Exodo 34:16

ug kuhaon ninyo ang ilang mga anak nga babaye alang sa inyong mga anak nga lalaki, ug ang ilang mga anak nga babaye magsimba sa ilang mga diosdios ug maghimo sa inyong mga anak nga lalaki sa pagpakighilawas sa pagsimba sa ilang mga diosdios.

Numeros 13:29

Ang mga Amalekanhon nagpuyo sa yuta sa Negeb, ug ang mga Hitihanon ug ang mga Jebusihanon ug ang mga Amorihanon nagpuyo diha sa kabungtoran, ug ang mga Canaanhon nagpuyo duol sa dagat ug sa daplin sa Jordan.”

Deuteronomio 7:1

“Sa diha nga ang Ginoo nga inyong Dios magdala kaninyo ngadto sa yuta nga inyong adtoan aron sa pagpanag-iya niini ug mag-abog sa daghang mga nasod gikan sa inyong atubangan, sa Hitihanon, sa Gergasihanon, sa Amorihanon, sa Canaanhon, sa Perisihanon, sa Hibihanon ug sa Jebusihanon, pito ka nasod nga dagko ug gamhanan kay kaninyo.

Josue 11:3

ang mga Canaanhon sa silangan ug sa kasadpan, ang mga Amorihanon, ang mga Hitihanon, ang mga Perisihanon, ang mga Jebusihanon sa kabungtoran ug ang mga Hibihanon ubos sa Hermon sa yuta sa Mispa.

Josue 9:1

Sa pagkadungog niini sa tanang mga hari nga diha sa tabok sa Jordan, sa kabungtoran ug sa kapatagan, sa tanang kabaybayonan sa Dakong Dagat ngadto sa Lebanon, mga hari sa Hitihanon, sa Amorihanon, sa Canaanhon, sa Perisihanon, sa Hibihanon ug sa Jebusihanon,

Mga Maghuhukom 1:4

Unya si Juda miadto ug ang Ginoo mitugyan sa mga Canaanhon ug sa mga Perisihanon ngadto sa ilang kamot, ug gibuntog nila ang napulo ka libo kanila didto sa Besek.

Mga Maghuhukom 1:5

Naabtan nila si Adonibesek didto sa Besek ug nakig-away sila batok kaniya ug gibuntog nila ang mga Canaanhon ug ang mga Perisihanon.