Mga Maghuhukom 2:3

Ang Biblia 2011

Busa karon moingon ako, ‘Dili nako sila papahawaon gikan sa inyong atubangan apan mahimo silang mga kaaway alang kaninyo ug ang ilang mga dios mahimong usa ka lit-ag alang kaninyo.’ ”

Cross References

Salmo 106:36

Mialagad sila sa ilang mga diosdios, nga nahimong lit-ag alang kanila.

Exodo 23:33

Kinahanglan nga dili sila mopuyo sa inyong yuta kay tingali unya ug sila mag-angin kaninyo sa pagpakasala batok kanako kay kon mag-alagad kamo sa ilang mga diosdios, kini gayod mahimong usa ka lit-ag alang kaninyo.”

Exodo 34:12

Pagmatngon kamo sa inyong kaugalingon kay tingali unya ug magbuhat kamo ug kasabotan uban sa mga nagpuyo sa yuta nga inyong adtoan kay tingali unya ug kini mahimong lit-ag diha kaninyo.

Numeros 33:55

Apan kon kamo dili mopapahawa sa mga nagpuyo sa yuta gikan sa inyong atubangan, kadtong inyong gitugotan nga magpabilin gikan kanila mahimong sama sa mga puling sa inyong mga mata ug ingon sa mga tunok diha sa inyong mga kilid, ug sila magsamok kaninyo sa yuta diin kamo magpuyo.

Deuteronomio 7:16

Ug laglagon ninyo ang tanang mga katawhan nga itugyan kaninyo sa Ginoo nga inyong Dios. Ang inyong mata dili maluoy kanila ug ayaw kamo pag-alagad sa ilang mga diosdios kay kana mahimong lit-ag alang kaninyo.

Josue 23:13

hibaloi gayod nga ang Ginoo nga inyong Dios dili mopadayon sa pag-abog niining mga nasod gikan sa inyong atubangan apan sila mahimong bitik ug lit-ag alang kaninyo, usa ka hampak sa inyong mga kilid ug mga tunok sa inyong mga mata hangtod nga kamo mahanaw niining maayong yuta nga gihatag kaninyo sa Ginoo nga inyong Dios.

Mga Maghuhukom 2:21

dili usab nako papahawaon gikan sa ilang atubangan ang bisan unsa sa mga nasod nga gibiyaan ni Josue sa iyang pagkamatay,

Mga Maghuhukom 2:4

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.

Mga Maghuhukom 3:6

Ug ilang gipangasawa ang ilang mga anak nga babaye ug gihatag nila ang ilang kaugalingong mga anak nga babaye ngadto sa ilang mga anak nga lalaki ug nag-alagad sa ilang mga dios.

Mga Maghuhukom 8:27

Unya si Gideon naghimo ug usa ka ephod gikan niini ug gibutang kini sa iyang siyudad sa Opra ug ang tibuok Israel nagluib pinaagi sa pagsimba niini. Ug kini nahimong lit-ag kang Gideon ug sa iyang panimalay.