Mga Maghuhukom 3:1

Ang Biblia 2011

Karon mao kini ang mga nasod nga gibilin sa Ginoo aron sa pagsulay sa Israel pinaagi kanila, nga sa ato pa, ang tanan diha sa Israel nga walay kasinatian sa bisan unsang gubat sa Canaan.

Cross References

1 Mga Hari 9:21

ang mga kaliwat nila nga nahibilin sunod kanila diha sa yuta nga wala mahurot paglaglag sa mga anak sa Israel, gihimo ni Solomon nga mga ulipon ug nagpabilin sa ingon hangtod niining adlawa.

2 Cronicas 32:31

Apan mahitungod sa buhat sa mga sinugo sa mga pangulo sa Babilonia, nga gipadala ngadto kaniya aron sa pagpakisayod sa katingalahan nga nabuhat didto sa yuta, ang Dios mibiya kaniya, aron sa pagsulay kaniya ug sa pag-ila sa tanan nga anaa sa iyang kasingkasing.

Job 23:10

Apan nahibalo siya sa dalan nga akong gisubay; sa diha nga ako masulayan na niya, mogula ako ingon sa bulawan.

Exodo 15:25

Ug si Moises nagpakitabang sa Ginoo ug ang Ginoo nagpakita kaniya ug usa ka kahoy, ug gihulog niya kini sa tubig ug ang tubig nahimong tam-is. Didto ang Ginoo naghimo alang kanila ug usa ka lagda ug usa ka tulumanon ug didto iyang gisulayan sila.

Mga Panultihon 17:3

Ang tunawanan alang sa plata, ug ang hudno alang sa bulawan, ug ang Ginoo magsulay sa mga kasingkasing.

Jeremias 6:27

“Ako naghimo kanimo nga usa ka tig-usisa ug usa ka tigsulay sa akong katawhan, aron ikaw mahibalo ug magsulay sa ilang mga pamaagi.

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Juan 2:24

Apan wala isalig ni Jesus ang iyang kaugalingon ngadto kanila, kay siya nasayod man sa tanang tawo

Deuteronomio 7:22

Ang Ginoo nga inyong Dios maghawan niining mga nasod gikan sa inyong atubangan sa hinayhinay. Ayaw sila puoha dayon kay tingali unya ug ang mga mananap nga ihalas modaghan pag-ayo batok kaninyo.

Deuteronomio 8:16

kaniya nga nagpakaon kaninyo didto sa kamingawan ug mana nga wala mailhi sa inyong katigulangan, aron unta himoon kamo niya nga ubos ug sulayan kamo aron sa paghimo ug maayo kaninyo sa kaulahian.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.

1 Pedro 1:7

aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.

1 Pedro 4:12

Mga hinigugma, ayaw kamo kahibulong sa nagdilaab nga pagsulay nga mahitabo kaninyo, ingon nga usa ka talagsaong butang ang nahitabo kaninyo.

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.

Mga Maghuhukom 1:1

Human sa kamatayon ni Josue, ang katawhan sa Israel nangutana sa Ginoo, “Kinsa man ang mouna pagtungas alang kanamo batok sa mga Canaanhon, aron sa pagpakig-away batok kanila?”

Mga Maghuhukom 2:10

Ang tanan niadtong maong kaliwatan gitipon usab ngadto sa ilang mga katigulangan. Ug dihay mitungha nga laing kaliwatan sunod kanila nga wala makaila sa Ginoo o sa buhat nga iyang gihimo alang sa Israel.

Mga Maghuhukom 2:23

Busa ang Ginoo mibiya niadtong mga nasod, nga wala dayon papahawaa, wala niya ihatag sila ngadto sa gahom ni Josue.

Mga Maghuhukom 3:2

Kini aron lamang nga ang mga kaliwatan sa katawhan sa Israel makakat-on sa gubat aron siya makatudlo niadtong wala pa gayod mahibalo niini kaniadto.