Mga Maghuhukom 21:10

Ang Biblia 2011

Ug ang katilingban nagpadala didto ug 12,000 ka tawo nga labing isog ug gisugo sila, “Lakaw ug pamatya ninyo ang mga namuyo sa Jabes-gilead pinaagi sa sulab sa espada, lakip ang mga babaye ug mga bata.

Cross References

Numeros 31:17

Busa karon, pamatya ninyo ang tanang lalaki nga kabataan ug pamatya ninyo ang tanang babaye nga nakasinati ug lalaki pinaagi sa pagdulog kaniya.

Deuteronomio 13:15

pahiagoma gayod ang mga nagpuyo sa lungsod pinaagi sa espada, nga laglagon gayod sa hingpit ang tanan nga anaa niini ug ang kahayopan niini pinaagi sa sulab sa espada.

Josue 7:24

Unya si Josue ug ang tibuok Israel uban kaniya mikuha kang Acan nga anak ni Zera ug ang plata ug ang kupo ug ang barita nga bulawan ug ang iyang mga anak nga lalaki ug mga anak nga babaye ug ang iyang mga baka ug ang iyang mga asno ug ang iyang mga karnero ug ang iyang tolda ug ang tanan nga anaa kaniya. Ug gidala nila sila ngadto sa Walog sa Acor.

Mga Maghuhukom 21:5

Ug ang katawhan sa Israel miingon, “Kinsa sa tanang mga banay sa Israel ang wala moadto sa panagtigom sa Ginoo?” Kay sila naghimo ug usa ka dakong panumpa mahitungod kaniya nga dili moadto sa Ginoo didto sa Mispa, nga nag-ingon, “Patyon gayod siya.”

Mga Maghuhukom 21:8

Ug sila miingon, “Kinsa sa mga banay sa Israel nga wala moadto sa Ginoo didto sa Mispa?” Ug nakita nila nga walay miadto sa kampo gikan sa Jabes-gilead ngadto sa tigom.

Mga Maghuhukom 21:9

Kay sa diha nga gitigom ang katawhan, walay usa sa mga nagpuyo sa Jabes-gilead nga atua didto.

Mga Maghuhukom 5:23

“Tungloha ang Meros, miingon ang anghel sa Ginoo, tungloha pag-ayo ang mga nagpuyo niini, tungod kay miadto sila dili sa pagtabang sa Ginoo, sa pagtabang sa Ginoo batok sa mga kusgan.

1 Samuel 11:7

Busa mikuha siya ug usa ka parisan nga baka ug gitagodtagod kini ug gipadala niya kini ngadto sa tibuok kayutaan sa Israel pinaagi sa kamot sa mga sinugo, nga nag-ingon, “Si bisan kinsa nga dili mosunod kang Saul ug kang Samuel, ingon usab niini ang buhaton ngadto sa iyang mga baka!” Unya ang kahadlok sa Ginoo miabot ibabaw sa katawhan ug nanggula sila ingon nga usa ka tawo.

1 Samuel 15:3

Busa lakaw ug tigbasa si Amalek ug hutda paglaglag ang tanan nga anaa kanila, ug ayaw sila palingkawasa, hinuon patya ang lalaki ug babaye, bata ug masuso, baka ug karnero, kamilyo ug asno.’ ”