Mga Maghuhukom 2:4

Ang Biblia 2011

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.

Cross References

Esdras 10:1

Samtang nag-ampo si Ezra ug naghimo ug pagsugid nga naghilak ug nagluhod sa atubangan sa balay sa Dios, usa ka dako kaayong katilingban sa mga lalaki, mga babaye ug mga kabataan ang miduol kaniya gikan sa Israel kay ang katawhan nanghilak sa hilabihan gayod.

Mga Panultihon 17:10

Ang pagbadlong motidlom ngadto sa usa ka tawo nga may panabot kay sa usa ka gatos ka hapak ngadto sa usa ka buangbuang.

Jeremias 31:9

Manganhi sila uban ang paghilak, ug uban ang mga pagpangamuyo tultolan ko sila, palakton nako sila subay sa kasapaan sa tubig, sa tul-id nga dalan nga dili sila mapandol; kay ako usa ka amahan ngadto kang Israel, ug si Efraim mao ang akong kamagulangan.

Joel 2:12

“Apan bisan karon,” nag-ingon ang Ginoo, “balik kamo kanako uban ang bug-os ninyong kasingkasing, uban ang pagpuasa, uban ang paghilak ug uban ang pagsubo;

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Lucas 6:21

“Bulahan kamong mga gigutom karon kay busgon ra unya kamo. “Bulahan kamong mga naghilak karon kay mokatawa ra unya kamo.

Lucas 7:38

Sa nagtindog siya nga naghilak luyo sa tiilan ni Jesus, misugod siya sa paghumod sa mga tiil ni Jesus pinaagi sa iyang mga luha ug gipahiran kini pinaagi sa buhok sa iyang ulo, ug mihalok sa iyang mga tiil, ug unya gidihogan kini ug pahumot.

2 Mga Taga-Corinto 7:10

Kay ang diosnon nga kasubo mosangpot sa paghinulsol nga modangat ngadto sa kaluwasan ug dili magdala ug pagbasol, apan ang kasubo nga kalibotanon mosangpot sa kamatayon.

Santiago 4:9

Pagkaguol ug pagbangutan ug panghilak kamo! Ang inyong katawa himoa nga pagbangutan ug ang inyong kalipay himoa nga kasubo.

Mga Maghuhukom 2:3

Busa karon moingon ako, ‘Dili nako sila papahawaon gikan sa inyong atubangan apan mahimo silang mga kaaway alang kaninyo ug ang ilang mga dios mahimong usa ka lit-ag alang kaninyo.’ ”

Mga Maghuhukom 2:5

Ug gitawag nila ang ngalan niadtong dapita nga Bokim ug didto naghalad sila ngadto sa Ginoo.

1 Samuel 11:4

Sa diha nga ang mga sinugo miabot kang Saul didto sa Gibea, ilang gipahibalo ang mga gikauyonan ngadto sa igdulungog sa katawhan ug ang tibuok katawhan nanghilak ug kusog.

1 Samuel 7:6

Busa sila nagtigom didto sa Mispa ug nagkalos ug tubig ug gibubo kini sa atubangan sa Ginoo. Nagpuasa sila niadtong adlawa ug miingon, “Kami nakasala batok sa Ginoo.” Ug si Samuel nahimong maghuhukom sa katawhan sa Israel didto sa Mispa.