Mga Maghuhukom 3:11

Ang Biblia 2011

Busa ang yuta nakapahulay sa 40 ka tuig. Unya si Otniel nga anak nga lalaki ni Kenes namatay.

Cross References

1 Cronicas 4:13

Ang mga anak nga lalaki ni Kenas: si Otniel ug si Seraias. Ug ang mga anak nga lalaki ni Otniel: si Hatat ug si Meonatai.

Nehemias 9:28

Apan human sila makapahulay naghimo na usab sila ug daotan sa imong atubangan, ug imo silang gibiyaan sa kamot sa ilang mga kaaway, mao nga sila nagdumala kanila apan sa dihang mibalik sila ug mituaw nganha kanimo, namati ikaw gikan sa langit ug sa makadaghan ikaw nagluwas kanila sumala sa imong mga kaluoy.

Ester 9:22

ingon nga ang mga adlaw diin ang mga Judio nakapahulay gikan sa ilang mga kaaway, ug ingon nga bulan diin ang kasubo gihimo nga kalipay ug ang kasakit usa ka maayong adlaw, nga sila nagbuhat niini nga mga adlaw sa pagsaulog ug paglipay, mga adlaw sa pagpadala ug mga gasang pagkaon sa usa ug usa ug mga gasa alang sa mga kabos.

Josue 11:23

Busa gikuha ni Josue ang tibuok nga yuta sumala sa tanang gisulti sa Ginoo kang Moises ug gihatag kini ni Josue ingon nga panulundon sa Israel sumala sa ilang mga bahin pinaagi sa ilang mga banay. Ug ang yuta nakapahulay gikan sa gubat.

Josue 15:17

Ug si Otniel nga anak ni Kenas nga igsoon ni Caleb miilog niini, ug gihatag ni Caleb ngadto kaniya ang iyang anak nga si Acsa ingon nga iyang asawa.

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

Mga Maghuhukom 3:12

Ang katawhan sa Israel naghimo pag-usab ug daotan diha sa panan-aw sa Ginoo. Ug ang Ginoo naglig-on kang Eglon nga hari sa Moab batok sa Israel tungod kay naghimo sila ug daotan diha sa panan-aw sa Ginoo.

Mga Maghuhukom 3:30

Busa ang Moab nabuntog niadtong adlawa ilalom sa kamot sa Israel. Ug ang yuta nakapahulay sulod sa 80 ka tuig.

Mga Maghuhukom 3:9

Apan sa diha nga ang katawhan sa Israel nagpakitabang sa Ginoo, ang Ginoo nagpatungha ug usa ka manluluwas alang sa katawhan sa Israel nga miluwas kanila, nga mao si Otniel nga anak ni Kenes nga manghod ni Caleb.

Mga Maghuhukom 5:31

“Sa ingon niini laglaga ang tanan nimong mga kaaway, O Ginoo! Apan ang imong nga higala himoa nga sama sa adlaw sa nagsidlak diha sa iyang kusog.” Ug ang yuta nakapahulay sulod sa 40 ka tuig.

Mga Maghuhukom 8:28

Busa ang Midian nabuntog sa atubangan sa katawhan sa Israel ug wala na nila iyahat ang ilang mga ulo. Ug ang yuta nakapahulay sulod sa 40 ka tuig sa mga adlaw ni Gideon.