Mga Maghuhukom 21:2

Ang Biblia 2011

Ug ang katawhan miadto sa Betel ug nanglingkod didto hangtod sa pagkagabii sa atubangan sa Dios ug gipatugbaw nila ang ilang mga tingog ug nanghilak sa hilabihang kapait.

Cross References

Genesis 27:38

Si Esau miingon sa iyang amahan, “Usa ra ba gayod ang imong panalangin, amahan ko? Panalangini ako, ako usab, amahan ko.” Ug gipatugbaw ni Esau ang iyang tingog ug siya mihilak.

Josue 18:1

Unya ang tibuok nga katilingban sa katawhan sa Israel nagtigom didto sa Silo ug gipatindog ang tolda nga tagboanan. Ang yuta ilang nabuntog sa ilang atubangan.

Mga Maghuhukom 2:4

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.

Mga Maghuhukom 20:18

Ang katawhan sa Israel nangandam ug nangadto sa Betel, ug nagpakisayod sa Dios, “Kinsa kanamo ang mouna pag-adto aron sa pagpakig-away batok sa mga kaliwat ni Benjamin?” Ug ang Ginoo miingon, “Ang Juda mao ang mouna pag-adto.”

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

Mga Maghuhukom 20:26

Unya ang tanang katawhan sa Israel, ang tibuok nga kasundalohan, nanungas ug nangadto sa Betel ug nanghilak. Nanglingkod sila didto sa atubangan sa Ginoo ug nagpuasa niadtong adlawa hangtod sa pagkagabii ug naghalad ug mga halad nga sunogon ug mga halad sa pakigdait sa atubangan sa Ginoo.

Mga Maghuhukom 21:12

Ug ilang nakit-an diha sa mga nagpuyo sa Jabes-gilead ang upat ka gatos ka batan-ong babaye nga ulay nga wala makasinati ug lalaki pinaagi sa pagdulog kaniya, ug gidala nila sila ngadto sa kampo sa Silo nga atua sa yuta sa Canaan.

Mga Maghuhukom 21:3

Ug sila miingon, “O Ginoo, ang Dios sa Israel, nganong nahitabo man kini sa Israel, nga niining adlawa may usa ka banay nga nawala sa Israel?”

1 Samuel 11:4

Sa diha nga ang mga sinugo miabot kang Saul didto sa Gibea, ilang gipahibalo ang mga gikauyonan ngadto sa igdulungog sa katawhan ug ang tibuok katawhan nanghilak ug kusog.

1 Samuel 30:4

Unya si David ug ang katawhan nga diha uban kaniya mipatugbaw sa ilang tingog ug nanghilak, hangtod nga wala na silay kusog sa paghilak.